ចិន​ប្រឆាំង​នឹ​ង​ពន្ធ​ថ្មី​របស់​អា​មេរិកនឹ​ង​ពិចារណា​​លើ​​ការ​សងសឹក

ក្រសួងពាណិជ្ជកម្មចិនបាននិយាយថាពន្ធថ្មីនឹងធ្វើឱ្យប៉ះពាល់ដល់ទំនាក់ទំនងទ្វេភាគីហើយបានស្នើឱ្យសហរដ្ឋអាមេរិកដកការសម្រេចចិត្តនេះ។

យោងតាមCNBCកាលពីថ្ងៃទី៤ខែមីនាក្រសួងពាណិជ្ជកម្មចិនបានសម្តែងការប្រឆាំងរបស់ខ្លួនចំពោះការសម្រេចចិត្តរបស់ប្រធានាធិបតីអាមេរិក Donald Trump ក្នុងការបង្កើនអត្រាពន្ធបន្ថែមទ្វេដងលើទំនិញចិនពី ១០%ទៅ២០%។ភាគីចិនបាននិយាយថា"វាហាក់ដូចជាសហរដ្ឋអាមេរិកកំពុងប្រើប្រាស់បញ្ហា fentanyl ជាលេសដើម្បីដាក់ពន្ធគ្មានមូលដ្ឋាន។ សកម្មភាពបែបនេះនឹងធ្វើឱ្យប៉ះពាល់ដល់ទំនាក់ទំនងទ្វេភាគីរវាងប្រទេសទាំងពីរ។យើងជំរុញឱ្យសហរដ្ឋអាមេរិកដកពន្ធឯកតោភាគី ហើយឆ្ពោះទៅរកការចរចាស្មើភាពគ្នាដើម្បីដោះស្រាយភាពខុសគ្នា" ។

ចិន​ប្រឆាំង​នឹង​ពន្ធ​ថ្មី​របស់​អាមេរិក។ រូបថត៖ EPA

យោង​តាម​ក្រសួង​ពាណិជ្ជកម្ម​ចិន ទីក្រុង​ប៉េកាំង​កំពុង​ពិចារណា​ចាត់​វិធានការ​តបត​ដើម្បី​ការពារ​ផលប្រយោជន៍ជាតិ។យោងតាមប្រភពពីកាសែត Global Times បានឱ្យដឹងថាប្រទេសចិនកំពុងពិចារណាដំឡើងពន្ធសងសឹកលើការនាំចេញកសិផលរបស់សហរដ្ឋអាមេរិក។ឥឡូវនេះ កសិកម្មគឺជាវិស័យធំបំផុតនៃការនាំចេញរបស់សហរដ្ឋអាមេរិកទៅកាន់ប្រទេសចិន។កាលពីខែកុម្ភៈ ប្រធានាធិបតី Trump បានប្រកាសដំឡើងពន្ធ ១០% លើទំនិញនាំចូលពីប្រទេសចិន។ កាលពីថ្ងៃទី៣ខែមីនា លោក Trump បានបន្តដាក់ពន្ធបន្ថែមលើទំនិញចិនចំនួន១០% ទៀតរហូតដល់ ២០% ។ខាង​ភាគី​ចិន រដ្ឋាភិបាល​ក្រុង​ប៉េកាំង​បាន​អនុវត្ត​ពន្ធគយ​ថ្មី​លើ​ទំនិញ​នាំចូល​ពី​អាមេរិក​តាំង​ពី​ថ្ងៃ​ទី១០ ខែ​កុម្ភៈ។ ក្នុងនោះ ឧស្ម័នធម្មជាតិរាវ (LNG) និងធ្យូងថ្ម ត្រូវបង់ពន្ធ ១៥%។ប្រេងឆៅ គ្រឿងយន្តកសិកម្ម និងឡានដឹកទំនិញត្រូវបង់ពន្ធ១០%៕ពុតសាម៉ាត់