ករណី​ប​ង្ហោះផ្សាយព័ត៌មាន​ដែលយក​ពីGoogleដែលជា​ប្រភពមិន​ផ្លូវការពា​ក់​ព័ន្ធនឹងករណីបង្គោ​ល​ព្រំដែ​​នកម្ពុជា​-វៀតណាមខិ​​តចូលក្នុងទឹកដីគឺជាព័ត៌មា​នក្លែងក្លាយ!

 លេខាធិការ គ.ស.ព.ស. តាមរយៈបណ្តេញសង្គមតេឡេក្រាម បានបញ្ជាក់ថាករណីបង្ហោះផ្សាយព័ត៌មានដែលយកប្រភពពីGoogle ដែលជាប្រភពមិនផ្លូវការពាក់ព័ន្ធនឹងករណីបង្គោលព្រំដែន កម្ពុជា-វៀតណាមបានខិតចូលក្នុងទឹកដីកម្ពុជាគឺជាព័ត៌មានក្លែងក្លាយ។ ដូចនេះសូមបងប្អូនប្រជាពលរដ្ឋកុំយល់ច្រឡំនិងសូមឈប់បន្តចែកចាយនូវព័ត៌មានក្លែងក្លាយនេះទៀត។

សូមជម្រាបជូនថាលោកប៉ែន បូណា អ្នកនាំពាក្យរាជរដ្ឋាភិបាលបានលើកឡើងថា«នៅលើពិភពលោកនេះ គេមិនដែលយកGoogle Map មកធ្វើជាមូលដ្ឋានវាស់វែងខ័ណ្ឌសីម៉ា និងបោះបង្គោលព្រំដែនទេ។សូមកុំធ្វើនយោបាយបោករាស្ត្រតាមរបៀបភូតកុហកបែបទុច្ចរិតនិងល្ងង់ខ្លៅបែបនេះតទៅទៀត។មុនបោះបង្គោលព្រំដែនត្រូវឆ្លងកាត់ដំណាក់កាលច្រើនយ៉ាងនិងនីតិវិធីច្បាស់លាស់ណាស់ដោយយោងលើផែនទីដែលទទួលស្គាល់ជាអន្តរជាតិ សូម្បីអ័ក្សនៃបង្គោលព្រំដែនក៏ត្រូវផ្ទៀងផ្ទាត់យ៉ាងជាក់លាក់ណាស់មុននឹងបោះដោយមិនឱ្យលម្អៀងសូម្បីតែមួយមីលីម៉ែត្រឡើយ។សូមបងប្អូនប្រជាពលរដ្ឋកុំជឿលើបុគ្គលបោកប្រាសប្រឆាំងជ្រុលនិយមបែបនេះឱ្យសោះ»៕