ណា​តូ​សា​​ង​សង់'ច្រករបៀង'ក្នុង​ក​រ​ណីមាន​ជម្លោះជា​​មួ​យរុស្ស៊ី

 អង្គការសន្ធិសញ្ញាអាត្លង់ទិកខាងជើង(NATO)កំពុងរៀបចំ"ច្រករបៀង" ជាច្រើនដើម្បីដាក់ពង្រាយទ័ពថ្មើរជើងយ៉ាងលឿនទៅកាន់ជួរមុខក្នុងករណីមានជម្លោះជាមួយរុស្ស៊ី។

ប្រភពពីកាសែត The Telegraph នៅថ្ងៃទី៤ខែមិថុនាបានបង្ហាញថា អង្គការណាតូកំពុងសាងសង់"ច្រករបៀង"យ៉ាងឆាប់រហ័ស ដើម្បីនាំយកទាហាននិងសម្ភារៈបរិក្ខាររបស់អាមេរិកទៅកាន់ជួរមុខ ក្នុងករណីសម្ព័ន្ធភាពផ្ទុះជម្លោះជាមួយរុស្ស៊ី។"ណាតូត្រូវតែត្រៀមខ្លួនសម្រាប់សេណារីយ៉ូដែលអាចកើតឡើងក្នុងរយៈពេល២ទសវត្សរ៍ខាងមុខ។ នៅឯកិច្ចប្រជុំកំពូលVilniusកាលពីឆ្នាំមុនមេដឹកនាំនៃប្រទេសជាសមាជិកបានយល់ព្រមផ្តល់អាទិភាពដល់ការកសាងផ្លូវដឹកជញ្ជូននិងការរក្សាទាហានប្រហែល៣០០,០០០នាក់ក្នុងការត្រៀមខ្លួនប្រយុទ្ធ" ។របាយការណ៍របស់ TheTelegraphបាននិយាយថាបច្ចុប្បន្នយោធាអាមេរិកអាចចុះចតនៅកំពង់ផែមួយក្នុងចំណោមកំពង់ផែចំនួនប្រាំនៅអឺរ៉ុប(ហូឡង់ អ៊ីតាលី ក្រិក តួកគី និងន័រវែស)បន្ទាប់មកផ្លាស់ទីតាមច្រករបៀងខាងលើដើម្បីប្រឈមមុខនឹងទីក្រុងម៉ូស្គូ។ផ្លូវដែលពេញចិត្តសម្រាប់ទាហានអាមេរិកនឹងជាច្រករបៀងលេខ ១(កំពង់ផែRotterdamរបស់ប្រទេសហូឡង់)ពីកន្លែងដែលពួកគេអាចផ្លាស់ទីទៅប្រទេសអាល្លឺម៉ង់ និងប៉ូឡូញ។ក្នុងករណីដែលច្រករបៀងលេខ១ ត្រូវបានទម្លាក់គ្រាប់បែកឬកំពង់ផែនៅអឺរ៉ុបខាងជើងត្រូវបានខូចខាត ទាហានអាមេរិកនឹងផ្លាស់ប្តូរការផ្តោតអារម្មណ៍របស់ពួកគេទៅកាន់ច្រករបៀងដែលនៅសល់។នៅក្នុងច្រករបៀងលេខ២កងកម្លាំងអាមេរិកអាចផ្លាស់ទីយ៉ាងលឿនឆ្លងកាត់ប្រទេសស្លូវេនីនិងក្រូអាស៊ីដើម្បីទៅដល់ប្រទេសហុងគ្រី ដែលជាប្រទេសជាប់ព្រំដែនអ៊ុយក្រែន។រឿងដដែលនេះកើតឡើងនៅក្នុងច្រករបៀងដែលនៅសេសសល់ដើម្បីនាំទាហានអាមេរិកទៅកាន់ផ្នែកខាងកើតរបស់ណាតូឱ្យបានលឿនតាមដែលអាចធ្វើទៅបាន។យោងតាមមន្ត្រីអឺរ៉ុប កងទ័ពណាតូនឹងមិនត្រូវបានរឹតបន្តឹងដោយច្បាប់ក្នុងស្រុកនៅពេលប្រតិបត្តិការនៅក្នុងច្រករបៀងខាងលើ។លើសពីនេះអង្គការណាតូក៏កំពុងពង្រីកផ្លូវថ្នល់ដែលនាំទៅដល់កំពង់ផែផ្សេងទៀតក្នុងទ្វីបអឺរ៉ុបដើម្បីធានាថាខ្សែទំនាក់ទំនងមិនត្រូវបានកាត់ផ្តាច់ប្រសិនបើជម្លោះផ្ទុះឡើង។"ការកសាងមូលដ្ឋានដឹកជញ្ជូនធំៗដូចជានៅអាហ្វហ្គានីស្ថាន និងអ៊ីរ៉ាក់គឺមិនមានប្រសិទ្ធភាពទេ ព្រោះវាងាយរងការវាយប្រហារនិងបំផ្លាញចោលភ្លាមៗនៅពេលដែលជម្លោះផ្ទុះឡើង។ដូច្នេះហើយផែនការគឺបង្កើតច្រករបៀងជាច្រើនសម្រាប់ការដឹកជញ្ជូនទ័ពនិងឧបករណ៍ឱ្យបានលឿន សំខាន់ជាងនេះទៅទៀត” ឧត្តមសេនីយ៍ Alexander Sollfrank ប្រធានបញ្ជាការភស្តុភាររបស់ណាតូ (JSEC) បានប្រាប់កាសែត The Telegraph៕ពុតសាម៉ាត់