ប្រទេស​​មួ​យ​​ទៀត​បាន​ប្រកាស​ថា​ខ្លួន​នឹង​ដា​ក់​​ពាក្យ​ចូល​រួមBRICS​ប្រធានាធិ​ប​តី​រុស្ស៊ីPutinបាន​​ស​ន្យា

 ឯកអគ្គរដ្ឋទូតប៉ាឡេស្ទីនប្រចាំនៅរុស្ស៊ីបាននិយាយថាបន្ទាប់ពីកិច្ចប្រជុំកំពូលBRICSនៅខែតុលាប៉ាឡេស្ទីននឹងដាក់ពាក្យសុំចូលរួមប្លុកនេះ។ប៉ាឡេស្ទីននឹងដាក់ពាក្យសុំចូលរួមជាមួយBRICSបន្ទាប់ពីកិច្ចប្រជុំកំពូលខែតុលានៅទីក្រុង Kazan ទីភ្នាក់ងារសារព័ត៌មាន Tass (រុស្ស៊ី) បានដកស្រង់សម្តីឯកអគ្គរដ្ឋទូតប៉ាឡេស្ទីនប្រចាំនៅប្រទេសរុស្ស៊ី លោក Abdel Hafiz Nofalដែលបាននិយាយនៅក្នុងសន្និសីទសារព័ត៌មានមួយ។

“បន្ទាប់ពីកិច្ចប្រជុំកំពូល BRICS យើងនឹងដាក់ពាក្យចូលរួមប្លុកនេះ។ ប្រធានាធិបតីរុស្ស៊ីលោកVladimirPutinបានសន្យាថានឹងផ្តល់ឱកាសដល់ប៉ាឡេស្ទីន។ យើងមានការរំពឹងទុកយ៉ាងខ្លាំងពីកិច្ចប្រជុំកំពូលនេះ” លោក Nofal បាននិយាយ។ឯកអគ្គរដ្ឋទូតប៉ាឡេស្ទីនក៏បានប្រកាសថា ការអញ្ជើញប៉ាឡេស្ទីនទៅកិច្ចប្រជុំកំពូលKazan គឺជា "សារវិជ្ជមាន" និងជានិមិត្តរូបនៃការគាំទ្រសម្រាប់ប្រជាជនប៉ាឡេស្ទីន។កន្លងមក ប្រធានាធិបតីរុស្ស៊ី លោកPutin បានអញ្ជើញមេដឹកនាំប៉ាឡេស្ទីន លោក Mahmoud Abbas ឱ្យចូលរួមកិច្ចប្រជុំកំពូល BRICS ដែលនឹងធ្វើឡើងនៅទីក្រុង Kazan ក្នុងខែតុលា។កាលពីសប្តាហ៍មុន អាស៊ែបៃហ្សង់ក៏បានដាក់ពាក្យជាផ្លូវការដើម្បីចូលរួមជាមួយ BRICS ។BRICSត្រូវបានបង្កើតឡើងក្នុងឆ្នាំ២០០៩ដែលបច្ចុប្បន្នមានសមាជិកចំនួន១០ រួមមានប្រេស៊ីល រុស្ស៊ី ឥណ្ឌា ចិន អាហ្វ្រិកខាងត្បូង អេហ្ស៊ីប អេត្យូពី អ៊ីរ៉ង់ អារ៉ាប់រួម (UAE) និងអារ៉ាប៊ីសាអូឌីត៕