ប្រធា​នា​ធិបតីរុស្ស៊ីPutinបាននិយា​​យអំពីទំនាក់ទំនងរ​ប​ស់លោកជាមួយលោ​ក​Trump

ប្រធានាធិបតីរុស្ស៊ីលោកVladimirPutinបានបដិសេធចំពោះរបាយការណ៍ដែលថាលោកនៅតែទាក់ទងជាមួយអតីតប្រធានាធិបតីអាមេរិក លោក Donald Trump។កាលពីសប្តាហ៍មុនសៀវភៅថ្មីមួយដែលបោះពុម្ពដោយអ្នកកាសែតអាមេរិកលោក Bob Woodward បានចោទប្រកាន់លោក Trump ថាបានជជែកសម្ងាត់ចំនួន៧ដងជាមួយលោកPutinបន្ទាប់ពីចាកចេញពីសេតវិមានក្នុងខែមករាឆ្នាំ ២០២១។នៅក្នុងសន្និសីទសារព័ត៌មានបន្ទាប់ពីកិច្ចប្រជុំកំពូល BRICS លើកទី១៦នៅទីក្រុង Kazan ប្រទេសរុស្ស៊ីកាលពីថ្ងៃទី២៤ខែតុលា អ្នកកាសែត Keir Simmons នៃទីភ្នាក់ងារសារព័ត៌មាន NBC បានសួរថាតើលោកPutinមានការសន្ទនាឯកជនជាមួយអតីតប្រធានាធិបតីអាមេរិកដែរឬទេ។លោកPutinបានឆ្លើយតបថា“នេះជាបញ្ហាដែលទាក់ទាញការចាប់អារម្មណ៍ជាច្រើនឆ្នាំមកហើយ។ នៅពេលមួយលោក Trump និងរុស្ស៊ីត្រូវបានចោទប្រកាន់ថាជាប់ពាក់ព័ន្ធ។ ទោះបីជាយ៉ាងណាក៏ដោយបន្ទាប់ពីការស៊ើបអង្កេតនៅសហរដ្ឋអាមេរិក មនុស្សគ្រប់គ្នារួមទាំងសភាសហរដ្ឋអាមេរិក បានសន្និដ្ឋានថា វាមិនសមហេតុសមផលទាំងស្រុងហើយមិនមានអ្វីដូចដែលបានកើតឡើងនោះទេ។ ពេល​នោះ​អត់​មាន​ទំនាក់​ទំនង​ទេ ហើយ​ឥឡូវ​អត់​មាន​អី​ទេ»។

រដ្ឋាភិបាលរុស្ស៊ីធ្លាប់បានសង្កត់ធ្ងន់ថាខ្លួននឹងសហការជាមួយមេដឹកនាំណាមួយដែលត្រូវបានជ្រើសរើសដោយប្រជាជនអាមេរិកនៅក្នុងការបោះឆ្នោតប្រធានាធិបតីខែវិច្ឆិកាខាងមុខនេះ។ នៅថ្ងៃទី២៤ខែតុលា លោកPutinបានរំលឹកឡើងវិញនូវឆន្ទៈរបស់លោកក្នុងការធ្វើឱ្យមានទំនាក់ទំនងធម្មតាជាមួយសហរដ្ឋអាមេរិកក្នុងលក្ខខណ្ឌថាទីក្រុងវ៉ាស៊ីនតោនសុខចិត្តឆ្លើយតបទៅតាមនោះ។"ទំនាក់ទំនងរុស្ស៊ី-អាមេរិកក្រោយការបោះឆ្នោតពឹងផ្អែកជាចម្បងលើសហរដ្ឋអាមេរិក។ ប្រសិនបើទីក្រុងវ៉ាស៊ីនតោនបើកទូលាយក្នុងការកសាងទំនាក់ទំនងធម្មតាជាមួយទីក្រុងម៉ូស្គូយើងនឹងធ្វើដូច្នេះ។បើមិនដូច្នេះទេ សូមទុកវាឱ្យនៅដដែល។នេះអាស្រ័យលើសិទ្ធិនាពេលអនាគតរបស់អាមេរិក" លោកPutinបានសង្កត់ធ្ងន់៕ពុតសាម៉ាត់