លោកTrum​pនិ​​យាយថាអាមេរិកអា​ចទិញកប៉ាល់ពី​'ដៃគូ'​ដើម្បីប្រកួតប្រជែ​ង​ជាមួយចិន

ប្រធានាធិបតីអាមេរិក លោកDonald Trump បាននិយាយថា ប្រទេសនេះអាចទិញកប៉ាល់ទំនើបៗពីដៃគូជិតស្និទ្ធដើម្បីបង្កើនការប្រកួតប្រជែងជាមួយឧស្សាហកម្មផលិតកប៉ាល់របស់ចិន។

យោងតាមYonhap ក្នុងអំឡុងពេលកិច្ចប្រជុំគណៈរដ្ឋមន្ត្រីកាលពីថ្ងៃទី១០ ខែមេសាលោកប្រធានាធិបតីDonaldTrumpបានស្នើឱ្យទីក្រុងវ៉ាស៊ីនតោនទិញកប៉ាល់បន្ថែមទៀតពី"ដៃគូជិតស្និទ្ធ"ហើយបានបញ្ជាក់ថាលោកនឹងចាត់វិធានការគ្រប់បែបយ៉ាងដើម្បីកសាងឧស្សាហកម្មផលិតកប៉ាល់របស់អាមេរិកឡើងវិញ។"ជាការពិតណាស់យើងត្រូវកសាងឧស្សាហកម្មផលិតកប៉ាល់របស់អាមេរិកឡើងវិញ។ក្នុងពេលជាមួយគ្នានេះយើងអាចទិញកប៉ាល់បន្ថែមទៀតពីប្រទេសជាមិត្តដែលកំពុងធ្វើការងារដ៏អស្ចារ្យ។ យើងនឹងយកបញ្ហានេះទៅសភា។អាមេរិកស្ទើរតែគ្មានសមត្ថភាពផលិតកប៉ាល់ទៀតទេនេះជាការមិនអាចទទួលយកបាន។ ឧស្សាហកម្មផលិតកប៉ាល់របស់អាមេរិកនឹងអស្ចារ្យម្តងទៀតក្នុងពេលដ៏ខ្លីខាងមុខ"លោក Trumpបាននិយាយ។លោក Trump បានធ្វើសេចក្តីថ្លែងការណ៍ខាងលើ បន្ទាប់ពីទីប្រឹក្សាសន្តិសុខជាតិអាមេរិក លោកMikeWaltzបានរាយការណ៍ថាប្រទេសចិនបានទទួលការបញ្ជាទិញសាងសង់កប៉ាល់ចំនួន១,៧០០កាលពីឆ្នាំមុនខណៈដែលសហរដ្ឋអាមេរិកមានការបញ្ជាទិញត្រឹមតែ៥ប៉ុណ្ណោះ។ទោះបីជាមិនបានបញ្ជាក់ជាក់លាក់ក៏ដោយប្រព័ន្ធផ្សព្វផ្សាយអាមេរិកបាននិយាយថាទីក្រុងវ៉ាស៊ីនតោនមានគោលបំណងទិញកប៉ាល់ពីកូរ៉េខាងត្បូងនិងជប៉ុន។ មួយថ្ងៃមុននេះ លោក Trump ក៏បានចុះហត្ថលេខាលើបទបញ្ជាប្រតិបត្តិមួយ ដើម្បីគាំទ្រដល់ឧស្សាហកម្មផលិតកប៉ាល់របស់សហរដ្ឋអាមេរិក ដោយហេតុនេះការបង្កើនការប្រកួតប្រជែងជាមួយប្រទេសចិនក្នុងវិស័យនេះ។បទបញ្ជាប្រតិបត្តិថ្មីដែលមានចំណងជើងថា"ការស្ដារការគ្រប់គ្រងដែនសមុទ្រអាមេរិកឡើងវិញ"កំណត់ពេលវេលាជាក់លាក់សម្រាប់ក្រសួងការបរទេសនិងក្រសួងការពារជាតិសហរដ្ឋអាមេរិកដើម្បីបង្កើតយុទ្ធសាស្ត្រជាក់លាក់ដើម្បីបង្កើនសមត្ថភាពផលិតកប៉ាល់របស់ប្រទេស។

ក្រុមអ្នកសង្កេតការណ៍ជឿថាទីក្រុងវ៉ាស៊ីនតោនបានចាត់ទុកការធ្លាក់ចុះនៃសមត្ថភាពសាងសង់កប៉ាល់ថាជាហានិភ័យដ៏ធំដល់សន្តិសុខជាតិ។ បច្ចុប្បន្ននេះ អាមេរិកផលិតកប៉ាល់ពាណិជ្ជកម្មតិចជាង១% នៅទូទាំងពិភពលោក ខណៈដែលចំណែកទីផ្សាររបស់ចិនមាន៥០%។ ចំនួនសរុបនៃកប៉ាល់ដែលមានទង់ជាតិអាមេរិកក្នុងសកម្មភាពដែនសមុទ្រអន្តរជាតិមានត្រឹមតែ៥០គ្រឿងប៉ុណ្ណោះ ដែលតិចតួចពេកបើធៀបនឹង របស់ចិន៥,៥០០គ្រឿង៕ស៊ីត