មនុស្សជា​​ង១,៧​០០នា​ក់បានស្លាប់នៅ​ក្នុងការរញ្ជួយដីមីយ៉ាន់​​ម៉ាបា​នប្រកាសមួយសប្តាហ៍នៃ​កា​រកាន់ទុក្ខជាតិ

រដ្ឋាភិបាលយោធាមីយ៉ាន់ម៉ាបានប្រកាសមួយសប្តាហ៍នៃការកាន់ទុក្ខទូទាំងប្រទេសនៅថ្ងៃនេះ(ថ្ងៃទី៣១ខែមីនា)បន្ទាប់ពីគ្រោះរញ្ជួយដីកម្រិត៧.៧រិចទ័របានសម្លាប់មនុស្សជាង១,៧០០។

ទីភ្នាក់ងារ Xinhua News បានរាយការណ៍ថាមេដឹកនាំរដ្ឋាភិបាលយោធាមីយ៉ាន់ម៉ាលោកឧត្តមសេនីយ៍ Min Aung Hlaing បាននិយាយថាដើម្បីរំលឹក និងចូលរួមរំលែកទុក្ខចំពោះការខូចខាតនិងការបាត់បង់អាយុជីវិតដែលបណ្តាលមកពីការរញ្ជួយដីកាលពីថ្ងៃទី២៨ខែមីនាប្រទេសមីយ៉ាន់ម៉ានឹងប្រារព្ធពិធីកាន់ទុក្ខជាតិចាប់ពីថ្ងៃទី៣១ខែមីនាដល់ថ្ងៃទី៦ ខែមេសា។

ប្រទេសមីយ៉ាន់ម៉ា ប្រារព្ធពិធីកាន់ទុក្ខថ្នាក់ជាតិមួយសប្តាហ៍ ដើម្បីរំលឹកដល់អ្នកដែលបានស្លាប់បន្ទាប់ពីការរញ្ជួយដីកម្រិត៧.៧ រិចទ័រ។ រូបថត៖AA

តួលេខដែលចេញផ្សាយដោយក្រុមប្រឹក្សារដ្ឋបាលរដ្ឋមីយ៉ាន់ម៉ាកាលពីថ្ងៃទី៣០ខែមីនាបាននិយាយថាមនុស្សប្រហែល១,៧០០នាក់បានស្លាប់ និង៣,៤០០នាក់ផ្សេងទៀតបានរងរបួសបន្ទាប់ពីការរញ្ជួយដីកម្រិត ៧.៧រិចទ័របានវាយប្រហារកណ្តាលប្រទេសមីយ៉ាន់ម៉ា។បន្ថែម​ពី​លើ​នេះ មនុស្ស៣០០នាក់​នៅ​តែ​បាត់​ខ្លួន​បន្ទាប់​ពី​គ្រោះ​មហន្តរាយ។ក្រៅពីជំនួយមនុស្សធម៌ រុស្ស៊ី ឥណ្ឌា ចិន ថៃ អង្គការសហប្រជាជាតិអេមីរ៉ាតអារ៉ាប់រួម(UAE)និងប្រទេសជាច្រើនទៀតបានបញ្ជូនក្រុមស្វែងរកនិងជួយសង្គ្រោះទៅកាន់ប្រទេសមីយ៉ាន់ម៉ា ដើម្បីជួយដល់កិច្ចខិតខំប្រឹងប្រែងសង្គ្រោះគ្រោះរញ្ជួយដី៕ពុតសាម៉ាត់