ថៃនឹងឯ​ក​ភាពឱ្យមានគណៈ​កម្មាធិការបច្ចេក​ទេ​សចម្រុះ​សម្រាប់កិច្ចពិ​ភាក្សាជាមួ​យ​ភាគីកម្ពុជា

រដ្ឋាភិបាលត្រូវបានគេរំពឹងថានឹងអនុម័តការបង្កើតគណៈកម្មាធិការបច្ចេកទេសចម្រុះ(JTC)ក្នុងអំឡុងកិច្ចប្រជុំគណៈរដ្ឋមន្ត្រីនៅថ្ងៃអង្គារដើម្បីចរចាជាមួយកម្ពុជាលើការអភិវឌ្ឍន៍តំបន់ដែនសមុទ្រដែលមានជម្លោះនៅឈូងសមុទ្រថៃ។

ឧបនាយករដ្ឋមន្ត្រី លោក ភុំថាមវេឆាយ៉ាឆៃ(PhumthamWechayachai)

គណៈកម្មាធិការបច្ចេកទេសចម្រុះដែលក្រសួងការបរទេសកំពុងបង្កើតនោះទំនងជាត្រូវបានដឹកនាំដោយឧបនាយករដ្ឋមន្ត្រី លោក ភុំថាមវេឆាយ៉ាឆៃ(PhumthamWechayachai)ដែលក៏មានតួនាទីជារដ្ឋមន្ត្រីការពារជាតិផងដែរ។លោក ភុំថាម បាននិយាយកាលពីថ្ងៃសុក្រថា លោកបានត្រៀមខ្លួនរួចជាស្រេចដើម្បីបន្តកិច្ចពិភាក្សាជាមួយភាគីកម្ពុជា នៅពេលដែលគណៈរដ្ឋមន្ត្រីបានអនុម័តការបង្កើត JTC និងការតែងតាំងលោកជាប្រធាន។លោកបាននិយាយថា JTC នឹងរួមបញ្ចូលអ្នកជំនាញមកពីទីភ្នាក់ងារផ្សេងៗដូចជានាយកដ្ឋានជលសាស្ត្រនៃកងទ័ពជើងទឹកថៃ និងក្រុមប្រឹក្សារដ្ឋ។លោក ភុំថាម បាននិយាយថា រដ្ឋាភិបាលនឹងជ្រើសរើសអ្នកជំនាញដែលមានជំនាញខ្ពស់ដើម្បីដោះស្រាយបញ្ហាបច្ចេកទេសឱ្យបានគ្រប់ជ្រុងជ្រោយ។លោកបានទទូចថា អនុស្សរណៈនៃការយោគយល់គ្នា (MoU) ឆ្នាំ២០០១ ដែលចម្រូងចម្រាសជាមួយភាគីកម្ពុជា ផ្តល់នូវក្របខណ្ឌសម្រាប់ការចរចា ហើយនឹងអនុញ្ញាតឲ្យប្រទេសទាំងពីរដោះស្រាយជម្លោះព្រំដែនសមុទ្រដោយសន្តិវិធី។យោងតាមប្រភពមួយបានឱ្យដឹងថា រដ្ឋមន្ត្រីការបរទេស លោកម៉ារីតសាងៀមភុង(MarisSangiampongsa)នឹងថ្លែងនៅថ្ងៃអង្គារថា JTC ឯកភាពលើការចរចា។ទន្ទឹមនឹងនោះ អ្នករិះគន់លើ MoU នេះកំពុងបន្តការអំពាវនាវរបស់ពួកគេឱ្យរដ្ឋាភិបាលលុបចោលឯកសារនេះ ខណៈសាធារណជនមានការសង្ស័យថាតើវាពិតជានឹងផ្តល់ផលប្រយោជន៍ដល់ប្រទេសជាតិមែនដែរឬទេ។សកម្មជននយោបាយ លោក សន្ធិយ៉ា សាវ៉ាឌី (Sonthiya Sawasdee) បានដាក់ញត្តិទៅនាយករដ្ឋមន្ត្រី លោកស្រី ផែថងថាន ស៊ីណាវ៉ាត់ត្រា (Paetongtarn Shinawatra) កាលពីថ្ងៃសុក្រ ដោយស្នើឱ្យលោកស្រីលុបចោល MoU ដើម្បីជៀសវាងផលវិបាកដែលអាចកើតឡើងពីការចរចាដោយផ្អែកលើវា។លោកថា លោកនឹងដាក់ញត្តិទៅតុលាការរដ្ឋបាលឲ្យជួយអន្តរាគមន៍ និងបញ្ជាឲ្យលុបចោលប្រសិនបើរដ្ឋាភិបាលបដិសេធមិនស្តាប់តាមការអំពាវនាវរបស់សាធារណជន។លោក សន្ធិយ៉ា ក៏បានអំពាវនាវឱ្យលោកស្រី ផែថងថាន ពន្យារពេលការតែងតាំងអតីតរដ្ឋមន្ត្រីហិរញ្ញវត្ថុ លោក កិត្តិរ៉ាត់ ណ រៈណង (Kittiratt Na-Ranong) ជាប្រធានក្រុមប្រឹក្សាភិបាលថ្មីរបស់ធនាគារថៃដោយសារការចោទសួរនានាអំពីសិទ្ធិទទួលបានរបស់គាត់។លោកថា លោក កិត្តិរ៉ាត់ ធ្លាប់ជាទីប្រឹក្សាអតីតនាយករដ្ឋមន្ត្រី សេដ្ឋាថាវីស៊ីន ដែលត្រូវបានគេមើលឃើញជាទូទៅថាជាមន្ត្រីនយោបាយ ហើយការតែងតាំងរបស់គាត់ដែលក្នុងរយៈពេលមួយឆ្នាំនៃការលាលែងពីតំណែងអាចបំពានច្បាប់។លោកថាលោកនឹងស្នើឲ្យតុលាការធម្មនុញ្ញសម្រេចលើគុណវុឌ្ឍិរបស់លោកកិត្តិរ៉ាត់ប្រសិនបើរដ្ឋាភិបាលបរាជ័យក្នុងការផ្ទៀងផ្ទាត់សិទ្ធិរបស់លោក។សកម្មជនម្នាក់ទៀតគឺលោក វីរៈ ស៊ុំខ្វាមឃីត (Veera Somkwamkid) កាលពីថ្ងៃសុក្របាននិយាយថា ក្រៅពី MoU ឆ្នាំ២០០១ សេចក្តីថ្លែងការណ៍រួមរវាងលោកថាក់ស៊ីន និងអតីតមេដឹកនាំកម្ពុជាសម្តេច ហ៊ុន សែន កាលពីថ្ងៃទី១៨ ខែមិថុនា ឆ្នាំ២០០១ ក៏អាចនាំឱ្យបាត់បង់ទឹកដី និងធនធានសមុទ្រផងដែរ។លោកបានអំពាវនាវដល់រដ្ឋាភិបាលដែលដឹកនាំដោយគណបក្សភឿថៃ ផ្តល់ចម្លើយច្បាស់លាស់និងហ្មត់ចត់ចំពោះរាល់សំណួរ និងជម្រះនូវមន្ទិលសង្ស័យទាក់ទងនឹងអនុស្សរណៈនេះ៕ Bangkok Post