ទូត​​ចិន​ជឿជាក់​លើ​ចំណង​មិត្តភាព​រ​វាង​កម្ពុជា​-​ចិន​នឹង​ត្រូវ​បាន​អភិ​វឌ្ឍ​កាន់តែ​រឹង​​មាំ​បន្ថែម​ទៀត​នា​​ពេល​ឣ​នាគ​ត​

លោក​ ​Wan​g​ ​W​e​n​bin​ ​ឯកអគ្គរដ្ឋទូត​ចិន​ប្រចាំ​កម្ពុជា​ដែល​តែងតាំង​ថ្មី​ជំនួស​លោក​ ​Wan​g​ ​W​e​n​t​i​an​ ​ដែល​ត្រូវ​ចប់​អាណត្តិ​កាលពី​កន្លងទៅ​ជឿជាក់​ថា​ចំណងមិត្តភាព​ប្រពៃណី​រវាង​ចិន​និង​កម្ពុជា​ ​នឹង​ត្រូវ​បាន​អភិវឌ្ឍន៍​កាន់តែ​រឹង​មាំ​បន្ថែម​ទៀត​នា​ពេល​ឣ​នាគ​ត​។​

ការ​ជឿជាក់​ពី​ចំណងមិត្តភាព​ទ្វេភាគី​ខាងលើ​នេះ​ ​បន្ទាប់ពី​ព្រះមហាក្សត្រ​ ​នរោត្តម​ ​សី​ហ​មុនី​ ​ព្រះអង្គ​សព្វព្រះរាជហឫទ័យ​ប្រោស​ព្រះរាជទាន​លោក​ ​Wan​g​ ​W​e​n​bin​ ​ចូល​ក្រាបថ្វាយបង្គំ​គាល់​សារតាំង​នៅ​ព្រះ​ទីនាំង​ទេវាវិនិច្ឆ័យ​ព្រះបរមរាជវាំង​ ​កាលពី​ថ្ងៃពុធ​។​លោក​ ​Wan​g​ ​W​e​n​bin​ ​បាន​សរសេរ​លើ​ទំព័រ​ហ្វេ​ស​បុក​ផ្លូវការ​របស់​ខ្លួន​ថា​៖​ ​«​ខ្ញុំ​ពិតជា​មាន​មហា​កិត្តិយស​ដែល​បាន​ថ្វាយ​សារតាំង​ចំពោះ​ព្រះករុណា​ព្រះបាទ​សម្ដេច​ព្រះ​បរមនាថ​ ​នរោត្តម​ ​សី​ហ​មុនី​ ​ព្រះមហាក្សត្រ​ ​នៃ​ព្រះរាជាណាចក្រកម្ពុជា។ចំណងមិត្តភាព​ប្រពៃណី​រវាង​ចិន​ ​និង​កម្ពុជា​ ​នឹង​ត្រូវ​បាន​អភិវឌ្ឍន៍​កាន់តែ​រឹង​មាំ​បន្ថែម​ទៀត​នា​ពេល​ឣ​នាគ​ត​»​។​លោក​បន្ថែម​ថា​៖​ ​«​ទំនាក់ទំនង​រវាង​ចិន​-​កម្ពុជា​ ​ក្នុង​រយៈពេល​៦​៦​ឆ្នាំ​កន្លងមក​ ​និង​រយ​:​ពេល​កាន់តែ​យូរ​ជាង​នេះ​ ​អនុ​ស្សា​វ​រី​យ៍​ដែល​បន្សល់ទុក​ឱ្យ​ដោយ​ថ្នាក់​ដឹកនាំ​ជំនាន់​មុន​ ​សុទ្ធតែ​ជា​កេរដំណែល​ដ៏​មាន​ថាមពល​សម្រាប់​បន្ត​រក្សា​ទៅ​ថ្ងៃ​អនាគត​»​។​កាល​ពីម្សិលមិញ​ ​លោក​ ​Wan​g​ ​W​e​n​bin​ ​ក៏បាន​ចូល​ជួប​សម្ដែង​ការគួរសម​ ​និង​ពិភាក្សា​ការងារ​ជាមួយ​លោក​ ​ហ៊ុន​ ​សែន​ ​ប្រធាន​ព្រឹទ្ធសភា​កម្ពុជា​ ​និង​ជា​ប្រធាន​គណបក្ស​ប្រជាជន​កម្ពុជា​ ​នៅ​វិមាន​ព្រឹទ្ធសភា​ ​ក្នុងនាម​តំណាង​ឱ្យ​ប្រជាជន​ ​និង​ប្រទេស​ចិន​។​លោក​ ​សូ​ ​ណា​រ៉ូ ​រដ្ឋមន្ត្រី​ប្រតិភូ​អម​នាយករដ្ឋមន្ត្រី​ ​បាន​ឱ្យ​ដឹង​ថា​ ​លោក​ ​Wan​g​ ​W​e​n​bin​ ​ជា​អតីត​អ្នកន​ាំពាក្យ​ក្រសួង​ការបរទេស​ ​និង​ជា​អ្នក​កា​ទូត​ចិន​ដ៏​ល្បី​មួយ​រូប​ ​ដូច្នេះ​ការតែងតាំង​លោក​ជា​ឯកអគ្គរដ្ឋទូត​ប្រចាំ​កម្ពុជា​ ​បាន​បង្ហាញ​ពី​ការ​យកចិត្តទុកដាក់​របស់​រដ្ឋាភិបាល​ចិន​ចំពោះ​កម្ពុជា​ ​ដើម្បី​បន្ត​ជ្រោមជ្រែង​ ​ពង្រឹង​មិត្តភាព​ ​និង​កិច្ច​សហប្រតិបត្តិការ​ជា​យុទ្ធសាស្ត្រ​រវាង​កម្ពុជា​-​ចិន​ ​កាន់តែ​ប្រសើរ​។​លោក​បន្ថែម​ថា​ ​លោក​ ​Wan​g​ ​W​e​n​bin​ ​នឹង​បន្ត​ជ្រោមជ្រែង​ទំនាក់ទំនង​កា​ទូត​កម្ពុជា​-​ចិន​ ​កាន់តែ​ខ្ពស់​ ​ព្រោះ​ចិន​ជា​ដៃគូ​ពាណិជ្ជកម្ម​ ​និង​ជា​អ្នក​វិនិយោគ​ដ៏​ធំ​សម្រាប់​កម្ពុជា​ ​ដូច្នេះ​ឯកអគ្គរដ្ឋទូត​ចិន​ ​នឹង​ជួយ​ជំរុញ​បន្ថែម​លើ​កិច្ច​សហប្រតិបត្តិការ​សម្រាប់​ទំនាក់ទំនង​ប្រជាជន​និង​ប្រជាជន​ ​គឺ​ចាប់ពី​ថ្នាក់​ដឹកនាំ​កំពូល​រហូតដល់​ប្រជាពលរដ្ឋ​។​លោក​ ​សូ​ ​ណា​រ៉ូ ​បញ្ជាក់​ថា​៖​ ​«​ទោះ​ទំនាក់ទំនង​ពាណិជ្ជកម្ម​កម្ពុជា​-​ចិន​ ​មាន​ទំហំ​ធំ​ជាងគេ​បំផុត​នៅ​កម្ពុជា​ ​ប៉ុន្តែ​ការនាំចូល​ផលិតផល​របស់​ចិន​មក​កម្ពុជា​ ​គឺ​មាន​ច្រើនលើស​លុប​។​ ​ខ្ញុំ​សង្ឃឹម​ថា​ ​ឯកអគ្គរដ្ឋទូត​ថ្មី​ ​នឹង​យកចិត្តទុកដាក់​បន្ថែម​ ​ដើម្បី​ជំរុញ​ឱ្យ​បើកទូលាយ​សម្រាប់​ទី​ផ្សារ​កសិផល​កម្ពុជា​បាន​នាំចេញ​ទៅ​ទី​ផ្សារ​ចិន​កាន់តែ​ធំ​ទូលាយ​ក្នុង​អាណត្តិ​របស់​លោក​ ​ដើម្បី​រក្សា​តុល្យភាព​នៃ​ពាណិជ្ជកម្ម​រវាងប្រទេស​ទាំង​ពី​​​រ​កាន់តែ​ប្រសើរ​»​។​លោក​ ​យង់​ ​ពៅ​ ​អគ្គលេខាធិការ​នៃ​រាជបណ្ឌិត្យសភា​កម្ពុជា​ ​យល់​ឃើញ​ថា​ ​លោក​ ​Wan​g​ ​W​e​n​bin​ ​ជា​អ្នក​កា​ទូត​ជើងចាស់​ដ៏​សំខាន់​របស់​ចិន​ ​ដែល​ធ្លាប់​បម្រើ​ការងារ​នៅ​ក្រសួង​ការបរទេស​ចិន​ជាច្រើន​ឆ្នាំ​ ​ដូច្នេះ​នៅ​ពេល​រដ្ឋាភិបាល​ចិន​តែងតាំង​ជា​ឯកអគ្គរដ្ឋទូត​ថ្មី​ប្រចាំ​កម្ពុជា​ ​ដើម្បី​ជំរុញ​ឱ្យ​មានការ​លើក​ក​ម្ពស់​តម្លៃ​កា​ទូត​កម្ពុជា​-​ចិន​ ​កាន់​តែ​ខ្ពស់​ជាមុន​។​​លោក​បន្ត​ថា​៖​ ​«​ផ្អែកលើ​ទំនាក់ទំនង​ល្អ​រវាង​កម្ពុជា​-​ចិន​ ​ក៏ដូចជា​ការតែងតាំង​ឯកអគ្គរដ្ឋទូត​ថ្មី​ ​ខ្ញុំ​សង្ឃឹម​ថា​ទំនាក់ទំនង​ទ្វេភាគី​កាន់តែ​រឹង​មាំ​បន្ថែម​ ​ហើយ​ខ្ញុំ​ក៏​សង្ឃឹម​ថា​ ​ចិន​នឹង​ពិនិត្យ​ឡើងវិញ​ចំពោះ​ការ​វិនិយោគ​ជាប់​គាំង​នៃ​ការ​សាងសង់​អគារ​ទាំងឡាយ​នៅ​ខេត្ត​ព្រះ​សី​ហ​នុ ​ដើម្បី​ជំរុញ​ឱ្យ​មានការ​វិនិយោគ​ឡើងវិញ​»​។​លោក​បញ្ជាក់​ថា​ ​ឯកអគ្គរដ្ឋទូត​ថ្មី​ ​ក៏​នឹង​ជំរុញ​ដល់​ការ​ទប់​ស្កាត់​ ​និង​បង្ក្រាប​ការ​ឆបោក​គ្រប់​ប្រភេទ​ពី​ប្រជាជន​ចិន​នៅ​លើទឹក​ដី​កម្ពុជា​ ​ព្រោះ​បញ្ហា​អវិជ្ជមាន​ទាំងនេះ​នឹង​ធ្វើ​ឱ្យ​ខូច​មុខមាត់​ប្រទេស​ទាំងពីរ​ ​ក៏ដូចជា​នៅ​លើឆាកអន្តរជាតិ​។​នៅ​អាកាសយានដ្ឋាន​អន្តរជាតិ​ភ្នំពេញ​ ​កាលពីដើម​ខែ​កក្កដា​ ​លោក​ ​Wan​g​ ​W​e​n​bin​ ​ប្ដេជ្ញា​ថា​ ​លោក​នឹង​សហការ​ជាមួយ​មិត្ត​ភក្ដិ​មកពី​គ្រប់​មជ្ឈដ្ឋាន​រវាង​ភាគី​ចិន​ ​និង​កម្ពុជា​ ​ដើម្បី​បន្ត​មិត្តភាព​ប្រទេស​ទាំងពីរ​ ​និង​ប្រឹងប្រែង​ជំរុញ​ឱ្យ​សហគមន៍​វាសនា​រួម​ក្នុង​យុគ​សម័យនេះ​ ​ទទួល​បាន​សមិទ្ធផល​ជា​ផ្លែផ្កា​កាន់តែ​ច្រើន​ ​និង​ផ្ដល់​ផលប្រយោជន៍​ដល់​ប្រជាជន​នៃ​ប្រទេស​ទាំងពីរ​។លោក​បន្ថែម​ថា​ ​ចំណងមិត្តភាព​រវាង​ចិន​ ​និង​កម្ពុជា​ ​មាន​ប្រវត្តិ​សា​ស្រ្ត​យ៉ាង​យូរអង្វែង​ដោយសារ​លោក​ ​ស៊ី​ន​ ​ជី​ន​ពីង​ ​ប្រធានាធិបតី​ចិន​ ​តែង​យក​សុភាសិត​កម្ពុជា​ប្រៀប​ដូចជា​ ​ដើមឈើ​ដើម្បី​ពណ៌នា​អំពី​ទំនាក់ទំនង​ចិន​ ​និង​កម្ពុជា​។​លោក​រម្លឹក​ថា​ ​អតីត​ព្រះមហាក្សត្រ​ ​នរោត្ដម​ ​សី​ហ​នុ ​បាន​ចាត់​ទុក​ចំណងមិត្តភាព​ចិន​-​កម្ពុជា​ ​គឺជា​បុប្ផា​ដែល​មិន​ចេះ​រុះរោយ​ ​ហើយ​អ្វី​ដែល​លោក​ចាំ​ជាងគេ​ ​គឺ​ចំណង​មិត្តភាព​រវាង​ចិន​ ​និង​កម្ពុជា​ ​ត្រូវ​បាន​ទទួលស្គាល់​យ៉ាង​ជ្រាលជ្រៅ​ពី​សំណាក់​ប្រជាជន​ប្រទេស​ទាំងពីរ​ ​ខណៈ​ចំណងមិត្តភាព​ដែក​ថែប​បាន​ក្លាយ​ជា​គំរូ​មួយ​សម្រាប់​ទំនាក់ទំនង​អន្តរជាតិ៕​​Khmer Times