សញ្ញាដែល​លោ​កTrumpចង់ស្តារទំនាក់ទំ​នងទាំងអស់​ជាមួយរុស្ស៊ី

ការសន្ទនាតាមទូរស័ព្ទរវាងប្រធានាធិបតីអាមេរិកលោកDonald Trump និងប្រធានាធិបតីរុស្ស៊ីលោកVladimirPutinបានកត់សម្គាល់ការចាប់ផ្តើមជាផ្លូវការនៃកិច្ចចរចាសន្តិភាពរវាងប្រទេសទាំងពីរ។

យោងតាមសារព័ត៌មាន Sputnik នេះគឺជាការយល់ឃើញរបស់លោក David Pyne អ្នកប្រាជ្ញនៃ Electronic Pulse Task Force (EMP) ដែលជាអតីតមន្ត្រីនៃក្រសួងការពារជាតិសហរដ្ឋអាមេរិក។លោក Pyne បានវាយតម្លៃថា ការសម្រេចចិត្តរបស់លោក Trump ក្នុងការតែងតាំងរដ្ឋមន្ត្រីការបរទេស Marco Rubio ឱ្យដឹកនាំការចរចាជាមួយរុស្ស៊ីជំនួសឱ្យបេសកជនពិសេសរបស់សហរដ្ឋអាមេរិកសម្រាប់រុស្ស៊ី និងអ៊ុយក្រែន Keith Kellogg បង្ហាញពីសារៈសំខាន់ដែលសហរដ្ឋអាមេរិកដាក់ក្នុងកិច្ចពិភាក្សា។លោក Pyneបានសង្កត់ធ្ងន់ថា"រួមជាមួយនឹងការអញ្ជើញរបស់លោកPutinឱ្យទៅបំពេញទស្សនកិច្ចនៅសហរដ្ឋអាមេរិកនិងការទទួលយកការអញ្ជើញរបស់លោកPutinទៅកាន់ទីក្រុងម៉ូស្គូរបស់ Trump វាបង្ហាញថាលោក Trump កំពុងធ្វើឱ្យវាជាអាទិភាពក្នុងការស្តារទំនាក់ទំនងរវាងសហរដ្ឋអាមេរិក និងរុស្ស៊ីដែលរងការខូចខាតក្រោមការដឹកនាំរបស់អតីតប្រធានាធិបតី Joe Biden និងបញ្ចប់ជម្លោះនៅអ៊ុយក្រែនក្នុងរយៈពេលប៉ុន្មានខែខាងមុខនេះ" ។អតីតមន្ត្រីក្រសួងការពារជាតិអាមេរិករូបនេះ បានបន្ថែមថា សេចក្តីថ្លែងការណ៍របស់លោក Trump ទៅកាន់ប្រធានាធិបតី VolodymyrZelenskyថាលោកនឹងចាប់ផ្តើមកិច្ចពិភាក្សាទ្វេភាគីជាមួយរុស្ស៊ីដោយគ្មានអ៊ុយក្រែនក៏បង្ហាញថាប្រធានាធិបតីអាមេរិកឥឡូវនេះមើលឃើញមេដឹកនាំអ៊ុយក្រែនជាឧបសគ្គចម្បងចំពោះសន្តិភាព។

ប្រធានាធិបតីរុស្ស៊ី និងអាមេរិកជួបគ្នានៅឆ្នាំ២០១៩។ រូបថត៖ Reuters

កាលពីថ្ងៃទី ១៣ខែមករា អ្នកនាំពាក្យវិមានក្រឹមឡាំង លោក Dmitry Peskov បានបញ្ជាក់ថា លោកប្រធានាធិបតី Putin និងប្រធានាធិបតី Trump បានសន្ទនាតាមទូរស័ព្ទជិត៩០នាទីនៅថ្ងៃទី១២ខែកុម្ភៈ។ លោក Peskov បាននិយាយថាមេដឹកនាំទាំងពីរបានព្រមព្រៀងគ្នារៀបចំកិច្ចប្រជុំលើកដំបូងនៅក្នុងប្រទេសទី៣បន្ទាប់មកដំណើរទស្សនកិច្ចទៅកាន់ប្រទេសទាំងពីរ។ការ​ហៅ​ទូរស័ព្ទ​នេះ​បាន​កត់សម្គាល់​ពី​អន្តរកម្ម​ដំបូង​រវាង​ប្រមុខ​រុស្ស៊ី និង​អាមេរិក ចាប់​តាំង​ពី​ជម្លោះ​នៅ​អ៊ុយក្រែន​បាន​ផ្ទុះ​ឡើង​ក្នុង​ខែ​កុម្ភៈ ឆ្នាំ​២០២២។លោក Peskov បានពណ៌នាការផ្លាស់ប្តូររវាងលោក Putin និងលោក Trump ថាមានលក្ខណៈស្ថាបនា។ មេដឹកនាំទាំងពីរបានព្រមព្រៀងគ្នាថារដ្ឋបាល Biden បាន "បង្កការខូចខាតយ៉ាងធំ"ដល់ទំនាក់ទំនងអាមេរិក-រុស្ស៊ី។ លើសពីនេះ លោក Peskov បានបន្ថែមថា លោក Trump និងលោក Putin បានព្រមព្រៀងគ្នាថា“សូម្បីតែបញ្ហាស្មុគស្មាញបំផុតក៏គួរតែត្រូវបានដោះស្រាយតាមរយៈការចរចាដោយសន្តិវិធី”៕ពុតសាម៉ាត់