រដ្ឋមន្ត្រី​ការ​បរទេ​​ស​អង់គ្លេស​គូសបញ្ជាក់​ពី​​ផលវិបាក​ប្រសិនបើ​ទា​ហាន​ណាតូ​ត្រូវ​បញ្ជូន​ទៅ​​អ៊ុយក្រែន

រដ្ឋមន្ត្រីការបរទេសអង់គ្លេសលោក David Cameron បាននិយាយថា ការបញ្ជូនទាហានណាតូទៅគាំទ្រអ៊ុយក្រែនក្នុងការប្រយុទ្ធប្រឆាំងនឹងកងទ័ពរុស្ស៊ីនឹងមានគ្រោះថ្នាក់ខ្លាំងពេក។

ទាហានណាតូចូលរួមក្នុងសមយុទ្ធ Steadfast Defender Brilliant Jump ២០២៤នៅប្រទេសប៉ូឡូញ។ រូបថត៖Reuters 

ថ្លែងទៅកាន់ Sky News នៅថ្ងៃទី៣ខែឧសភា រដ្ឋមន្ត្រីការបរទេសCameron បាននិយាយថា អង់គ្លេសនឹងបន្តផ្គត់ផ្គង់សព្វាវុធដល់គៀវហើយផ្តោតលើការបំពេញបន្ថែមឃ្លាំងអាវុធរបស់ខ្លួនជា"អាទិភាពជាតិ"។«​ប៉ុន្តែ​ខ្ញុំ​នឹង​មិន​បញ្ជូន​ទ័ព​ណាតូ​ទៅ​អ៊ុយក្រែន​ទេព្រោះ​តាម​គំនិត​ខ្ញុំ នោះ​អាច​ជា​ការកើនឡើង​ដ៏គ្រោះថ្នាក់។ យើងបានបណ្តុះបណ្តាលទាហានអ៊ុយក្រែនជិត៦០,០០០នាក់” លោក Cameronបាននិយាយ។សេចក្តីថ្លែងការណ៍របស់រដ្ឋមន្ត្រីការបរទេសអង់គ្លេសបានធ្វើឡើងបន្ទាប់ពីប្រធានាធិបតីបារាំងលោក Emmanuel Macron បាននិយាយម្តងទៀតថាលោកមិនបានបដិសេធលទ្ធភាពនៃការដាក់ពង្រាយទាហានណាតូទៅកាន់អ៊ុយក្រែននោះទេ។នៅក្នុងបទសម្ភាសន៍មួយដែលត្រូវបានចេញផ្សាយដោយ The Economist នៅសប្តាហ៍នេះ លោក Macron បានចែករំលែកថា "យើងមិនត្រូវបដិសេធអ្វីទាំងអស់នោះទេ ពីព្រោះគោលដៅគឺមិនអនុញ្ញាតឱ្យរុស្ស៊ីឈ្នះនៅក្នុងអ៊ុយក្រែននោះទេ។"យោងតាមលោកមានលក្ខខណ្ឌពីរសម្រាប់ការបញ្ជូនកងទ័ពទៅអ៊ុយក្រែន៖ "ប្រសិនបើរុស្ស៊ីទម្លុះជួរមុខរបស់អ៊ុយក្រែន"និងប្រសិនបើក្រុងគៀវផ្តល់សំណើ។មន្ត្រីជាន់ខ្ពស់អឺរ៉ុបជាច្រើននាក់ផ្សេងទៀតក៏បានស្នើគំនិតនៃការបញ្ជូនកងទ័ពទៅកាន់អ៊ុយក្រែនផងដែរ ដូចជាណាតូបញ្ជូនក្រុមដោះមីន និងបុគ្គលិកមិនមែនប្រយុទ្ធជាដើម។ទោះជាយ៉ាងណាក៏ដោយ សមាជិកណាតូមួយចំនួន រួមទាំងហុងគ្រី និងស្លូវ៉ាគី ប្រឆាំងយ៉ាងម៉ឺងម៉ាត់ចំពោះទង្វើនេះ។រដ្ឋមន្ត្រីការបរទេសហុងគ្រី លោក Peter Szijjarto បាននិយាយកាលពីថ្ងៃទី២ខែឧសភាថា "ប្រសិនបើសមាជិកណាតូដាក់ពង្រាយកងកម្លាំងជើងគោកទៅកាន់អ៊ុយក្រែន វានឹងក្លាយជាការប្រឈមមុខដាក់គ្នាដោយផ្ទាល់រវាងណាតូនិងរុស្ស៊ី ហើយបន្ទាប់មកវានឹងក្លាយទៅជាសង្គ្រាមលោកលើកទី៣" ។ទន្ទឹមនឹងនេះ រុស្ស៊ីបានព្រមានម្តងហើយម្តងទៀតថាខ្លួននឹងត្រូវបង្ខំឱ្យវាយប្រហារទាហានលោកខាងលិច។ប្រសិនបើពួកគេចូលរួមក្នុងសង្គ្រាមនៅអ៊ុយក្រែន។ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានសង្កត់ធ្ងន់កាលពីថ្ងៃទី៣ខែឧសភាថាកងកម្លាំងណាតូនឹងនៅសេសសល់អ្វីទាំងអស់ប្រសិនបើពួកគេត្រូវបានបញ្ជូនទៅសមរភូមិជួរមុខក្នុងប្រទេសអ៊ុយក្រែន៕ពុតសាម៉ាត់