Elon​ MuskនឹងទិញTikT​okនៅអា​មេរិក?

 មន្ត្រីចិនកំពុងពិចារណាជម្រើសរបស់មហាសេដ្ឋីElon Musk ក្នុងការទិញយកអាជីវកម្មTikTokនៅក្នុងទីផ្សារសហរដ្ឋអាមេរិក ក្នុងករណីដែលកម្មវិធីមិនអាចយកឈ្នះលើបម្រាមនេះបាន។នៅក្នុងសវនាការកាលពីថ្ងៃទី១០ខែមករាចៅក្រមតុលាការកំពូលរបស់សហរដ្ឋអាមេរិកបានបង្ហាញពីទំនោរគាំទ្រការហាមឃាត់នេះបើទោះបីជាមានការប្តឹងឧទ្ធរណ៍ដោយក្រុមហ៊ុនមេByteDance ក៏ដោយ។ 

បណ្តាញសង្គមXរបស់ Elon Muskនឹងគ្រប់គ្រង TikTok US និងដំណើរការវេទិកាទាំងពីរជាមួយគ្នា(រូបថត៖Wio news)

មន្ត្រីជាន់ខ្ពស់ចិនបានចាប់ផ្តើមពិភាក្សាអំពីផែនការបន្ទាន់សម្រាប់TikTok ។នៅក្នុងសេណារីយ៉ូដែលត្រូវបានពិភាក្សាដោយរដ្ឋាភិបាលចិនបណ្តាញសង្គមX របស់Elon Muskនឹងគ្រប់គ្រង TikTok US និងដំណើរការវេទិកាទាំងពីររួមគ្នា។ជាមួយនឹងអ្នកប្រើប្រាស់ច្រើនជាង ១៧០លាននាក់នៅក្នុងសហរដ្ឋអាមេរិកTikTokអាចជំរុញកិច្ចខិតខំប្រឹងប្រែងរបស់X ក្នុងការទាក់ទាញអ្នកផ្សាយពាណិជ្ជកម្មមហាសេដ្ឋី Elon Musk ក៏បានបង្កើតក្រុមហ៊ុនបញ្ញាសិប្បនិម្មិតxAI ដែលអាចទទួលបានអត្ថប្រយោជន៍ពីចំនួនទិន្នន័យដ៏ច្រើនដែលវាបានបង្កើត។រហូត​មក​ដល់​ពេល​នេះការ​ពិភាក្សា​ស្ថិត​ក្នុង​ដំណាក់​កាល​បឋម។ ទីក្រុងប៉េកាំងនៅតែពេញចិត្តថាTikTokនៅតែស្ថិតក្រោមការគ្រប់គ្រងរបស់ក្រុមហ៊ុនមេBytedance។មហាសេដ្ឋី Elon Musk និងអ្នកតំណាងរបស់លោកមិនបានឆ្លើយតបនឹងសំណើសុំការអត្ថាធិប្បាយទេ។នៅក្នុងខែមេសា ឆ្នាំ២០២៤លោក Elon Musk បាននិយាយថា TikTokគួរតែបន្តប្រតិបត្តិការនៅក្នុងសហរដ្ឋអាមេរិក៖"តាមគំនិតរបស់ខ្ញុំ TikTok មិនគួរត្រូវបានហាមឃាត់នៅក្នុងសហរដ្ឋអាមេរិកទេ ទោះបីជាការហាមឃាត់នេះអាចផ្តល់អត្ថប្រយោជន៍ដល់Platform X ក៏ដោយ។ការធ្វើដូច្នេះនឹងប្រឆាំងនឹងធម្មជាតិ។ លោកនិយាយ"។រដ្ឋបាល Cyberspaceនៃប្រទេសចិន(CAC)និងក្រសួងពាណិជ្ជកម្មរបស់ប្រទេសចិន ដែលអាចពាក់ព័ន្ធនឹងការសម្រេចចិត្តអំពីអនាគតរបស់ TikTok ក៏មិនឆ្លើយតបភ្លាមៗចំពោះសំណើសុំការអត្ថាធិប្បាយដែរ។នៅខែមេសា ឆ្នាំ២០២៤លោកប្រធានាធិបតីJoeBidenបានចុះហត្ថលេខាលើច្បាប់ដែលតម្រូវឱ្យ ByteDance ដែលជាក្រុមហ៊ុនមេរបស់ TikTok លក់ប្រតិបត្តិការរបស់កម្មវិធីនៅសហរដ្ឋអាមេរិកត្រឹមថ្ងៃទី១៩ខែមករា ឬប្រឈមនឹងការហាមឃាត់។នៅខែធ្នូ ឆ្នាំ២០២៤សាលាឧទ្ធរណ៍នៃស្រុក Columbiaបានច្រានចោលបណ្តឹងរបស់TikTok ។ ពួកគេបានសន្និដ្ឋានថារដ្ឋាភិបាលបានធ្វើសកម្មភាពដើម្បីការពារការនិយាយដោយសេរីនិងកម្រិតសមត្ថភាពរបស់ជនជាតិអាមេរិកក្នុងការប្រមូលទិន្នន័យ។មន្ត្រី​ចិន​នៅ​មិនទាន់​ឈាន​ដល់​ការ​ឯកភាពគ្នា​អំពី​របៀប​បន្ត​នៅឡើយ ហើយ​ការពិភាក្សា​នៅតែ​ស្ថិតក្នុង​ដំណាក់កាល​បឋម​នៅឡើយ​៕ប្រភពReuters,Bloomberg