អ៊ុយក្រែនបា​នធ្វើបច្ចុប្បន្នភា​ពស្ថានភា​ពKurskសហរដ្ឋអាមេរិក​បានផ្តល់ជំនួយបន្ថែម​ចំនួន២៥០លានដុល្លារដល់​​គៀវ

ប្រធានាធិបតីVolodymyrZelenskyបាននិយាយថាបច្ចុប្បន្នអ៊ុយក្រែនគ្រប់គ្រងលើផ្ទៃដីជាង១,៣០០គីឡូម៉ែត្រការ៉េនៅក្នុងតំបន់Kursk របស់រុស្ស៊ី។ លោក​បាន​បន្ត​អំពាវនាវ​ឲ្យ​លោកខាងលិច​មិន​អើពើ​នឹង​បន្ទាត់​ក្រហម​របស់​ក្រុង​ម៉ូស្គូនិង​អនុញ្ញាត​ឲ្យ​ក្រុង​គៀវ​ប្រើប្រាស់​អាវុធ​ចម្ងាយ​ឆ្ងាយ​ដើម្បី​វាយប្រហារ​រុស្ស៊ី។យោងតាមសារព័ត៌មានTelegraphប្រមុខអ៊ុយក្រែនបានផ្តល់ព័ត៌មានថ្មីៗអំពីស្ថានភាព Kursk នៅមូលដ្ឋានទ័ពអាកាស Ramstein ក្នុងប្រទេសអាល្លឺម៉ង់ជាកន្លែងដែលលោកបានជួបប្រជុំជាមួយសម្ព័ន្ធមិត្តលោកខាងលិច។ថ្លែងនៅក្នុងកិច្ចប្រជុំនៃប្រទេសប្រមាណ៥០ដែលផ្គត់ផ្គង់សព្វាវុធដល់អ៊ុយក្រែន លោក Zelensky បាននិយាយថា "យើងត្រូវការអាវុធរយៈចម្ងាយឆ្ងាយមិនត្រឹមតែសម្រាប់ប្រើប្រាស់នៅលើទឹកដីអ៊ុយក្រែនប៉ុណ្ណោះទេ។ប៉ុន្តែក៏មាននៅក្នុងប្រទេសរុស្ស៊ីផងដែរ ដូច្នេះហើយទីក្រុងម៉ូស្គូមានកម្លាំងចិត្តក្នុងការស្វែងរកសន្តិភាព" "។

រដ្ឋមន្ត្រីការពារជាតិអាមេរិក និងប្រធានាធិបតីអ៊ុយក្រែន។ រូបថត៖ Shutterstock

នៅដើមខែសីហាកងទ័ពអ៊ុយក្រែនបានបើកការវាយឆ្មក់ដ៏គួរឱ្យភ្ញាក់ផ្អើលមួយនៅក្នុងតំបន់ Kursk របស់រុស្ស៊ី។ លោក Zelensky បានប្រកាសថា ការវាយប្រហារខាងលើគឺជាការចាំបាច់និងជាផ្នែកមួយដ៏សំខាន់នៃផែនការជ័យជម្នះរបស់លោកក្នុងការបញ្ចប់ជម្លោះ។ទោះបីជាយ៉ាងណាក៏ដោយ រហូតមកដល់ពេលនេះការវាយឆ្មក់របស់អ៊ុយក្រែនលើ Kursk មិនបានបង្វែរអារម្មណ៍រុស្ស៊ីចេញពីគោលដៅសំខាន់របស់ខ្លួនក្នុងការគ្រប់គ្រងទីក្រុងPokrovskដែលត្រូវបានចាត់ទុកថាជាមជ្ឈមណ្ឌលដឹកជញ្ជូនដ៏សំខាន់របស់អ៊ុយក្រែននោះទេ។

ប្រទេសជាច្រើនបានសន្យាផ្តល់ជំនួយបន្ថែមដល់អ៊ុយក្រែន

កាលពីម្សិលមិញ(ថ្ងៃទី៦ខែកញ្ញា)ក្នុងកិច្ចប្រជុំនៃក្រុមទំនាក់ទំនងការពារជាតិអ៊ុយក្រែន (UDCG) ដែលប្រធានាធិបតី Zelensky បានចូលរួមដោយផ្ទាល់អ៊ុយក្រែនបានទទួលការប្តេជ្ញាចិត្តជាច្រើនក្នុងការបង្កើនជំនួយយោធាពីសហរដ្ឋអាមេរិកចក្រភពអង់គ្លេស អាល្លឺម៉ង់ និងកាណាដា។រដ្ឋមន្ត្រីការពារជាតិអាមេរិក លោក Lloyd Austin បាននិយាយថាទីក្រុងវ៉ាស៊ីនតោននឹងផ្តល់ឱ្យអ៊ុយក្រែននូវកញ្ចប់ជំនួយសន្តិសុខថ្មីមួយ ដែលមានតម្លៃ២៥០លានដុល្លារ។ ជំនួយនេះរួមមានមីស៊ីល RIM-7 និងជំនួយការពារដែនអាកាស កាំជ្រួច Stinger គ្រាប់រំសេវសម្រាប់ប្រព័ន្ធ HIMARS ទូកល្បាត និងជំនួយយោធាផ្សេងទៀត។រដ្ឋមន្ត្រីការពារជាតិអាល្លឺម៉ង់ លោក Boris Pistoriusក៏បានប្រកាសថាទីក្រុងប៊ែរឡាំងបានប្តេជ្ញាផ្តល់ឲ្យអ៊ុយក្រែននូវកាំភ្លើងបាញ់ដោយខ្លួនឯងចំនួន១២ បន្ថែមទៀត។ កាណុងទាំងនេះនឹងមកពីឧស្សាហកម្មជាជាងឃ្លាំងអាវុធរបស់អាល្លឺម៉ង់។ យោងតាមកាលវិភាគកាំភ្លើងធំចំនួន៦គ្រឿងនឹងត្រូវបញ្ជូនទៅអ៊ុយក្រែននៅចុងឆ្នាំនេះហើយនៅសល់នឹងត្រូវដឹកជញ្ជូននៅឆ្នាំ២០២៥។នៅព្រឹកថ្ងៃដដែលនោះអង់គ្លេសបានប្រកាសថាខ្លួននឹងផ្តល់ឱ្យអ៊ុយក្រែននូវកាំជ្រួចចំនួន ៦៥០ គ្រាប់ដែលមានរយៈចម្ងាយឆ្ងាយជាង៦គីឡូម៉ែត្រ ដែលអាចបាញ់ចេញពីដី ទឹក និងផ្លូវអាកាស។ សព្វាវុធ​ទាំង​នេះ​ត្រូវ​បាន​គេ​រំពឹង​ថា​នឹង​ត្រូវ​ប្រគល់​ជូន​នៅ​ចុង​ឆ្នាំ​នេះ៕ពុតសាម៉ាត់