ព្រះមហា​ក្សត្រ​ប្រទាន​អំ​ណោយ​ឲ្យ​សិល្បករ​​ចាស់ជរា

 នា​ព្រឹក​ថ្ងៃ​ទី​២​ខែ​សីហា​ឆ្នាំ​២​០​២​៤នេះព្រះមហាក្សត្រ​នរោត្តម​ ​សី​ហ​មុនី​ ​​បាន​យាង​ប្រោស​ប្រទាន​ព្រះ​រាជអំណោយ​ជូន​ព្រឹទ្ធាចារ្យ​មរ​ត​កមនុស្ស​រស់​ ​វីរ​សិល្បករ​ ​សិល្បករ​ ​និង​សិប្បករ​ ​សរុប​ចំនួន​ ​៥​០​៥​នាក់​ ​ដែល​មាន​ជីវភាព​ខ្វះខាត​ក្រីក្រ​និង​ចាស់ជរា​។​

ព្រះរាជ​ពិធី​ប្រោស​ប្រទាន​ព្រះ​រាជអំណោយ​ដល់​សិល្បករ​ ​សិល្ប​ការិនី​ ​និង​សិប្បករ​ ​រៀបចំ​ធ្វើឡើង​នៅ​កោះ​ន​រា​ ​ក្រោម​កិច្ច​សហការ​រវាង​ក្រសួង​វប្បធម៌​ ​និង​វិចិត្រ​សិល្បៈ ​សមាគម​សិល្បករ​ខ្មែរ​ ​និង​ក្រុមហ៊ុន​ឯកជន​មួយ​។​​នា​ឱកាស​នោះ​ ​លោកស្រី​ ភឿ​ង​ ​សកុណា​ ​រដ្ឋ​ម​ន្រ្តី​ក្រសួង​វប្បធម៌​ ​និង​វិចិត្រ​សិល្បៈ ​បាន​សម្តែង​នូវ​អំណរ​ព្រះរាជ​គុណ​ដ៏​ជ្រាលជ្រៅ​បំផុត​ចំពោះ​ទឹកព្រះទ័យ​ដ៏​ថ្លៃថ្លា​ ​និង​ការ​យក​ព្រះទ័យ​ទុកដាក់​ចំពោះ​សិល្បៈ​វប្បធម៌​ ​ជាពិសេស​ពី​ជីវភាព​សិល្បករ​ ​សិល្ប​ការិនី​ ​និង​សិប្បករ​ ​ព្រះករុណា​ជា​អ​ម្ចាស់ជីវិត​តម្កល់​លើ​ត្បូង​ ​ជាទី​គោរព​ស​ក្ការៈ​ដ៏​ខ្ពង់ខ្ពស់​បំផុត​។​​លោកស្រី​បន្ត​ថា​ ​ព្រះរាជ​សកម្មភាព​ដ៏​ឧ​ត្តុ​ង​ឧត្តម​ ​របស់​ព្រះករុណា​ជា​អ​ម្ចាស់ជីវិត​តម្កល់​លើ​ត្បូង​ ​គឺជា​ការ​លើកទឹកចិត្ត​ ​និង​ជា​កម្លាំងចិត្ត​ដ៏​ធំធេង​សម្រាប់​សិល្បករ​ ​សិល្ប​ការិនី​ ​ក៏ដូចជា​ម​ន្រ្តី​រាជការ​ក្រសួង​វប្បធម៌​ ​និង​វិចិត្រ​សិល្បៈ​ក្នុង​ការ​បន្ត​ជំរុញ​ការ​ថែរក្សា​ការពារ​ ​និង​បណ្តុះបណ្តាល​សិល្បៈ​វប្បធម៌​ដល់​យុវជន​ជំនាន់​ក្រោយ​៕