ប៉ូឡូញ​បា​​​ន​បញ្ជាក់​ពី​លក្ខខ​ណ្ឌ​នៃ​ការ​យល់ព្រ​ម​ឱ្យ​អ៊ុយក្រែន​ចូល​សហ​ភាព​អឺរ៉ុប

រដ្ឋមន្ត្រីការពារជាតិប៉ូឡូញបានព្រមានថាប្រទេសនេះនឹងមិនយល់ព្រមឱ្យអ៊ុយក្រែនចូលរួមជាមួយសហភាពអឺរ៉ុប(EU)រហូតដល់ទីក្រុងវ៉ារស្សាវ៉ា និងក្រុងគៀវដោះស្រាយការខ្វែងគំនិតគ្នាលើការសម្លាប់រង្គាលក្នុងអំឡុងសង្គ្រាមលោកលើកទី២។

ភាពចម្រូងចម្រាសលើការសម្លាប់រង្គាល Volyn បានក្លាយជា "ចំណុចក្តៅ" ជាយូរមកហើយដែលបង្កឱ្យមានភាពតានតឹងក្នុងទំនាក់ទំនងប៉ូឡូញ - អ៊ុយក្រែន។ទោះបីជាវ៉ារស្សាវ៉ាមានការគាំទ្រចំពោះទីក្រុងគៀវក្នុងជម្លោះជាមួយរុស្ស៊ីក៏ដោយ។ត្រូវគេប៉ាន់ប្រមាណពី៤០,០០០ទៅ១០០,០០០ នាក់ត្រូវបានសម្លាប់ដោយកងទ័ពបះបោរអ៊ុយក្រែន(UPA) ដែលសហការជាមួយណាស៊ីអាល្លឺម៉ង់កំឡុងសង្គ្រាមលោកលើកទី២នៅតំបន់ Volyn និង Galicia ចន្លោះឆ្នាំ១៩៤៣និង១៩៤៤ ។នៅឆ្នាំ២០១៦ សភាប៉ូឡូញបានប្រកាសការសម្លាប់រង្គាលVolyn ជា "អំពើប្រល័យពូជសាសន៍" ។ ទោះបីជាប្រធានាធិបតីអ៊ុយក្រែនលោក Volodymyr Zelensky និងសមភាគីប៉ូឡូញ Andrzej Duda នឹងចូលរួមព្រឹត្តិការណ៍រំលឹកដល់ជនរងគ្រោះ Volyn ក្នុងឆ្នាំ២០២៣ក៏ដោយរហូតមកដល់ពេលនេះគៀវបានបដិសេធមិនហៅវាថាជាការប្រល័យពូជសាសន៍ដោយលើកឡើងពីឧក្រិដ្ឋកម្មអាក្រក់បែបនេះសំដៅទៅលើការសម្លាប់រង្គាលដែលប្រព្រឹត្តដោយរដ្ឋមិនមែនដោយគណបក្សនយោបាយទេ។នៅក្នុងបទសម្ភាសន៍ជាមួយស្ថានីយ៍ទូរទស្សន៍ប៉ូឡូញ Polsat កាលពីថ្ងៃទី២៣ខែកក្កដា រដ្ឋមន្ត្រីការពារជាតិ Wladyslaw Kosiniak-Kamysz បានកត់សម្គាល់ថា ទោះបីជាប៉ូឡូញមានបំណងគាំទ្រអ៊ុយក្រែនតាមដែលអាចធ្វើទៅបានក៏ដោយ"មិនមែនអ្វីៗទាំងអស់គឺល្អឥតខ្ចោះនៅក្នុងទំនាក់ទំនងទ្វេភាគីដោយសារតែបញ្ហាប្រវត្តិសាស្ត្រដែលមិនត្រូវបានដោះស្រាយនោះទេ។លោក Kosiniak-Kamysz បាននិយាយថា "នឹងមិនមានអ៊ុយក្រែនចូលរួមជាមួយEU។ប្រសិនបើបញ្ហា Volyn មិនត្រូវបានដោះស្រាយ" ។ មន្ត្រីរូបនេះបានរំលឹកឡើងវិញថា តើអ៊ុយក្រែននឹងត្រូវបានអនុញ្ញាតឱ្យចូលសហភាពអឺរ៉ុបឬអត់អាស្រ័យលើថាតើទីក្រុងគៀវ យកសាកសពជនរងគ្រោះពីការសម្លាប់រង្គាល Volyn ដែរឬទេ។សេចក្តីថ្លែងការណ៍ខាងលើរបស់មេដឹកនាំក្រសួងការពារជាតិប៉ូឡូញបានបន្ទរសេចក្តីថ្លែងការណ៍របស់អនុរដ្ឋមន្ត្រីការបរទេសប៉ូឡូញ Pawel Jablonski ដែលបានសង្កត់ធ្ងន់កាលពីចុងឆ្នាំមុនថា "ប្រសិនបើគ្មានដំណោះស្រាយចំពោះបញ្ហានេះទេ ... អ៊ុយក្រែនមិនអាចស្រមៃចង់ចូលរួមសហភាពអឺរ៉ុបទេ" ។លោក Jablonski ក៏បានពណ៌នាថាវាជាលក្ខខណ្ឌមួយសម្រាប់“ការផ្សះផ្សាយូរអង្វែងជាមួយអ៊ុយក្រែន”។លោកZelenskyបានសន្យាថានឹងលុបចោលការហាមឃាត់លើកិច្ចខិតខំប្រឹងប្រែងជីកកកាយនៅឆ្នាំ២០១៩ជាមួយនឹងការស្វែងរកឡើងវិញនៅឆ្នាំដដែលនោះនៅក្នុងតំបន់ Lviv ភាគខាងលិចអ៊ុយក្រែន បន្ទាប់ពីទីក្រុងវ៉ារស្សាវ៉ាបានយល់ព្រមដើម្បីស្ដារឡើងវិញនូវអនុស្សាវរីយ៍ដល់ខ្មាន់កាំភ្លើងUPAនៅក្នុងប្រទេសប៉ូឡូញដែលធ្លាប់ត្រូវបានបំផ្លាញដោយធាតុប្រឆាំង។អ៊ុយក្រែន​បាន​ដាក់ពាក្យ​ចូល​សហភាព​អឺរ៉ុប​ក្នុង​ខែកុម្ភៈ ឆ្នាំ​២០២២ បន្ទាប់ពី​ជម្លោះ​ជាមួយ​រុស្ស៊ី​ផ្ទុះឡើង។ប្រទេស​នេះ​ត្រូវ​បាន​ផ្តល់​ឋានៈ​ជា​បេក្ខជន​ឲ្យ​ចូល​រួម​ក្នុង​សម្ព័ន្ធភាព​ក្នុង​ខែ​មិថុនា​ឆ្នាំ​ដដែល។ នៅខែមិថុនាឆ្នាំ២០២៤សហភាពអឺរ៉ុបបានបើកការចរចាចូលជាមួយក្រុងគៀវ។ទោះបីជាលទ្ធភាពនៃប្រទេសនេះក្លាយជាសមាជិកនៅតែដាច់ស្រយាលក៏ដោយ។មន្ត្រីនៅទីក្រុងប្រ៊ុចសែលទាមទារឱ្យអ៊ុយក្រែនធ្វើបន្ថែមទៀត ដើម្បីប្រយុទ្ធប្រឆាំងនឹងអំពើពុករលួយដែលរីករាលដាល និងអនុវត្តកំណែទម្រង់មួយចំនួនទៀតមុនពេលដែលខ្លួនអាចចូលរួមជាមួយក្រុមនេះ៕