នាយក​រដ្ឋ​មន្ត្រី​​កាណា​ដា​ទម្លាយ​ប្រពៃ​ណី​ក្នុង​ដំណើរ​ទស្សនកិច្ច​នៅ​​អា​មេរិក​ផ្ញើសារ​ទៅ​លោ​​កTrump

នាយករដ្ឋមន្ត្រីកាណាដាថ្មីលោកMarkCarneyបានសម្រេចចិត្តទៅបំពេញទស្សនកិច្ចនៅចក្រភពអង់គ្លេសនិងបារាំងមុនពេលសហរដ្ឋអាមេរិក ចំពេលមានសញ្ញានៃភាពតានតឹងផ្នែកពាណិជ្ជកម្មរវាងទីក្រុងវ៉ាស៊ីនតោន និងអូតាវ៉ា។

យោងតាមCNNកាលពីថ្ងៃទី១៧ខែមីនានាយករដ្ឋមន្ត្រីកាណាដាថ្មីលោក Mark Carney បានបញ្ចប់ដំណើរទៅកាន់ចក្រភពអង់គ្លេស និងបារាំងបន្ទាប់ពីចូលកាន់តំណែងដោយបានបំបែកទំនៀមទម្លាប់របស់នាយករដ្ឋមន្ត្រីកាណាដាមុនៗដែលតែងតែជ្រើសរើសសហរដ្ឋអាមេរិកជាគោលដៅដំបូងរបស់ពួកគេ។ក្នុង​ដំណើរ​ទស្សនកិច្ច​នេះ លោក Carney បាន​ធ្វើ​ដំណើរ​ទៅ​ទីក្រុង​ប៉ារីសដើម្បី​ជួប​ប្រធានាធិបតី​បារាំង Emmanuel Macron នៅ​វិមាន Elysee។ បន្ទាប់មកនាយករដ្ឋមន្ត្រីកាណាដាថ្មីបានធ្វើដំណើរទៅទីក្រុងឡុងដ៍ ដើម្បីជួបពិភាក្សាជាមួយនាយករដ្ឋមន្ត្រីអង់គ្លេសKeir Starmer និងជួបព្រះមហាក្សត្រ Charles III។

នាយករដ្ឋមន្ត្រីកាណាដា លោក Mark Carney (ឆ្វេង) និងប្រធានាធិបតីបារាំង Emmanuel Macron ។ រូបថត៖ X/@MarkJCarney

លោក Carney បាននិយាយនៅក្នុងសន្និសីទសារព័ត៌មានរួមគ្នាជាមួយលោកMacron ថា "កាណាដាគឺជាប្រទេសដែលមានទំនាក់ទំនងច្រើនជាងគេជាមួយអឺរ៉ុប។ វាជាការសំខាន់ណាស់ដែលយើងពង្រឹងកិច្ចសហប្រតិបត្តិការរបស់យើងជាមួយសម្ព័ន្ធមិត្តដែលគួរឱ្យទុកចិត្តដូចជាប្រទេសបារាំង"។នៅទីក្រុងឡុងដ៍ លោក Carney បានបញ្ជាក់ថា ទំនាក់ទំនងរវាងកាណាដា និងចក្រភពអង់គ្លេសត្រូវបានកសាងឡើងនៅលើ"តម្លៃរួមគ្នា" ហើយបានសន្យាថានឹងពង្រឹងទំនាក់ទំនងទ្វេភាគីបន្ថែមទៀតនាពេលខាងមុខ។ក្នុង​អំឡុង​ពេល​ជួប​ជាមួយ​ព្រះមហាក្សត្រ Charles លោក​នាយក​រដ្ឋមន្ត្រី Carney ក៏​បាន​សម្តែង​ដែរ​ថាបំណង​ប្រាថ្នា​របស់​ប្រធានាធិបតី​អាមេរិក Donald Trumpក្នុង​ការ​បញ្ចូល​ប្រទេស​កាណាដា​គឺ"មិន​គោរព និង​មិន​ពិត"។លោកCarneyបានចែករំលែកបន្ទាប់ពីដំណើរទស្សនកិច្ចនេះថា "កាណាដាពឹងផ្អែកខ្លាំងពេកលើសហរដ្ឋអាមេរិកសម្រាប់សន្តិសុខ និងពាណិជ្ជកម្ម។យើងត្រូវធ្វើពិពិធកម្មហើយនោះគឺជាហេតុផលមួយដែលខ្ញុំបានទៅទស្សនាប្រទេសបារាំងនិងចក្រភពអង់គ្លេសជាមុន" ។ក្រុមអ្នកសង្កេតការណ៍និយាយថា ចំណាត់ការរបស់លោក Carney គឺជាមធ្យោបាយមួយដើម្បីបញ្ជូនសារទៅកាន់លោកTrump ក្នុងបរិបទដែលទំនាក់ទំនងរវាងទីក្រុងវ៉ាស៊ីនតោននិងអូតាវ៉ាកំពុងមានភាពតានតឹងដោយសារសង្គ្រាមពន្ធគយ៕ពុតសាម៉ាត់