ភ្ញៀវទេសចរទស្សនាព្រះអាទិត្យរះចំកំពូលកណ្តាលប្រាសាទអង្គរវត្តច្រើនកុះករ
ព្រឹត្តិការណ៍ថ្ងៃរះចំកំពូលកណ្ដាលនៃប្រាសាទអង្គរវត្តឬសមរាត្រី កើតមាន២ដងក្នុង១ឆ្នាំ គឺនៅថ្ងៃទី២១ ខែមីនាម្ដងនិងថ្ងៃទី២២ ខែកញ្ញា ម្ដងទៀត។ភ្ញៀវទេសចរជាតិនិងអន្តរជាតិច្រើនកុះករបាទៅទស្សនាព្រះអាទិត្យរះឡើងចំកំពូលកណ្តាលប្រាសាទអង្គរវត្តកាលពីថ្ងៃសៅរ៍និងអាទិត្យ។យោងតាមរាយការណ៍របស់មន្ទីរទេសចរណ៍ខេត្តសៀមរាប សម្រាប់រយៈពេល ២ថ្ងៃ ពីថ្ងៃ២១-២២ ខែកញ្ញា ឆ្នាំ២០២៤ មានភ្ញៀវទេសចរសរុបប្រមាណ៣២ ២៤០ នាក់ ក្នុងនោះ ភ្ញៀវទេសចរជាតិនិងប្រជាពលរដ្ឋក្នុងខេត្ត ប្រមាណ ៣០ ៨០០ នាក់។ ភ្ញៀវទេសចរបរទេសចំនួន១៤៤០នាក់។ចំនួនភ្ញៀវទេសចរទៅទស្សនាព្រឹត្តិការណ៍សមរាត្រី (Equinox) នៅថ្ងៃទី២២ ខែ កញ្ញា ឆ្នាំ២០២៤ នៅប្រាសាទអង្គរវត្ត មានចំនួនប្រមាណ ១៩៥0៤ នាក់ ក្នុងនោះ ៖ភ្ញៀវទេសចរជាតិនិងបងប្អូនប្រជាពលរដ្ឋក្នុងខេត្ត ប្រមាណ ១៨ ៨០០ នាក់។ ភ្ញៀវទេសចរបរទេស ចំនួន ៧០៤ នាក់៕
 |
/unnamed.png
Post a Comment