តើ​អ៊ីស្រាអែ​​ល​​ដេញ​តាម​និង​​បំផ្លាញ​មេ​​ដឹ​កនាំ​​ហាម៉ាស់Yahya Sinwar​ដោ​យ​របៀប​ណា?

កងទ័ព​អ៊ីស្រាអែល​បាន​តាម​ចាប់​មេដឹកនាំ​ក្រុម​ហាម៉ាស់​លោកYahya Sinwar អស់​រយៈពេល​ជាង​មួយ​ឆ្នាំ​ហើយ​ចាប់​តាំង​ពី​លោក​បាន​បាត់​ខ្លួន​ភ្លាមៗ​បន្ទាប់​ពី​ដឹកនាំ​ការ​វាយឆ្មក់​ដ៏​ភ្ញាក់ផ្អើល​មួយ​លើ​អ៊ីស្រាអែល​នៅ​ថ្ងៃ​ទី ៧ ខែ​តុលា ឆ្នាំ ២០២៣។Yahya Sinwar អាយុ៦១ឆ្នាំត្រូវបានគេនិយាយថាបានចំណាយពេលភាគច្រើនរបស់លោកលាក់ខ្លួននៅក្នុងផ្លូវរូងក្រោមដីនៅក្រោមហ្គាហ្សាស្រី្ទបជាមួយនឹងក្រុមអង្គរក្សនៃចំណាប់ខ្មាំងដែលត្រូវបានចាប់ខ្លួនពីអ៊ីស្រាអែល។

អ៊ីស្រាអែល​បាន​ប្រកាស​ថាខ្លួន​បាន​សម្លាប់​មេដឹកនាំ​ក្រុម​ហាម៉ាស់លោក Sinwar។ រូបថត៖ Flash90/Times of Israel។

ទីបំផុត ក្នុងឱកាសជួបជាមួយការល្បាតរបស់អ៊ីស្រាអែល នៅភាគខាងត្បូងតំបន់ហ្គាហ្សាមេដឹកនាំក្រុមហាម៉ាស់ត្រូវបានសម្លាប់។យោងតាមសារព័ត៌មាន Jpost និង BBC កងកម្លាំងការពារអ៊ីស្រាអែល (IDF) បាននិយាយថាអង្គភាពមួយនៃកងពលតូច Bislamach ទី ៨២៨ កំពុងល្បាតនៅតំបន់ Tal al-Sultan ដែលជាតំបន់មួយក្នុងទីក្រុង Rafah កាលពីថ្ងៃទី ១៦ ខែតុលានៅពេលដែលបានរកឃើញអ្នកប្រយុទ្ធចំនួន ៣នាក់។ភាគីទាំងពីរបានប្រយុទ្ធគ្នាហើយកងទ័ពអ៊ីស្រាអែលបានសម្លាប់អ្នកទាំង៣។នៅពេលនោះការបាញ់ប្រហារគ្នាមិនគួរឲ្យជឿហើយទាហានអ៊ីស្រាអែលមិនបានត្រឡប់ទៅកន្លែងកើតហេតុវិញរហូតដល់ព្រឹកបន្ទាប់។ពួកគេបានពិនិត្យសាកសពនិងបានរកឃើញថាសាកសពមួយមើលទៅដូចគ្នាបេះបិទទៅនឹងមេដឹកនាំក្រុមហាម៉ាស់។សាកសពនៅនឹងកន្លែងដដែល ដោយសារតែការសង្ស័យនៃអន្ទាក់។ប៉ុន្តែផ្នែកមួយនៃម្រាមដៃរបស់មនុស្សដែលមើលទៅស្រដៀងនឹងលោក Sinwar ត្រូវបានគេយក និងបញ្ជូនទៅប្រទេសអ៊ីស្រាអែលដើម្បីធ្វើតេស្ត។នៅថ្ងៃទី ១៧ ខែតុលា អ៊ីស្រាអែលបានប្រកាសថាខ្លួនបានបញ្ចប់ការធ្វើតេស្តហើយបានបញ្ជាក់ថា មេដឹកនាំក្រុមហាម៉ាស់ Yahya Sinwar ត្រូវបានសម្លាប់។អ្នកនាំពាក្យរបស់ IDF លោក Daniel Hagari បាននិយាយថា ទាហានអ៊ីស្រាអែលបានកំណត់អត្តសញ្ញាណបុរស៣នាក់ដែលរត់ពីផ្ទះមួយទៅផ្ទះមួយ ហើយបានប្រយុទ្ធជាមួយពួកគេ បន្ទាប់មកបុរសទាំង៣នាក់បានបែកគ្នា។បុរសដែលត្រូវបានគេស្គាល់ថាជាមេដឹកនាំក្រុមហាម៉ាស់បានរត់តែម្នាក់ឯងចូលទៅក្នុងអគារមួយហើយត្រូវបានប្រទះឃើញដោយយន្តហោះគ្មានមនុស្សបើក ហើយត្រូវបានសម្លាប់។យោងតាមលោក Hagari គ្មានចំណាប់ខ្មាំងណាម្នាក់ដែល Yahya Sinwar ប្រើជាអង្គរក្សការពារមនុស្សនៅទីនោះទេ ហើយអង្គរក្សមួយក្រុមតូចរបស់លោកក៏មិនមានវត្តមានដែរ។ អ៊ីស្រាអែលជឿថាមេដឹកនាំក្រុមហាម៉ាស់កំពុងព្យាយាមផ្លាស់ទីដោយមិនត្រូវបានរកឃើញឬបាត់បង់ឆ្មាំជាច្រើននាក់។នាយករដ្ឋមន្ត្រីអ៊ីស្រាអែល លោក Benjamin Netanyahu បានប្រកាសថា ការសម្លាប់លោក Sinwar គឺជាជោគជ័យដ៏ធំធេង។ប៉ុន្តែបានព្រមានថា សង្រ្គាមរបស់អ៊ីស្រាអែលនៅ ហ្គាហ្សាមិនទាន់ចប់ទេ៕ពុតសាម៉ាត់