រុស្ស៊ី​ត្រួតត្រា​ភា​​​គ​​ពាយ័ព្យ​ក្រុងKurakhove​អ៊ុយក្រែន​ដណ្តើម​បា​ន​ការ​​តាំង​ទីលំនៅ​ក្នុង​ទីក្រុង​L​uhanskវិញ

យោធារុស្ស៊ីបាននិយាយថាទាហានរបស់ខ្លួនទើបតែបានកាន់កាប់ភូមិ Sribneក្នុងខេត្ត Donetskពីកងទ័ពអ៊ុយក្រែន។

ទីភ្នាក់ងារព័ត៌មាន TASS បានដកស្រង់សេចក្តីថ្លែងការណ៍របស់ក្រសួងការពារជាតិរុស្ស៊ីកាលពីថ្ងៃទី ២៣ខែមីនាថា"ភូមិSribneដែលមានទីតាំងនៅក្នុងទឹកដីនៃសាធារណរដ្ឋប្រជាមានិតDonetskដែលប្រកាសដោយខ្លួនឯង(DPR) ត្រូវបានកាន់កាប់ដោយកងកម្លាំងរបស់យើងតាមរយៈប្រតិបត្តិការប្រយុទ្ធយ៉ាងសកម្ម"។គេដឹងថាភូមិSribneដែលបានរៀបរាប់នៅក្នុងសេចក្តីប្រកាសខាងលើស្ថិតនៅចម្ងាយប្រហែល១៥គីឡូម៉ែត្រ ភាគពាយព្យនៃទីក្រុង Kurakhove ក្នុងខេត្ត Donetsk នៃប្រទេសអ៊ុយក្រែន។ផែនទីដែលបានធ្វើបច្ចុប្បន្នភាពពីគេហទំព័រ Deep State របស់អ៊ុយក្រែននៅយប់ថ្ងៃទី២៣ខែមីនា បានបញ្ជាក់ថា ភូមិ Sribne ទាំងមូលស្ថិតនៅក្នុងតំបន់ក្រហមដែលជាតំបន់គ្រប់គ្រងដោយទាហានរុស្ស៊ី។ទោះយ៉ាងណាក៏ដោយតំបន់ពណ៌ប្រផេះដែលជាតំបន់ដែលការប្រយុទ្ធគ្នាយ៉ាងខ្លាំងក្លានៅតែស្ថិតនៅជាយក្រុងនៃភូមិនេះ។

អ៊ុយក្រែនដណ្តើមបានការតាំងទីលំនៅឡើងវិញនៅLuhansk

សារព័ត៌មាន Kyiv Independent បានរាយការណ៍ថា ប្រតិបត្តិការយោធារយៈពេល៣០ម៉ោងដោយកងពលតូចវាយលុកទី៣។ ថ្មីៗនេះបានជួយកងទ័ពអ៊ុយក្រែនដណ្តើមយកមកវិញនូវការតាំងទីលំនៅ Nadiyaក្នុងខេត្តLuhansk។"កងពលតូចរបស់យើងភាគច្រើនជាមួយទាហានមកពីកងវរសេនាតូចវាយលុកទី១ដណ្តើមបានការតាំងទីលំនៅរបស់ Nadiyaឡើងវិញ។ផ្ទៃដីសរុបចំនួន៣គីឡូម៉ែត្រការ៉េត្រូវបានរំដោះពីសត្រូវ...ដើម្បីគ្រប់គ្រងNadiyaសត្រូវបានបាត់បង់កងវរសេនាធំមេកានិចចំនួនពីរ" ។រុស្ស៊ី​មិន​ទាន់​ធ្វើ​អត្ថាធិប្បាយ​លើ​ខ្លឹមសារ​នៃ​សេចក្តី​ថ្លែងការណ៍​ខាង​លើ​នៅ​ឡើយ​ទេ៕ពុតសាម៉ាត់