ភា​ពតានតឹ​​ងរវាងអ៊ីស្រាអែលនិ​ងហេសបូឡាកាន់តែតា​​នតឹង​បណ្តាប្រទេសណា​តូជំរុញឱ្យពលរដ្ឋចាក​​​ចេញពីលីបង់

សមាជិកអង្គការណាតូជាច្រើនរួមទាំងសហរដ្ឋអាមេរិកបានចេញការព្រមានអំពីការធ្វើដំណើរសម្រាប់ប្រទេសលីបង់ហើយបានណែនាំពលរដ្ឋឱ្យចាកចេញជាបន្ទាន់ដោយសារហានិភ័យនៃសង្គ្រាមដែលកើតឡើងរវាងអ៊ីស្រាអែលនិងក្រុមហេសបូឡា។ភាពតានតឹងរវាងអ៊ីស្រាអែល និងក្រុម ហេសបូឡាបានកើនឡើងយ៉ាងឆាប់រហ័សកាលពីថ្ងៃទី២៧ខែកក្កដា បន្ទាប់ពីក្រុមប្រដាប់អាវុធនៅក្នុងប្រទេសលីបង់ត្រូវបានគេចោទប្រកាន់ថាបានធ្វើការវាយប្រហារដោយគ្រាប់មីស៊ីលដែលបានសម្លាប់កុមារចំនួន១២នាក់នៅក្នុងទីក្រុង Majdan Shams នៅលើ Heights Golan ។

ខ្មាន់កាំភ្លើងសមាជិកក្រុមប្រដាប់អាវុធ ហេសបូឡា។ រូបថត៖ Iran International 

កងកម្លាំងការពារអ៊ីស្រាអែល (IDF) បាននិយាយថា មីស៊ីលដែលប្រើដោយក្រុមហេសបូឡាគឺជា Falaq-1 ផលិតដោយអ៊ីរ៉ង់ ហើយត្រូវបានបាញ់ដោយក្រុមហេសបូឡាពីភាគខាងត្បូងលីបង់។ ទោះ​ជា​យ៉ាង​ណា ក្រុម​ហេសបូឡា​បាន​បដិសេធ​មិន​បាន​ធ្វើ​ការ​វាយ​ប្រហារ​នេះ​ទេ។យោងតាមទីភ្នាក់ងារសារព័ត៌មានRTនៅថ្ងៃដដែល ស្ថានទូតអាមេរិកបានចេញការព្រមានអំពីការធ្វើដំណើរនិងបានណែនាំពលរដ្ឋអាមេរិកឱ្យ"ពិចារណាឱ្យបានហ្មត់ចត់អំពីការធ្វើដំណើរទៅកាន់ប្រទេសលីបង់"។សេចក្តី​ប្រកាស​របស់​ស្ថានទូត​អាមេរិក​បាន​អាន​ថា​៖ «​បរិយាកាស​សន្តិសុខ​នៅ​តែ​ស្មុគស្មាញហើយ​អាច​ផ្លាស់ប្តូរ​បាន​យ៉ាង​ឆាប់​រហ័ស។ការិយាល័យការបរទេសអង់គ្លេសក៏បានណែនាំពលរដ្ឋអង់គ្លេស "កុំឱ្យធ្វើដំណើរទៅកាន់ប្រទេសលីបង់ដោយសារហានិភ័យដែលទាក់ទងនឹងជម្លោះដែលកំពុងបន្ត"រវាងអ៊ីស្រាអែលនិងក្រុមហេសបូឡា។ការ​ព្រមាន​ស្រដៀង​គ្នា​នេះ​ត្រូវ​បាន​ចេញ​ដោយ​ប្រទេស​បារាំង អាល្លឺម៉ង់ បែលហ្សិក ហូឡង់ ន័រវែស និង​ដាណឺម៉ាក ព្រម​ទាំង​ប្រទេស​ដែល​មិន​មែន​ជា​អង្គការ​ណាតូ​ដូច​ជា អៀរឡង់ និង​អូស្ត្រាលី។ចាប់តាំងពីការផ្ទុះឡើងនៃជម្លោះអ៊ីស្រាអែល និងក្រុមហាម៉ាស់ក្នុងខែតុលា ឆ្នាំ២០២៣ក្រុមហេសបូឡាបានបន្តបាញ់រ៉ុក្កែតនិងគ្រាប់កាំភ្លើងត្បាល់ទៅលើទីតាំងរបស់អ៊ីស្រាអែលដើម្បីបង្ហាញពីសាមគ្គីភាពជាមួយចលនាអ៊ីស្លាមហាម៉ាស់និងប្រជាជនប៉ាឡេស្ទីននៅតំបន់ហ្គាហ្សា។ ជាការឆ្លើយតប IDF បានប្រើប្រាស់កាំភ្លើងធំនិងបានធ្វើការវាយប្រហារតាមអាកាសដើម្បីវាយប្រហារគោលដៅរបស់ក្រុមហេសបូឡា។បន្ទាប់ពីការវាយប្រហារលើ Golan Heightsកាលពីថ្ងៃទី២៧ខែកក្កដាអ៊ីស្រាអែលបានគំរាមធ្វើសង្រ្គាមទាំងស្រុងប្រឆាំងនឹងក្រុមហេសបូឡា។ គណៈរដ្ឋមន្ត្រីសន្តិសុខអ៊ីស្រាអែលក៏បានជួបប្រជុំគ្នានៅល្ងាចថ្ងៃទី២៨ ខែកក្កដា ហើយបានផ្តល់ឱ្យនាយករដ្ឋមន្ត្រី Benjamin Netanyahu និងរដ្ឋមន្ត្រីការពារជាតិYoavGallantនូវសិទ្ធិអំណាចក្នុងការសម្រេចចិត្តលើពេលវេលា និងវិសាលភាពនៃសកម្មភាពយោធាបន្ថែមទៀត៕ពុតសាម៉ាត់