ប្រាក់​វ៉ុ​ន​បា​ន​ធ្លាក់​ចុះ​បន្ទាប់​ពី​ប្រធា​នា​ធិបតី​កូរ៉េ​ខាង​ត្បូង​​​បាន​ប្រកា​ស​​ច្បាប់​អាជ្ញាសឹក

ប្រាក់វ៉ុនបានធ្លាក់ចុះយ៉ាងខ្លាំងធៀបនឹងប្រាក់ដុល្លារភ្លាមៗបន្ទាប់ពីប្រធានាធិបតីកូរ៉េខាងត្បូងYoon Suk-yeol បានប្រកាសច្បាប់អាជ្ញាសឹកជាបន្ទាន់។ប្រធានាធិបតីកូរ៉េខាងត្បូង Yoon Suk-yeol ស្រាប់តែប្រកាសច្បាប់អាជ្ញាសឹកកាលពីថ្ងៃទី៣ខែធ្នូ នៅក្នុងសុន្ទរកថាតាមទូរទស្សន៍មួយ។ លោកបានចោទប្រកាន់គណបក្សប្រឆាំងដ៏សំខាន់របស់កូរ៉េខាងត្បូងអំពីទង្វើដែលអាចផ្តល់ផលប្រយោជន៍ដល់កូរ៉េខាងជើងនិងសកម្មភាពប្រឆាំងរដ្ឋ។បន្ទាប់ពីព័ត៌មានខាងលើតម្លៃប្រាក់វ៉ុនរបស់កូរ៉េបានធ្លាក់ចុះភ្លាមៗ ដោយឈានដល់កម្រិតទាបបំផុតក្នុងរយៈពេល៨ឆ្នាំកន្លងមក ដោយធ្លាក់ចុះ២.៥% មកនៅត្រឹម១,៤៤២វ៉ុន សម្រាប់១ដុល្លារ។

តម្លៃប្រាក់វ៉ុនបានធ្លាក់ចុះដល់កម្រិតទាបបំផុតក្នុងរយៈពេល៨ ឆ្នាំចុងក្រោយនេះ(រូបថត៖ Reuters

លោក Christopher Wong អ្នកយុទ្ធសាស្រ្តប្តូរប្រាក់បរទេសនៅធនាគារ OCBC(សិង្ហបុរី)បានមានប្រសាសន៍ថា"អស្ថិរភាពកំពុងគ្របដណ្តប់ទីផ្សារ។ នៅពេលដែលព័ត៌មាននៅតែមិនច្បាស់លាស់អស្ថិរភាពអាចបន្តដាក់សម្ពាធលើប្រាក់វ៉ុន"។ជា​រូបិយប័ណ្ណ​ដែល​ដំណើរការ​អាក្រក់​បំផុត​មួយ​នៅ​អាស៊ី ចាប់​តាំង​ពី​ដើម​ឆ្នាំ​រហូត​មក​ដល់​ពេល​នេះ ប្រាក់​វ៉ុន​បាន​បាត់បង់​តម្លៃ​ជាង ៩%។រូបិយប័ណ្ណនេះស្ថិតក្រោមសម្ពាធជាបន្តបន្ទាប់នៅពេលដែលធនាគារកណ្តាលកូរ៉េកាត់បន្ថយអត្រាការប្រាក់យ៉ាងខ្លាំងដើម្បីទ្រទ្រង់សេដ្ឋកិច្ច។អ្នកវិនិយោគជាច្រើនក៏បានដកខ្លួនចេញពីទីផ្សារដោយសារតែការវាយតម្លៃថាសេដ្ឋកិច្ចកូរ៉េពឹងផ្អែកខ្លាំងលើការនាំចេញហើយនឹងរងផលប៉ះពាល់យ៉ាងខ្លាំងពីពន្ធគយដែលអាមេរិកគម្រាមដាក់លើប្រទេសចិន។លោក Rong Ren Goh អ្នកគ្រប់គ្រងផលប័ត្រនៅ Eastspring Investments (សិង្ហបុរី)បានប្រាប់ Reutersថា "ប្រាក់វ៉ុនកំពុងស្ថិតក្រោមសម្ពាធរួចទៅហើយពីហានិភ័យនៃការដាក់ពន្ធនាំចូលរបស់សហរដ្ឋអាមេរិក។ការអិវឌ្ឍន៍ចុងក្រោយនេះធ្វើឱ្យស្ថានភាពកាន់តែអាក្រក់ទៅៗ"។ អ្នក​ជំនាញ​រូប​នេះ​បាន​និយាយ​ថាការ​វិវឌ្ឍន៍​ចុង​ក្រោយ​បំផុត​អាច​ធ្វើ​ឲ្យ​ប្រាក់​វ៉ុន​ចុះ​ខ្សោយ​ថែម​ទៀត។ភាគហ៊ុនរបស់ក្រុមហ៊ុនដែលមានទីស្នាក់ការនៅក្នុងប្រទេសកូរ៉េដែលបានចុះបញ្ជីនៅសហរដ្ឋអាមេរិកក៏ធ្លាក់ចុះផងដែរ។តម្លៃភាគហ៊ុនរបស់ Coupang, Posco Holdings, KT Corp, និង KB Financial ទាំងអស់បានធ្លាក់ចុះ២-៥% ។ ភាគហ៊ុនរបស់ក្រុមហ៊ុនអេឡិចត្រូនិកយក្សកូរ៉េSamsung Electronics ដែលបានចុះបញ្ជីនៅលើផ្សារហ៊ុនទីក្រុងឡុងដ៍ក៏បានបាត់បង់៥.៥% នៃតម្លៃរបស់ពួកគេនៅចំណុចមួយ។បន្ទាប់ពីការប្រកាសរបស់លោកប្រធានាធិបតី Yoon មន្ត្រីហិរញ្ញវត្ថុកូរ៉េបានបើកកិច្ចប្រជុំបន្ទាន់មួយ។ រដ្ឋាភិបាល​កូរ៉េ​បាន​បញ្ជាក់​ថាខ្លួន​នឹង​ដាក់​ពង្រាយ​វិធានការ​ដែល​អាច​ធ្វើ​ទៅ​បាន​ទាំង​អស់​ដើម្បី​រក្សា​ស្ថិរភាព​ទីផ្សារ​ហិរញ្ញវត្ថុ​បើ​ចាំបាច់។ Money Todayបាននិយាយថាទីផ្សារភាគហ៊ុនរបស់ប្រទេសនឹងនៅតែបើកនៅថ្ងៃទី៤ខែធ្នូ៕ពុតសាម៉ាត់ប្រភពReuters,CNBC