រដ្ឋបាលខេត្តកំពង់ធំបានប្រកាសថាស្ថានភាពទឹកស្ទឹងសែនឡើងដល់កម្រិតដែលត្រូវប្រកាសឱ្យប្រុងប្រយ័ត្នក្នុងកម្ពស់១៣,៥០ម៉ែត្រ។ជាមួយនឹងគ្នានេះអាជ្ញាធរខេត្តកំពង់ធំបានណែនាំដល់ពលរដ្ឋរស់នៅតាមបណ្តោយដងស្ទឹងសែនបង្កើនការប្រុងប្រយ័ត្នខ្ពស់។
 |
|
រដ្ឋបាលខេត្តកំពង់ធំពីម្សិលមិញបានចេញសេចក្ដីប្រកាសព័ត៌មានថា ផ្អែកលើស្ថានភាពបច្ចុប្បន្នកម្រិតទឹកស្ទឹងសែននៅស្ថានីយកំពង់ធំមានកម្ពស់១៣,៥១ម៉ែត្រ ខណៈកម្រិតប្រកាសឱ្យប្រុងប្រយ័ត្នកម្ពស់១៣,៥០ម៉ែត្រ។ដើម្បីចៀសវាងគ្រោះថ្នាក់ផ្សេងៗដែលអាចកើតមានឡើងជាយថាហេតុ រដ្ឋបាលខេត្តកំពង់ធំណែនាំដល់ពលរដ្ឋទាំងអស់ដែលរស់នៅតាមបណ្តោយដងស្ទឹងសែន ជាពិសេសពលរដ្ឋរស់នៅតំបន់ងាយរងគ្រោះបង្កើនការប្រុងប្រយ័ត្នខ្ពស់។រដ្ឋបាលខេត្តកំពង់ធំណែនាំដល់ឪពុកម្ដាយត្រូវហាមកូនតូចចុះលេងទឹកនិងត្រូវត្រៀមរៀបចំទុកដាក់សម្ភារៈនិងឯកសារសំខាន់ៗដែលចាំបាច់ ដើម្បីបង្ការពេលលិចភូមិឋាន។រដ្ឋបាលខេត្តកំពង់ធំបានបញ្ជាអាជ្ញាធរមូលដ្ឋានគ្រប់លំដាប់ថ្នាក់ត្រូវយកចិត្តទុកដាក់ខ្ពស់ចំពោះការត្រៀមរៀបចំផែនការអន្តរាគមន៍និងត្រៀមរៀបចំទីទួលសុវត្ថិភាពសមរម្យសម្រាប់ពលរដ្ឋដែលនឹងត្រូវជម្លៀសពេលដែលមានគ្រោះមហន្តរាយទឹកជំនន់មកដល់។រដ្ឋបាលខេត្តកំពង់ធំបានបន្ថែមថា៖ «អាជ្ញាធរត្រូវផ្សព្វផ្សាយនិងណែនាំពលរដ្ឋយកចិត្តទុកដាក់លើសុខភាពអនាម័យ ដើម្បីជៀសវាងជំងឺឆ្លងផ្សេងៗ»៕Khmer Times
/unnamed.png
Post a Comment