លោកTru​mpជឿជាក់ថាប្រធានា​ធិប​តីអ៊ុយក្រែនZelensky​នឹងយល់ព្រម​បោះ​បង់ចោលគ្រីមៀ

ព្រឹត្តិការណ៍៖ស្ថានភាពសង្គ្រាមរុស្ស៊ី-អ៊ុយក្រែន

ប្រធានាធិបតីអាមេរិកលោកDonaldTrumpបាននិយាយថាសមភាគីអ៊ុយក្រែនលោកVolodymyrZelenskyមានឆន្ទៈលះបង់ការទាមទាររបស់ខ្លួនចំពោះអធិបតេយ្យភាពលើឧបទ្វីបគ្រីមៀដើម្បីឈានទៅដល់កិច្ចព្រមព្រៀងសន្តិភាពជាមួយរុស្ស៊ីក្នុងពេលឆាប់ៗនេះ។

យោងតាម ​​RTកាលពីថ្ងៃទី២៧ខែមេសា ប្រធានាធិបតីអាមេរិក Donald Trumpបានឆ្លើយសំណួររបស់អ្នកសារព័ត៌មានអំពីជំនួបនាពេលថ្មីៗនេះជាមួយប្រធានាធិបតីអ៊ុយក្រែនលោកVolodymyr Zelensky នៅបុរីវ៉ាទីកង់។លោកTrumpបាននិយាយថា"ខ្ញុំគិតថា Zelensky នឹងទម្លាក់ការទាមទាររបស់គាត់ចំពោះគ្រីមៀ។គ្មាននរណាម្នាក់និយាយអំពីវាអស់រយៈពេល១២ ឆ្នាំមកហើយ។ ខ្ញុំបានប្រាប់Zelensky ថាវាបានបញ្ចប់នៅក្រោមប្រធានាធិបតីObama។ អ៊ុយក្រែនអាចសួររដ្ឋបាលObamaថាហេតុអ្វីបានជាពួកគេបោះបង់ចោលគ្រីមៀ"។យោងតាមប្រធានាធិបតីទី៤៧ របស់សហរដ្ឋអាមេរិក ជំនួបជាមួយលោក Zelensky នៅបុរីវ៉ាទីកង់បានប្រព្រឹត្តទៅដោយរលូន។ លោកTrumpក៏បានបដិសេធរបាយការណ៍ដែលថាទំនាក់ទំនងរវាងមេដឹកនាំទាំងពីរកាន់តែយ៉ាប់យ៉ឺនដោយសង្កត់ធ្ងន់ថាសង្គ្រាមពាក្យសម្ដីក្នុងខែកុម្ភៈនៅឯសេតវិមានគឺ"គ្រាន់តែជាបញ្ហាតូចតាចប៉ុណ្ណោះ" ។

លោក Trump បានអត្ថាធិប្បាយថា "ខ្ញុំឃើញថាលោក Zelensky មានភាពស្ងប់ស្ងាត់ជាងមុន។ខ្ញុំគិតថាគាត់យល់ពីស្ថានភាព និងចង់ឈានដល់កិច្ចព្រមព្រៀងសន្តិភាព" ។ទន្ទឹមនឹងនេះ រដ្ឋមន្ត្រីការបរទេសរុស្ស៊ី លោក Sergey Lavrov បានបញ្ជាក់ថា លោកប្រធានាធិបតីTrumpបាននិយាយត្រឹមត្រូវអំពីឧបទ្វីបគ្រីមៀហើយប្រធានបទនេះមិនត្រូវការការពិភាក្សាបន្ថែមនោះទេ។ លោក Lavrov បាននិយាយថា"គំនិតរបស់ខ្ញុំចំពោះសេចក្តីថ្លែងការណ៍របស់លោក Trump មិនសំខាន់ទេ អ្វីដែលសំខាន់នោះគឺថាគាត់បានប្រាប់ការពិតអំពី គ្រីមៀ។ រុស្ស៊ីមិនធ្វើសម្បទាននៅលើទឹកដីរបស់ខ្លួនទេ ហើយលោក Trump យល់។នៅថ្ងៃដដែល រដ្ឋមន្ត្រីការបរទេសអាមេរិក លោក Marco Rubioបានជំរុញឱ្យទីក្រុងម៉ូស្គូនិងក្រុងគៀវអង្គុយតុចរចាដើម្បីបញ្ចប់ជម្លោះដោយព្រមានថាក្រុងវ៉ាស៊ីនតោននឹងពិចារណាបញ្ឈប់ការសម្របសម្រួលរវាងភាគីទាំងពីរក្នុងសប្តាហ៍នេះ។លោក Rubio បាននិយាយថា "រុស្ស៊ីនិងអ៊ុយក្រែនចាំបាច់ត្រូវពន្លឿនការពិភាក្សា។យើងមិនអាចបន្តចំណាយពេលវេលានិងថាមពលលើកិច្ចខិតខំប្រឹងប្រែងនេះបានទេ ។ប្រសិនបើវានឹងមិនទទួលបានលទ្ធផល"៕ពុតសាម៉ាត់