លោកPutin​​បង្ហាញភ្ញៀវក្នុងពិធីអប​​អរសាទរ​ទិវាជ័យជំនះ

ប្រធានាធិបតីរុស្ស៊ីVladimir Putinបានប្រកាសថាប្រធានាធិបតីចិន Xi Jinpingនឹងក្លាយជាភ្ញៀវសំខាន់របស់រុស្ស៊ីក្នុងខែឧសភា។បន្ថែមពីលើការចូលរួមក្នុងខួបលើកទី៨០នៃជ័យជំនះលើហ្វាស៊ីសនិយមក្នុងសង្គ្រាមលោកលើកទី២នៅទីក្រុងម៉ូស្គូលោកXiនឹងមានរបៀបវារៈដ៏មមាញឹកមួយ។

យោងតាម ​​RT ក្នុងជំនួបជាមួយរដ្ឋមន្ត្រីការបរទេសចិន លោក Wang Yi នៅថ្ងៃទី១ខែមេសាលោកPutinបាននិយាយថាមេដឹកនាំចិននឹងធ្វើទស្សនកិច្ចនៅទីក្រុងម៉ូស្គូមិនត្រឹមតែដើម្បីចូលរួមក្បួនដង្ហែរទិវាជ័យជំនះនៅថ្ងៃទី ៩ខែឧសភាប៉ុណ្ណោះទេ។ប៉ុន្តែក៏ដើម្បីបំពេញទស្សនកិច្ចផ្លូវរដ្ឋពេញលេញផងដែរ។លោកPutinបាននិយាយថា"ប្រធានាធិបតីចិននឹងក្លាយជាភ្ញៀវសំខាន់របស់យើងដែលផ្តល់ឱកាសសម្រាប់ភាគីទាំងពីរដើម្បីពិភាក្សាអំពីស្ថានភាពបច្ចុប្បន្ននៃទំនាក់ទំនងទ្វេភាគីនិងកិច្ចសហប្រតិបត្តិការនៅក្នុងវេទិកាអន្តរជាតិ"។រដ្ឋមន្ត្រីការបរទេសចិនបាននិយាយថា ការត្រៀមរៀបចំសម្រាប់ដំណើរទស្សនកិច្ចរបស់ប្រធានាធិបតី Xi Jinping ទៅកាន់ប្រទេសរុស្ស៊ីកំពុងដំណើរការយ៉ាងល្អ។ យោងតាមលោក Wang Yiដំណើរទស្សនកិច្ចរបស់លោកXiទៅកាន់ប្រទេសរុស្ស៊ីនឹងបង្កើតសន្ទុះថ្មីសម្រាប់ការអភិវឌ្ឍទំនាក់ទំនងទ្វេភាគី។ លោកXiក៏បានអញ្ជើញលោកPutinឱ្យទៅធ្វើទស្សនកិច្ចនៅប្រទេសចិន សម្រាប់ការប្រារព្ធពិធីជ័យជម្នះសង្គ្រាមលោកលើកទី២ របស់ខ្លួននៅដើមខែកញ្ញា។រុស្ស៊ី​មើល​ឃើញ​ជ័យជម្នះ​របស់​ខ្លួន​លើ​ពួក​ណាស៊ី​អាល្លឺម៉ង់​ក្នុង​ឆ្នាំ ១៩៤៥ ជា​និមិត្តរូប​នៃភាព​ធន់។ សម្រាប់​ការ​ប្រារព្ធ​ទិវា​ជ័យជម្នះ​ឆ្នាំ​នេះទីក្រុង​ម៉ូស្គូ​បាន​អញ្ជើញ​តែ​ប្រទេស​មួយ​ចំនួន​ប៉ុណ្ណោះ​ឲ្យ​ចូលរួម។ ចិននិងរុស្ស៊ីកំពុងរក្សាភាពជាដៃគូបើកចំហ។

មេដឹកនាំបរទេសជាច្រើនបានបញ្ជាក់ពីការចូលរួមរបស់ពួកគេនៅឯពិធីរំលឹកខួបនៅទីក្រុងមូស្គូកាលពីថ្ងៃទី៩សភា រួមទាំងនាយករដ្ឋមន្ត្រីស្លូវ៉ាគី ប្រធានាធិបតីស៊ែប៊ីប្រធានាធិបតីប្រេស៊ីលនិងប្រធានាធិបតីកាហ្សាក់ស្ថាន។នាយករដ្ឋមន្ត្រីឥណ្ឌាNarendraModiក៏អាចចូលរួមក្នុងក្បួនដង្ហែរទិវាជ័យជំនះនៅទីក្រុងម៉ូស្គូផងដែរបើទោះបីជាទីក្រុងញូដេលីមិនទាន់បញ្ជាក់ជាផ្លូវការអំពីរឿងនេះក៏ដោយ៕ពុតសាម៉ាត់