កម្ពុជា​រក​ចំ​ណូល​បានជា​ង​៣​៨​​៤​លាន​​ដុល្លារ​ពី​ការ​នាំចេញ​​អង្ករ​និ​ង​កៅស៊ូ​

 យោង​តាម​របាយការណ៍​ផ្លូវការ​កាលពី​ថ្ងៃពុធ​ ​កម្ពុជា​រកចំណូល​បាន​ ​៣​៨​៤​,​៤​ ​លាន​ដុល្លារ​ពី​ការនាំចេញ​អង្ករ​ ​និង​កៅស៊ូ​ស្ងួត​ក្នុងរយៈពេល​ ​៥​ ​ខែ​ដំបូង​នៃ​ឆ្នាំ​ ​២​០​២​៤​។

រូបភាពសហការី

របាយការណ៍​របស់​សហ​ព័ន្ធ​ស្រូវ​អង្ករ​កម្ពុជា​ ​បាន​បង្ហាញ​ថា​ ​កម្ពុជា​បាន​នាំចេញ​អង្ករ​ចំនួន​ ​៣​០​២​.​៥​៩​២​ ​តោន​ទៅកាន់​ប្រទេស​ ​និង​តំបន់​ចំនួន​ ​៦​៣​ ​ក្នុង​អំឡុង​ខែ​មករា​ ​ដល់​ខែ​ឧសភា​ ​ក្នុងឆ្នាំនេះ​ ​ដែល​រកចំណូល​បាន​ ​២​១​៩​,​៩​ ​លាន​ដុល្លារ​អាមេរិក​ ​ពី​ការនាំចេញ​ទំនិញ​។​របាយការណ៍​បាន​បន្ត​ថា​ ​ប្រទេស​ចិន​នៅតែ​ជា​អ្នកទិញ​ដ៏​សំខាន់​ ​ដោយ​បន្ថែម​ថា​កម្ពុជា​បាន​នាំចេញ​អង្ករ​ចំនួន​ ​៧​៣​.​៣​២​២​ ​តោន​ទៅកាន់​ប្រទេស​ចិន​ក្នុង​អំឡុង​ពេល​ខាងលើ​ដោយ​ទទួល​បាន​ចំណូល​សរុប​ចំនួន​៤​៦​,​២​ ​លាន​ដុល្លារ​។​ដោយឡែក​ ​អគ្គនាយកដ្ឋាន​កៅស៊ូ​បាន​រាយការណ៍​ពី​ការ​កើន​ឡើង​គួរ​ឱ្យ​កត់​សម្គាល់​នៃ​ការនាំចេញ​កៅស៊ូ​របស់​កម្ពុជា​។កម្ពុជា​បាន​នាំចេញ​កៅស៊ូ​ស្ងួត​ចំនួន​ ​១​១​០​.​៧​៧​២​ ​តោន​ក្នុងរយៈពេល​៥​ខែ​ដំបូង​ក្នុងឆ្នាំនេះ​ ​កើន​ឡើង​ ​២​,​៤​២​ ​ភាគរយ​ពី​ចំនួន​ ​១​០​៨​.​១​៤​៨​ ​តោន​ក្នុងរយៈពេល​ដូចគ្នា​កាលពីឆ្នាំមុន​ ​ដែល​ជា​ការ​បង្កើន​ចំណូល​បន្ថែម​ទៀត​ពី​ការនាំចេញ​របស់​ខ្លួន​។​កម្ពុជា​រកចំណូល​បាន​ ​១​៦​៥​,​៥​ ​លាន​ដុល្លារ​ពី​ការនាំចេញ​កៅស៊ូ​ស្ងួត​ក្នុង​អំឡុង​ខែ​មករា​ដល់​ខែ​ឧសភា​ឆ្នាំនេះ​ ​កើន​ឡើង​ ​៧​,​៤​ ​ភាគរយ​ពី​១​៥​៣​,​១​ ​លាន​ដុល្លារ​ក្នុងរយៈពេល​ដូចគ្នា​កាលពីឆ្នាំមុន​។​​ទាំង​ស្រូវ​ ​និង​កៅស៊ូ​ ​គឺជា​ដំណាំ​ដ៏​មាន​សក្តានុពល​របស់​ប្រទេស​ ​បន្ថែម​ពីលើ​គ្រាប់ស្វាយ​ចន្ទី​ ​ចេក​ ​ស្វាយ​ ​និង​មៀន​ប៉ៃលិន​៕​X​in​h​u​a​