កត់ត្រាចំនួនជ​នជាតិអា​មេរិកដែលដា​​ក់ពាក្យសុំសញ្ជាតិអង់គ្លេសបន្ទាប់ពី​ការបោះឆ្នោតឡើងវិញរបស់​លោកTrump

ចំនួនជនជាតិអាមេរិកដែលដាក់ពាក្យសុំសញ្ជាតិអង់គ្លេសបានឈានដល់កម្រិតខ្ពស់បំផុតនៅក្នុងត្រីមាសទី៤ឆ្នាំ២០២៤ដែលស្របពេលជាមួយនឹងការបោះឆ្នោតឡើងវិញរបស់លោកDonald Trump ជាប្រធានាធិបតីសហរដ្ឋអាមេរិក។

CNNបានដកស្រង់ទិន្នន័យពីការិយាល័យផ្ទះរបស់អង់គ្លេសដែលនិយាយថាពលរដ្ឋអាមេរិកជាង៦,១០០ នាក់បានដាក់ពាក្យសុំសញ្ជាតិអង់គ្លេសកាលពីឆ្នាំមុនដែលជាចំនួនច្រើនបំផុតចាប់តាំងពីទិន្នន័យបានចាប់ផ្តើមត្រូវបានកត់ត្រាក្នុងឆ្នាំ២០០៤។

បើប្រៀបធៀបទៅនឹងឆ្នាំ២០២៣ចំនួនជនជាតិអាមេរិកដែលចង់បានសញ្ជាតិអង់គ្លេសនៅឆ្នាំ២០២៤ ក៏បានកើនឡើងយ៉ាងខ្លាំងផងដែរ។ តួលេខសម្រាប់ឆ្នាំ២០២៣បង្ហាញថា ជនជាតិអាមេរិកតិចជាង ៥,០០០នាក់ចង់ក្លាយជាពលរដ្ឋអង់គ្លេស។ពាក្យស្នើសុំសញ្ជាតិអង់គ្លេសដោយជនជាតិអាមេរិកក្នុងរយៈពេល៣ខែចុងក្រោយនៃឆ្នាំ២០២៤ក៏បានកើនឡើងផងដែរ ដោយឈានដល់១,៧០០នាក់។តួលេខនេះគឺខ្ពស់ជាងត្រីមាសផ្សេងទៀតក្នុងរយៈពេលពីរទសវត្សរ៍កន្លងមក។អ្វីដែលបានកើតឡើងគឺការរំឮកពីការកើនឡើងស្រដៀងគ្នាក្នុងរយៈពេល ៦ខែដំបូងនៃឆ្នាំ២០២០នៅពេលដែលជនជាតិអាមេរិកចំនួន៥,៨០០នាក់បានបោះបង់សញ្ជាតិរបស់ពួកគេពោលគឺកើនឡើងជិត៣ដងច្រើនជាងក្នុងឆ្នាំ២០១៩ ។ យោងតាមអ្នកវិភាគចំនួនជនជាតិអាមេរិកដែលបោះបង់សញ្ជាតិរបស់ពួកគេបានកើនឡើងបន្ទាប់ពីលោកTrumpបានឈ្នះអាណត្តិដំបូងរបស់លោកជាប្រធានាធិបតីហើយសហរដ្ឋអាមេរិកបានធ្វើការផ្លាស់ប្តូរជាច្រើននៅក្នុងគោលនយោបាយពន្ធ។Alistair Bambridge ដែលជាដៃគូនៅ Bambridge Accountants បានប្រាប់ CNN ថាមនុស្សជាច្រើនដែលបោះបង់សញ្ជាតិអាមេរិករបស់ពួកគេបានត្អូញត្អែរថាពួកគេមិនសប្បាយចិត្តនឹងបរិយាកាសនយោបាយរបស់ប្រទេស។ អ្នក​ខ្លះ​ទៀត​បាន​បង្ហាញ​ថា​មូល​ហេតុ​ដែល​ពួក​គេ​ចាក​ចេញ​គឺ​ទាក់​ទង​នឹង​ពន្ធ។ដោយសារជនជាតិអាមេរិកកាន់តែច្រើនចង់ក្លាយជាពលរដ្ឋអង់គ្លេស ជនជាតិអង់គ្លេសមួយចំនួនថ្មីៗនេះបានពិចារណាលើផែនការបម្រុងទុករបស់ពួកគេ។បន្ទាប់ពីចក្រភពអង់គ្លេសបានបោះឆ្នោតចាកចេញពីសហភាពអឺរ៉ុប(Brexit)ក្នុងឆ្នាំ២០១៦ចំនួនប្រជាជនអង់គ្លេសដែលដាក់ពាក្យសុំលិខិតឆ្លងដែនអៀរឡង់កើនឡើងស្ទើរតែទ្វេដង។ អ្នកកាន់លិខិតឆ្លងដែនអៀរឡង់មានសេរីភាពក្នុងការធ្វើការ រស់នៅ និងធ្វើដំណើរទូទាំងទ្វីបអឺរ៉ុប៕ពុតសាម៉ាត់