អ៊ីស្រាអែលអនុម័តផែនការថ្មីនៅតំបន់Golan Heights,តួកគីត្រៀមខ្លួនជាស្រេចដើម្បីគាំទ្រស៊ីរី
អ៊ីស្រាអែលអនុម័តផែនការពង្រីកការតាំងទីលំនៅនៅតំបន់Golan Heights។តួកគីបានត្រៀមខ្លួនរួចជាស្រេចក្នុងការផ្តល់ការគាំទ្រផ្នែកយោធាសម្រាប់រដ្ឋាភិបាលថ្មីនៅក្នុងប្រទេសស៊ីរី។យោងតាមសារព័ត៌មាន Al Jazeera កាលពីថ្ងៃទី១៥ ខែធ្នូ នាយករដ្ឋមន្ត្រីអ៊ីស្រាអែល លោក Benjamin Netanyahuបានអនុម័តផែនការពង្រីកការតាំងទីលំនៅ និងបង្កើនចំនួនប្រជាជនទ្វេដងនៅតំបន់Golan Heights ។លោក Netanyahu បាននិយាយថា "យើងមិនចង់បានជម្លោះជាមួយស៊ីរីទេ ។ប៉ុន្តែការពង្រឹងតំបន់ Golan Heights គឺជាការពង្រឹងរដ្ឋអ៊ីស្រាអែល។ នេះមានសារៈសំខាន់ជាពិសេសនៅពេលបច្ចុប្បន្នដើម្បីទប់ស្កាត់ការគំរាមកំហែងដែលអាចកើតមានពីព្រំដែន" ។នាយករដ្ឋមន្ត្រី Netanyahu បានសង្កត់ធ្ងន់ថាលោកបាននិយាយជាមួយប្រធានាធិបតីជាប់ឆ្នោតអាមេរិក Donald Trump អំពីស្ថានភាពសន្តិសុខនៅក្នុងប្រទេសស៊ីរី។លោក Trumpគឺជាអ្នកដែលបានប្រកាសការគាំទ្រលោកចំពោះអធិបតេយ្យភាពរបស់ Tel Aviv លើ Golan Heights ក្នុងឆ្នាំ២០១៩។ការិយាល័យនាយករដ្ឋមន្ត្រីអ៊ីស្រាអ៊ែល បានបង្ហាញថា រដ្ឋាភិបាលបានអនុម័តថវិកាប្រមាណ១១លានដុល្លារអាមេរិកដើម្បីបង្កើនចំនួនប្រជាជននៅតំបន់GolanHeights។បន្ទាប់ពីក្រុមប្រឆាំងស៊ីរីបានផ្តួលរំលំរដ្ឋាភិបាលលោកAssadកងទ័ពអ៊ីស្រាអែលបានពង្រាយកម្លាំងទៅកាន់តំបន់ការពារនៅតំបន់Golan Heights ដើម្បីធានាសន្តិសុខ។បច្ចុប្បន្នមានជនជាតិអ៊ីស្រាអែលប្រមាណ៣១.០០០នាក់រស់នៅតំបន់ Golan Heights។
 |
| នាយករដ្ឋមន្ត្រីអ៊ីស្រាអែលBenjamin Netanyahu។ រូបថត៖NYT |
យោងតាម DW កាលពីថ្ងៃទី ១៥ ខែធ្នូ រដ្ឋមន្ត្រីការពារជាតិតួកគី លោក YasarGulerបានប្រកាសថាទីក្រុងអង់ការ៉ាត្រៀមខ្លួនជាស្រេចក្នុងការផ្តល់ការគាំទ្រផ្នែកយោធាសម្រាប់រដ្ឋាភិបាលថ្មីនៅក្នុងប្រទេសស៊ីរី។"រដ្ឋាភិបាលថ្មីនៅក្នុងប្រទេសស៊ីរីនិយាយថាពួកគេនឹងគោរពស្ថាប័នរដ្ឋាភិបាលទាំងអស់ អង្គការសហប្រជាជាតិនិងអង្គការអន្តរជាតិដទៃទៀត។ យើងនឹងត្រួតពិនិត្យចលនានិងផ្តល់ឱកាសឱ្យពួកគេ។ តួកគីបានត្រៀមខ្លួនជាស្រេចផ្តល់ការគាំទ្រផ្នែកយោធាប្រសិនបើរដ្ឋាភិបាលថ្មីនៅក្នុងប្រទេសស៊ីរីស្នើសុំ"។Guler បាននិយាយ។យោងតាមលោក Guler ផងដែរ តួកគីអាចពិភាក្សា និងវាយតម្លៃឡើងវិញអំពីវត្តមានយោធារបស់ខ្លួននៅក្នុងប្រទេសស៊ីរីជាមួយរដ្ឋាភិបាលថ្មីនៅពេលដែលវាបំពេញលក្ខខណ្ឌ។លោកក៏បានអត្ថាធិប្បាយផងដែរថារុស្ស៊ីនឹងមិនដកទ័ពទាំងស្រុងចេញពីប្រទេសស៊ីរីឡើយ៕
/unnamed.png
Post a Comment