មេដឹកនាំ​ប៉ា​​ណា​​ម៉ា​ច្រានចោល​ការអះ​អាង​របស់លោកTrumpក្នុងការ​យ​ក​ប្រឡាយ​មកវិញ​

 ប្រធានាធិបតីប៉ាណាម៉ាលោកJosé Raúl Mulino កាលពីថ្ងៃទី៥ ខែមីនាបានចោទប្រកាន់សមភាគីអាមេរិករបស់លោក Donald Trump ថា"កុហក់"នៅពេលដែលគាត់បានប្រកាសថាទីក្រុងវ៉ាស៊ីនតោនកំពុងដណ្តើមយកព្រែកជីកប៉ាណាម៉ាមកវិញ។“ជាថ្មីម្តងទៀត ប្រធានាធិបតីអាមេរិក Donald Trump កំពុងនិយាយកុហក់។ ប្រឡាយប៉ាណាម៉ាមិនមែនជាផ្នែកនៃដំណើរការស្តារឡើងវិញទេ… ខ្ញុំក្នុងនាមប៉ាណាម៉ានិងប្រជាជនរបស់ខ្ញុំសូមបដិសេធការប្រមាថថ្មីនេះចំពោះការពិតនិងសេចក្តីថ្លៃថ្នូររបស់យើងក្នុងនាមប្រទេសមួយ” Mulino បាននិយាយនៅក្នុងសេចក្តីថ្លែងការណ៍មួយនៅលើបណ្តាញសង្គម X ។នេះបើយោងតាមកាសែតTheGuardian។

“កិច្ចសហប្រតិបត្តិការរវាងរដ្ឋាភិបាលរបស់យើងគឺផ្អែកលើការយល់ដឹងច្បាស់លាស់អំពីបញ្ហាផលប្រយោជន៍រួម។នេះ​មិន​មាន​ពាក់ព័ន្ធ​នឹង​ការ​«​យក​ប្រឡាយ​មក​វិញ​»ឬ​ធ្វើ​ឲ្យ​អធិបតេយ្យភាព​ជាតិ​របស់​យើង​ខូច​ខាត​នោះ​ទេ។លោក Mulino បានសង្កត់ធ្ងន់ថា"ប្រឡាយនេះជាកម្មសិទ្ធិរបស់ប៉ាណាម៉ាហើយនឹងនៅតែជារបស់ប៉ាណាម៉ា"។យោងតាមកាសែត The Guardian មេដឹកនាំប៉ាណាម៉ាបានធ្វើសេចក្តីថ្លែងការណ៍តែមួយថ្ងៃបន្ទាប់ពីប្រធានាធិបតីអាមេរិកTrumpថ្លែងសុន្ទរកថានៅក្នុងសម័យប្រជុំរួមពិសេសនៃសភាសហរដ្ឋអាមេរិកចាប់តាំងពីការចូលកាន់តំណែងសម្រាប់អាណត្តិទីពីររបស់លោកនៅក្នុងសុន្ទរកថានោះលោកTrumpបានប្រកាសថារដ្ឋបាលក្រុងវ៉ាស៊ីនតោន"ក្រោមការដឹកនាំរបស់លោកបានចាប់ផ្តើមដណ្តើមយកព្រែកជីកប៉ាណាម៉ាមកវិញ" ។លោក Trump បាននិយាយនៅពេលនោះថា "ដើម្បីពង្រឹងសន្តិសុខជាតិអាមេរិកបន្ថែមទៀតសហរដ្ឋអាមេរិកនឹងយកមកវិញនូវព្រែកជីកប៉ាណាម៉ាហើយយើងបានចាប់ផ្តើមធ្វើដូច្នេះហើយ" ។គេដឹងថាក្នុងរយៈពេលប៉ុន្មានខែថ្មីៗនេះ លោក Trump បានប្រកាសម្តងហើយម្តងទៀតថាលោកនឹងគ្រប់គ្រងប្រឡាយប៉ាណាម៉ាឡើងវិញដែលជាអង្គភាពផ្ទេរទៅប៉ាណាម៉ាសម្រាប់ការគ្រប់គ្រងក្រោមកិច្ចព្រមព្រៀងចុះហត្ថលេខាដោយអតីតប្រធានាធិបតីអាមេរិក Jimmy Carterក្នុងឆ្នាំ១៩៧៧។ទោះជាយ៉ាងណាក៏ដោយប្រធានាធិបតីប៉ាណាម៉ាលោក Mulino តែងតែបញ្ជាក់ថាគ្រប់ម៉ែត្រការ៉េនៃព្រែកជីកប៉ាណាម៉ា និងតំបន់ជុំវិញជារបស់ប៉ាណាម៉ា៕ផាត់យុទ្ធ