លោកT​rumpត្រូវបា​នទម្លាក់​ចេញពីការកាត់​ទោសពី​បទរក្សាទុក​ឯកសា​រសម្ងាត់

ដោយ៖ពុតសាម៉ាត់

ចៅក្រមរដ្ឋFloridaបានសម្រេចទម្លាក់ការកាត់ទោសលោកTrumpពីបទរក្សាទុកឯកសារសម្ងាត់របស់រដ្ឋាភិបាលដោយខុសច្បាប់បន្ទាប់ពីចាកចេញពីតំណែង។

រូបភាពរបស់លោកTrumpចូលរួមសវនាការលើការចោទប្រកាន់ពីបទរក្សាទុកឯកសារសម្ងាត់។ រូបថត៖ CNN

យោងតាមសារព័ត៌មាន CNN កាលពីថ្ងៃទី១៥ខែកក្កដា ចៅក្រមសហព័ន្ធ Aileen Cannon(រដ្ឋផ្លរីដា)បានប្រកាសសេចក្តីសម្រេចដែលមាន៩៣ទំព័រ ដោយហេតុនេះច្រានចោលការកាត់ទោសអតីតប្រធានាធិបតីអាមេរិក លោកDonaldTrumpក្រោមការចោទប្រកាន់ពីបទរក្សាទុកឯកសារសម្ងាត់របស់រដ្ឋាភិបាលដោយខុសច្បាប់។ចៅក្រម Cannon បានសង្កត់ធ្ងន់ថា ព្រះរាជអាជ្ញាពិសេសJackSmithដែលទទួលបន្ទុកក្នុងការកាត់ទោសលោក Trumpត្រូវបានតែងតាំងដោយខុសច្បាប់និងមិនមានសិទ្ធិអំណាចក្នុងការចោទប្រកាន់នោះទេ។"ការតែងតាំងព្រះរាជអាជ្ញា Jack Smith បានរំលោភលើបទប្បញ្ញត្តិនៃរដ្ឋធម្មនុញ្ញសហរដ្ឋអាមេរិកស្តីពីរបៀបតែងតាំងមន្ត្រីប្រតិបត្តិនិងតុលាការនៃរដ្ឋាភិបាលសហព័ន្ធ។ ដំណើរការតែងតាំងលោក Smith មិនត្រូវបានអនុម័តដោយព្រឹទ្ធសភាទេ ។ដូច្នេះហើយសំណើរបស់លោកTrumpក្នុងការច្រានចោលការចោទប្រកាន់នេះគឺលោកស្រី Cannon បាននិយាយ។លោក Trump បានអត្ថាធិប្បាយលើសេចក្តីសម្រេចរបស់លោកស្រី Cannon ថា "ការចោទប្រកាន់ពីបទរក្សាទុកឯកសារដោយខុសច្បាប់គឺគ្រាន់តែជាជំហានដំបូងប៉ុណ្ណោះ។ខ្ញុំសុំឱ្យចៅក្រមច្រានចោលការចោទប្រកាន់ផ្សេងទៀតដែលខ្ញុំប្រឈមមុខ។ទាំងនេះគ្រាន់តែជាការវាយប្រហារផ្នែកនយោបាយប៉ុណ្ណោះ" ។មុនពេលការចោទប្រកាន់ត្រូវបានទម្លាក់ លោក Trump នៅតែទទូចសុំអង្វរថាមិនមានទោសចំពោះការចោទប្រកាន់ពីបទឧក្រិដ្ឋសហព័ន្ធចំនួន៤០ករណីពាក់ព័ន្ធនឹងការរក្សាទុកឯកសារសន្តិសុខជាតិដ៏រសើបរបស់លោកនៅឯគេហដ្ឋាន Mar-a-Lago របស់លោកក្នុងរដ្ឋ Florida បន្ទាប់ពីចាកចេញពីតំណែងក្នុងឆ្នាំ២០២១ផងដែរ។ ជាការរារាំងដល់កិច្ចខិតខំប្រឹងប្រែងរបស់រដ្ឋាភិបាលសហរដ្ឋអាមេរិក ក្នុងការទទួលបានពួកគេមកវិញ។ប្រព័ន្ធផ្សព្វផ្សាយអាមេរិកបាននិយាយថា ការសម្រេចចិត្តរបស់ចៅក្រមរដ្ឋ Floridaគឺជា "ជ័យជម្នះដ៏ធំមួយ" សម្រាប់លោកTrump។ជាពិសេសនៅក្នុងបរិបទនៃការប៉ុនប៉ងធ្វើឃាតរបស់អតីតប្រធានាធិបតីអាមេរិកនាពេលថ្មីៗនេះនិងសន្និបាតជាតិរបស់គណបក្សសាធារណរដ្ឋនាពេលខាងមុខ៕