តើទាហា​នណា​តូកំពុងធ្វើអ្វី​នៅ​អ៊ុយក្រែន?

រដ្ឋមន្ត្រីការពារជាតិអេស្តូនីលោក Hanno Pevkurបាននិយាយថា គ្រប់ប្រទេសសមាជិកណាតូមានបុគ្គលិកយោធាដែលកំពុងប្រតិបត្តិការនៅក្នុងប្រទេសអ៊ុយក្រែន។នៅក្នុងបទសម្ភាសន៍ជាមួយកាសែត Die Presse របស់ប្រទេសអូទ្រីសកាលពីថ្ងៃទី១ខែមេសា លោក Pevkur បានបញ្ជាក់ថា មិនមានរឿងរបស់ទាហានណាតូចូលរួមក្នុងការប្រយុទ្ធដោយផ្ទាល់នៅក្នុងជម្លោះរុស្ស៊ី-អ៊ុយក្រែននោះទេ។ 

កងម៉ារីនអ៊ុយក្រែនចូលរួមក្នុងសមយុទ្ធនៅជិត Kherson ក្នុងឆ្នាំ២០២១។ រូបថត៖ Reuters 

រដ្ឋមន្ត្រីការពារជាតិអេស្តូនីបាននិយាយថា "សេណារីយ៉ូនេះត្រូវបានច្រានចោល" ។លោកបានបន្ថែមថា ទាហានណាតូស្ថិតនៅក្នុងប្រទេសអ៊ុយក្រែនក្នុងនាមជាទីប្រឹក្សា និងចូលរួមក្នុងការបណ្តុះបណ្តាលទាហានអ៊ុយក្រែននៅក្នុងប្រទេសប៉ូឡូញ អង់គ្លេសនិងអេស្តូនី។លោកបាននិយាយថាមន្ត្រីការពារជាតិលោកខាងលិច គ្រោងនឹងបង្កើតជំរុំហ្វឹកហាត់នៅអ៊ុយក្រែនដើម្បីបញ្ចៀសបញ្ហាព្រំដែន និងពន្លឿនដំណើរការរៀបចំ។រដ្ឋមន្ត្រីការពារជាតិអេស្តូនីបានចែករំលែកថា "តាមពិតទៅគ្រប់រដ្ឋសមាជិកណាតូមានបុគ្គលិកយោធារួចហើយនៅអ៊ុយក្រែនដូចជាមន្ត្រីយោធាឬអ្នកដែលមកអ៊ុយក្រែនម្តងម្កាល។អ្វីដែលប្រធានាធិបតីបារាំងEmmanuelMacronបាននិយាយភាគច្រើនទាក់ទងនឹងការបណ្តុះបណ្តាលធនធានមនុស្ស" ។កាលពីខែកុម្ភៈ ប្រធានាធិបតី Macron បានលើកឡើងពីលទ្ធភាពដែលទាហានណាតូត្រូវបានបញ្ជូនទៅកាន់អ៊ុយក្រែនហើយលោកខាងលិច"នឹងធ្វើអ្វីគ្រប់យ៉ាងដែលចាំបាច់ដើម្បីការពាររុស្ស៊ីពីការឈ្នះ" ។បន្ទាប់មក មេដឹកនាំលោកខាងលិចជាបន្តបន្ទាប់ ដូចជាប្រធានាធិបតីអាមេរិក Joe Biden នាយករដ្ឋមន្ត្រីអាល្លឺម៉ង់Olaf Scholz និងអគ្គលេខាធិការអង្គការណាតូ លោក Jens Stoltenberg សុទ្ធតែបាននិយាយឡើងដើម្បីបញ្ជាក់ថាមិនមានគម្រោងបញ្ជូនទាហានទៅអ៊ុយក្រែនទេ។ប្រធានាធិបតីរុស្ស៊ី លោក  Vladimir Putin បាននិយាយថា ទោះបីជាអង្គការណាតូពង្រាយទ័ពទៅកាន់អ៊ុយក្រែនក៏ដោយ ក៏វាមិនផ្លាស់ប្តូរស្ថានភាពជម្លោះដែរ។លោក​ក៏​បាន​ព្រមាន​ថាផលវិបាក​នៃ​ចំណាត់ការ​ខាង​លើ​នឹង​ក្លាយ​ជា «សោកនាដកម្ម»៕ពុតសាម៉ាត់