ចិនប្រកា​សពន្ធសងសឹក១២៥%ប្រឆាំ​ងនឹងសហរដ្ឋអា​មេរិក

 ព្រឹត្តិការណ៍៖លោកTrumpបើកការវាយប្រហារពន្ធលើពិភពលោកទាំងមូល

ក្រសួងហិរញ្ញវត្ថុរបស់ប្រទេសចិនទើបតែបានប្រកាសថាខ្លួននឹងយកពន្ធ ១២៥%លើទំនិញដែលនាំចូលពីសហរដ្ឋអាមេរិក។អត្រាពន្ធថ្មីគឺកើនឡើងពីតួលេខ៨៤% ដែលបានប្រកាសនៅថ្ងៃទី៩ខែមេសា។នៅក្នុងសេចក្តីថ្លែងការណ៍មួយដែលបានចេញផ្សាយនៅរសៀលថ្ងៃនេះ (១១មេសា)ក្រសួងហិរញ្ញវត្ថុចិនបាននិយាយថាការដាក់ពន្ធគយខ្ពស់មិនធម្មតារបស់សហរដ្ឋអាមេរិកលើប្រទេសចិនបានបំពានយ៉ាងធ្ងន់ធ្ងរលើច្បាប់ពាណិជ្ជកម្មអន្តរជាតិនិងបានប្រឆាំងនឹងច្បាប់និងការអនុវត្តសេដ្ឋកិច្ចជាមូលដ្ឋាន។ ក្រសួង​បាន​អះអាង​ថាវា​ជា​ទង្វើ​នៃ​ការ​សម្លុតនិង​គាបសង្កត់​ដោ​ឯកតោភាគី។

យោងតាមសារព័ត៌មានCNNទីក្រុងប៉េកាំងហាក់បីដូចជាកំពុងប្រាប់ថាខ្លួននឹងមិនដំឡើងពន្ធលើទំនិញអាមេរិកលើសពី១២៥% នោះទេ។"ការដាក់ពន្ធគយខ្ពស់ហួសហេតុរបស់អាមេរិកម្តងហើយម្តងទៀតលើទំនិញចិនបានក្លាយជាល្បែងលេខដោយគ្មានន័យសេដ្ឋកិច្ចពិតប្រាកដ។នេះបង្ហាញឱ្យឃើញបន្ថែមទៀតនូវការប្រើប្រាស់ពន្ធរបស់សហរដ្ឋអាមេរិកជាឧបករណ៍សម្រាប់ការគំរាមកំហែងនិងការបង្ខិតបង្ខំដោយបង្វែរពន្ធឱ្យទៅជាការលេងសើច។ប្រសិនបើសហរដ្ឋអាមេរិកនៅតែបន្តក្នុងល្បែងលេខរបស់ខ្លួនជាមួយនឹងពន្ធគយប្រទេសចិននឹងមិនបន្តធ្វើឱ្យប៉ះពាល់ដល់ផលប្រយោជន៍របស់អាមេរិកឡើយ។

អ្នក​នាំ​ពាក្យ​ក្រសួង​ពាណិជ្ជកម្ម​ចិន​បាន​និយាយ​ថាចូរ​ចាត់​វិធានការ​ប្រឆាំង​យ៉ាង​ម៉ឺងម៉ាត់និង​តស៊ូ​ដល់​ទី​បញ្ចប់។ពន្ធថ្មីរបស់ចិនលើទំនិញអាមេរិកនឹងចូលជាធរមានចាប់ពីថ្ងៃទី១២ ខែមេសា ដែលស្ទើរតែស្មើនឹងពន្ធនាំចូលដែលអនុវត្តដោយរដ្ឋបាល Trump លើទំនិញដែលមានប្រភពមកពីប្រទេសចិន។ក្នុង​ប៉ុន្មាន​សប្តាហ៍​ថ្មីៗ​នេះ សហរដ្ឋ​អាមេរិក និង​ចិន​បាន​ជាប់គាំង​ក្នុង​សង្រ្គាម​ពន្ធដារ​ដោយ​មិន​មាន​ទី​បញ្ចប់៕ពុតសាម៉ាត់