ប្រធា​នា​ធិបតី​ចិនXi Jinpin​gបា​ន​ទៅដ​ល់​រុស្ស៊ី

 ប្រធានាធិបតីចិនលោក Xi Jinpingនឹងចូលរួមកិច្ចប្រជុំកំពូល BRICS លើកទី១៦នៅទីក្រុង Kazan នៃប្រទេសរុស្ស៊ីចាប់ពីថ្ងៃទី២២ដល់ថ្ងៃទី២៤ ខែតុលា។ទីភ្នាក់ងារព័ត៌មានXinhauបានរាយការណ៍ថានេះជាសេចក្តីថ្លែងការណ៍នៅថ្ងៃនេះ(១៨ តុលា)ដោយអ្នកនាំពាក្យក្រសួងការបរទេសចិន លោកស្រី Mao Ning ។ លោក Xi Jinping បានចូលរួមកិច្ចប្រជុំកំពូលBRICSតាមការអញ្ជើញរបស់ប្រធានាធិបតីរុស្ស៊ី លោក Vladimir Putin។យោងតាមទីភ្នាក់ងារសារព័ត៌មាន Tass បានធ្វើអត្ថាធិប្បាយអំពីដំណើររបស់លោក Xi Jinping អ្នកនាំពាក្យក្រសួងការបរទេសចិនលោកស្រីMao Ning បាននិយាយថា ប្រធានាធិបតីចិននឹងពិភាក្សាអំពីស្ថានភាពអន្តរជាតិនិងកិច្ចសហប្រតិបត្តិការជាក់ស្តែងនៅក្នុងប្លុកBRICSជាមួយមេដឹកនាំនៃអង្គការនេះនៅក្នុងកិច្ចប្រជុំកំពូលនៅទីក្រុង Kazan ។លោកស្រី Mao បាននិយាយថា "ប្រធានាធិបតីXiJinpingនឹងចូលរួមនៅក្នុងការផ្លាស់ប្តូរទស្សនៈស៊ីជម្រៅលើស្ថានភាពអន្តរជាតិបច្ចុប្បន្ន កិច្ចសហប្រតិបត្តិការជាក់ស្តែងនៅក្នុង BRICSការអភិវឌ្ឍន៍យន្តការBRICSនិងបញ្ហាពាក់ព័ន្ធនានាដែលត្រូវបានពិភាក្សាដោយមេដឹកនាំដែលមានការព្រួយបារម្ភទៅវិញទៅមក"។

ប្រធានាធិបតី​ចិន លោកXi Jinping និង​ប្រធានាធិបតី​រុស្ស៊ី លោកVladimir Putinក្នុង​ជំនួប។ រូបថត៖ Tass

យោងតាមលោកស្រីMaoប្រទេសចិនបានត្រៀមខ្លួនរួចជាស្រេចក្នុងកិច្ចសហប្រតិបត្តិការជាមួយគ្រប់ភាគីដើម្បីលើកកម្ពស់ស្ថិរភាពនិងការអភិវឌ្ឍន៍រយៈពេលវែងនៃកិច្ចសហប្រតិបត្តិការ "មហាអំណាចBRICS" (BRICS+) ដើម្បី"បើកសករាជថ្មីនៃការរួបរួមនិងអំណាចស្វ័យភាពនៃសកលលោកខាងត្បូង។ រួមចំណែកដល់សន្តិភាពពិភពលោកនិងការអភិវឌ្ឍន៍រួម”។BRICS ត្រូវបានបង្កើតឡើងដំបូងដោយប្រេស៊ីល រុស្ស៊ី ឥណ្ឌា និងចិនក្នុងឆ្នាំ២០០៦បន្ទាប់មកអាហ្វ្រិកខាងត្បូងបានចូលរួមនៅឆ្នាំ ២០១០។ នៅដើមឆ្នាំនេះ ក្រុមនេះបានបន្ថែមប្រទេសអេហ្ស៊ីប អេត្យូពី អ៊ីរ៉ង់និងសហភាពអារ៉ាប់រួម(UAE)។ប៉ុន្តែនៅតែរក្សាឈ្មោះចាស់ដដែល៕ពុតសាម៉ាត់