សង្គ្រាម​រយៈ​​ពេល៣ឆ្នាំតើ​រុស្ស៊ីនិង​អ៊ុ​យក្រែន​បាន​ខាត​​បង់​អ្វី?

សង្រ្គាមនៅអ៊ុយក្រែនបានឈានចូលដល់ឆ្នាំទី៤ជាផ្លូវការហើយ ដោយបានឆក់យកជីវិតមនុស្សរាប់សែននាក់និងបង្កការខូចខាតរាប់ពាន់លានដុល្លារ។ថ្ងៃទី២៤ខែកុម្ភៈឆ្នាំ២០២៥គឺជាខួបលើកទី៣នៃ "ប្រតិបត្តិការយោធាពិសេស"របស់រុស្ស៊ីនៅអ៊ុយក្រែនដែលនាំមកនូវជម្លោះចូលទៅក្នុងឆ្នាំទី៤របស់ខ្លួន។ដូចទៅនឹងសង្រ្គាមដែលអូសបន្លាយភាគច្រើនដែរ ការកំណត់ចំនួនពិតប្រាកដនៃប្រទេសរុស្ស៊ីនិងអ៊ុយក្រែនគឺពិបាក ពីព្រោះភាគីទាំងពីរមានទំនោរចង់និយាយបំផ្លើសការខាតបង់របស់គូប្រជែងនិងទម្លាក់កំហុសរបស់ខ្លួន។ភាគីទី៣និងអង្គការឯករាជ្យខ្លួនឯងក៏បានផ្តល់នូវស្ថិតិការខូចខាតដែលមាន"ការផ្លាស់ប្តូរដំណាក់កាល"ដ៏ធំបំផុត ហើយវាពិបាកក្នុងការកំណត់កម្រិតនៃភាពត្រឹមត្រូវ។ដូច្នេះការប៉ុនប៉ងណាមួយដើម្បីគណនាការខូចខាតទាំងសងខាងគឺទាក់ទងគ្នា។អ៊ុយក្រែន​បាន​បាត់​បង់​ទាហាន​ដល់​ទៅ១០ម៉ឺន​នាក់។

លើកចុងក្រោយដែលគៀវបានបញ្ចេញតួលេខផ្លូវការអំពីការខាតបង់របស់ខ្លួនគឺនៅថ្ងៃទី១៦ខែកុម្ភៈ នៅពេលដែលប្រធានាធិបតី Volodymyr Zelenskyបានបញ្ជាក់ថាទាហានអ៊ុយក្រែនជាង៤៦,០០០នាក់បានស្លាប់ចាប់តាំងពីខែកុម្ភៈឆ្នាំ២០២២។ជិតពីរសប្តាហ៍មុននេះ នៅក្នុងបទសម្ភាសន៍ជាមួយអ្នកកាសែតដ៏ល្បីល្បាញPiers Morgan កាលពីថ្ងៃទី៤ខែកុម្ភៈ ប្រធានាធិបតីអ៊ុយក្រែន លោក Volodymyr Zelenskyបាននិយាយថាកងទ័ពរបស់ប្រទេសមានអ្នករងរបួសសរុបចំនួន ៣៩០,០០០នាក់ ។លោក Zelensky ក៏បានបញ្ជាក់ផងដែរថា វាមិនអាចទៅរួចទេក្នុងការរាប់យ៉ាងច្បាស់ថាតើទាហានអ៊ុយក្រែនប៉ុន្មាននាក់ត្រូវបានរុស្សីចាប់ឃុំខ្លួនដោយយល់ស្របខ្លះថាការកំណត់ថាអ្នកណាត្រូវបានចាប់ខ្លួននិងអ្នកណាបោះបង់ចោលគឺពិបាកណាស់។

តួលេខខាងលើនៅតែមានកម្រិតតិចតួចបើប្រៀបធៀបទៅនឹងតួលេខពីភាគីទី៣។ នៅក្នុងខែកញ្ញា ឆ្នាំ ២០២៤កាសែត Wall Street Journal បានដកស្រង់"ទិន្នន័យសម្ងាត់អ៊ុយក្រែន"ដោយនិយាយថាទាហានអ៊ុយក្រែន៨០,០០០នាក់ត្រូវបានសម្លាប់និង៤០០,០០០នាក់បានរងរបួស។ស្ថិតិខាងលើគឺពិតជាជិតនឹងតួលេខដែលចេញផ្សាយដោយទស្សនាវដ្តី The Economistក្នុងខែវិច្ឆិកាទស្សនាវដ្ដីនេះបានប៉ាន់ប្រមាណចំនួនទាហានអ៊ុយក្រែនដែលបានស្លាប់ប្រហែល៦០,០០០ ទៅ ១០០,០០០នាក់ ខណៈដែលចំនួនទាហានដែលរបួសធ្ងន់ពេកនិងមិនអាចប្រយុទ្ធបានមានរហូតដល់៤០០,០០០។នេះ​មាន​ន័យ​ថា បុរស​ម្នាក់​ក្នុង​ចំណោម​បុរស​២០​នាក់​ដែល​មាន​អាយុ​យោធា​នៅ​អ៊ុយក្រែនត្រូវ​បាន​សម្លាប់ ឬ​រង​របួស​ក្នុង​សង្គ្រាម​ជាមួយ​រុស្ស៊ី។កាលពីខែមករា ប្រធានាធិបតីអាមេរិកលោក Donald Trump "បានធ្វើឱ្យប្រជាជនភ្ញាក់ផ្អើល" ដោយផ្តល់តួលេខគួរឱ្យចាប់អារម្មណ៍: ទាហានរុស្ស៊ីជិត ១លាននាក់ និងទាហានអ៊ុយក្រែនប្រហែល៧០០,០០០នាក់បានស្លាប់នៅក្នុងសង្គ្រាមរយៈពេល៣ឆ្នាំ។ ទោះជាយ៉ាងណាក៏ដោយ លោក Trump មិនបានផ្តល់ព័ត៌មានណាមួយដើម្បីគាំទ្រតួលេខនេះទេ។

រហូត​មក​ដល់​ពេល​នេះ រុស្ស៊ី​មិន​ទាន់​បាន​ប្រកាស​ពី​ចំនួន​ជន​រង​គ្រោះ​អ៊ុយក្រែន​នៅ​សមរភូមិ​ទាំងមូល​ទេ។តួលេខតែមួយគត់ដែលផ្តល់ដោយទីក្រុងម៉ូស្គូគឺថាអ៊ុយក្រែន "បានបាត់បង់" ទាហាន៦២,៨៥០នៅក្នុងតំបន់ Kursk (រុស្ស៊ី) ចាប់ពីខែសីហាឆ្នាំ២០២៤ដល់បច្ចុប្បន្ន។ពាក់ព័ន្ធនឹងការខូចខាតសម្ភារៈ ក្រសួងការពារជាតិរុស្ស៊ីបានបញ្ជាក់ថាខ្លួនបានបំផ្លាញយន្តហោះចម្បាំងចំនួន ៦២៦គ្រឿង ឧទ្ធម្ភាគចក្រ ២៨២ គ្រឿង យន្តហោះគ្មានមនុស្សបើកចំនួន៤៤២៦៣គ្រឿងប្រព័ន្ធកាំជ្រួចពីអាកាសទៅអាកាសចំនួន៥៩៦ រថក្រោះ និងរថពាសដែកចំនួន ២១ ៧១៣ គ្រឿងនិងបំណែកកាំភ្លើងធំរាប់ម៉ឺនគ្រាប់កាំភ្លើងត្បាល់និងរថយន្តយោធាពិសេស។

រុស្សីបាត់បង់ទាហាន៨៦០.០០០នាក់?

ប្រទេសរុស្ស៊ីបានបញ្ឈប់ការបោះពុម្ពតួលេខការបាត់បង់របស់ខ្លួននៅឆ្នាំ ២០២២។ជាលទ្ធផលតួលេខការបាត់បង់យោធារបស់ប្រទេសរហូតដល់ឆ្នាំ២០២៥គឺមកពីប្រភពតែពីរប៉ុណ្ណោះ៖ អ៊ុយក្រែននិងអង្គការឯករាជ្យ។នៅថ្ងៃទី២៤ខែកុម្ភៈ អគ្គសេនាធិការនៃកងទ័ពអ៊ុយក្រែនបានបញ្ជាក់ថា ទីក្រុងម៉ូស្គូបាន "បាត់បង់" ទាហានចំនួន ៨៦៨,២៣០ ចាប់តាំងពីថ្ងៃទី ២៤ខែកុម្ភៈ ឆ្នាំ២០២២។ ទោះ​ជា​យ៉ាង​ណា ក្រុង​គៀវ មិន​បាន​បញ្ជាក់​ថា​តើ​តួលេខ​នេះ​រួម​បញ្ចូល​ទាហាន​ត្រូវ​បាន​គេ​សម្លាប់ របួស ឬ​ត្រូវ​ចាប់​ខ្លួន​នោះ​ទេ។គួរកត់សម្គាល់ថា អគ្គមេបញ្ជាការកងទ័ពអ៊ុយក្រែន លោក Oleksandr Syrskyi បានបញ្ជាក់ថា ក្នុងឆ្នាំ២០២៤ រុស្ស៊ីបានបាត់បង់ទាហានរហូតដល់៤២៧,០០០នាក់ដែលស្មើនឹងជិតពាក់កណ្តាលនៃតួលេខខាងលើ។លើសពីនេះអគ្គសេនាធិការអ៊ុយក្រែនបានប្រកាសថា រុស្ស៊ីបានបាត់បង់រថក្រោះ ១០.១៧៧ គ្រឿង រថពាសដែក ២១.១៥៧ គ្រឿង ប្រព័ន្ធការពារដែនអាកាស ១.០៨១ យន្តហោះ ៣៧០ យន្តហោះគ្មានមនុស្សបើក ២៦.៦៤៥ គ្រឿង... ក្នុងសង្គ្រាម។ទោះបីជាភាពត្រឹមត្រូវនៃតួលេខខាងលើមិនអាចផ្ទៀងផ្ទាត់បានក៏ដោយ ។ប៉ុន្តែចំនួនទាំងនេះមួយផ្នែកឆ្លុះបញ្ចាំងពីការពិតដែលថាសមរភូមិអ៊ុយក្រែនកាន់តែក្តៅនិងកាន់តែសាហាវនៅក្នុងខែចុងក្រោយនៃឆ្នាំ២០២៤។មុននេះ កាលពីថ្ងៃទី២៣ ខែកុម្ភៈ ទូរទស្សន៍ BBC Russia សហការជាមួយគេហទំព័រព័ត៌មានMediazonaបានបញ្ជាក់ពីអត្តសញ្ញាណទាហានរុស្ស៊ីសរុប៩៥.០០០នាក់ត្រូវបានសម្លាប់។ទោះបីជាយ៉ាងណាក៏ដោយ អ្នកវិភាគយោធាគាំទ្រអ៊ុយក្រែនជាច្រើនជឿថា តួលេខខាងលើឆ្លុះបញ្ចាំងពី៤៥ទៅ៦៥% នៃជនរងគ្រោះពិតប្រាកដ ដោយសារចំនួនទាហានរុស្ស៊ីដែលមិនស្គាល់អត្តសញ្ញាណនៅតែមានច្រើនណាស់។ផ្អែកលើការប៉ាន់ស្មាននេះ កាសែត Kyiv Independent ប៉ាន់ស្មានថា ចំនួនទាហានរុស្ស៊ីដែលត្រូវបានសម្លាប់អាចមានចាប់ពី ១៤៦,០០០ ទៅ ២១១,០០០នាក់៕ពុតសាម៉ាត់