អ៊ីស្រាអែ​លវាយប្រហារលើគោលដៅយោ​ធាជាបន្តបន្ទាប់នៅក្នុងប្រទេ​សស៊ីរី

នៅយប់ថ្ងៃទី២ខែមេសាកងទ័ពអាកាសអ៊ីស្រាអែលបានធ្វើការវាយប្រហារតាមអាកាសជាបន្តបន្ទាប់សំដៅលើមូលដ្ឋានយោធាដែលមានទីតាំងនៅក្នុងទឹកដីស៊ីរី។កងកម្លាំងអាកាសអ៊ីស្រាអែលបាននិយាយនៅក្នុងសេចក្តីថ្លែងការណ៍មួយនៅលើបណ្តាញសង្គមXប្រព័ន្ធផ្សព្វផ្សាយស៊ីរី ក្រោយមកបានបញ្ជាក់ថាIDFបានធ្វើការវាយប្រហារតាមផ្លូវអាកាសទៅលើមជ្ឈមណ្ឌលស្រាវជ្រាវវិទ្យាសាស្ត្រBarzehដែលមានទីតាំងនៅជាយក្រុង Damascus ។មជ្ឈមណ្ឌលស្រាវជ្រាវវិទ្យាសាស្ត្រនេះ​ត្រូវ​បាន​គេ​ជឿ​ថា «​មាន​ទំនាក់ទំនង​នឹង​កម្មវិធី​សព្វាវុធ​របស់​រដ្ឋាភិបាល​របស់​អតីត​ប្រធានាធិបតី​ស៊ីរីBashar al-Assad»។

យោងតាមកាសែត Times of Israel នេះជាលើកទីពីរក្នុងរយៈពេល១០ ថ្ងៃចុងក្រោយនេះ ដែលអ៊ីស្រាអែលបានវាយប្រហារមូលដ្ឋានទ័ពអាកាស T-4 របស់ប្រទេសស៊ីរី។កាល​ពី​សប្តាហ៍​មុន មូលដ្ឋាន​នេះ​ក៏​ត្រូវ​បាន​ទម្លាក់​គ្រាប់បែក​យ៉ាង​ខ្លាំង​ដោយ​យន្តហោះ​ចម្បាំង IDF។

យន្តហោះចម្បាំងរបស់កងទ័ពអាកាសអ៊ីស្រាអែល។ រូបថត៖ កងទ័ពអាកាសអ៊ីស្រាអែល /បណ្តាញសង្គមX

កាសែតIsraelTimesបានដកស្រង់ព័ត៌មានពីកងកម្លាំងការពារអ៊ីស្រាអែល(IDF)ដោយនិយាយថាគោលដៅយោធាដែលបានវាយប្រហារលើកនេះរួមមាន"ឃ្លាំងប្រេងនិងស្ថានីយ៍រ៉ាដាដែលមានទីតាំងនៅខាងក្នុងអាកាសយានដ្ឋានយោធា Hama និងមូលដ្ឋានទ័ពអាកាស T-4 របស់ប្រទេសស៊ីរី"៕ពុតសាម៉ាត់