លោកMedve​devបាន​និយាយ​ថា​បារាំ​ង​នឹងត្រូវកំ​ទេចប្រសិនបញ្ជូន​ទ័ព​​ទៅ​អ៊ុយក្រែន

 អនុប្រធានក្រុមប្រឹក្សាសន្តិសុខសហព័ន្ធរុស្ស៊ី លោក Dmitry Medvedev បានសរសេរនៅលើបណ្តាញTelegram នៅថ្ងៃទី២០ខែមីនាថារុស្ស៊ីអាច "បំផ្លាញ"ទាហានបារាំងដោយគ្មានការលំបាក។

អនុប្រធានក្រុមប្រឹក្សាសន្តិសុខសហព័ន្ធរុស្ស៊ី លោក Dmitry Medvedev ។

ប្រសិនបើប៉ារីសបញ្ជូនកងទ័ពទៅអ៊ុយក្រែន។នៅថ្ងៃទី២០ខែមីនាទីភ្នាក់ងារសារព័ត៌មានរុស្ស៊ីRIA បានដកស្រង់សម្តីអនុប្រធានក្រុមប្រឹក្សាសន្តិសុខសហព័ន្ធរុស្ស៊ី លោក Dmitry Medvedev ដោយបញ្ជាក់ថារុស្ស៊ីនឹងមិនពិបាកទេក្នុងការ"បំផ្លាញ" កងទ័ពបារាំង។ប្រសិនបើប៉ារីសបញ្ជូនទាហានទៅអ៊ុយក្រែន។ថ្លែងនៅលើបណ្តាញ Telegram នៅថ្ងៃទី ២០ខែមីនា លោក Medvedev បានសរសេរថា"វានឹងល្អណាស់"ប្រសិនបើបារាំងបញ្ជូនកងវរសេនាធំមួយចំនួនទៅអ៊ុយក្រែន។លោកMedvedevបានពន្យល់ពីមូលហេតុដែលលោកបានប្រកាសថាទីក្រុងម៉ូស្គូអាច"បំផ្លាញ"កងទ័ពបារាំង។អតីតនាយករដ្ឋមន្ត្រីនិងប្រធានាធិបតីរុស្ស៊ីបានព្រមានបន្ថែមទៀតថាប្រសិនបើទីក្រុងប៉ារីសបញ្ជូនទាហានទៅអ៊ុយក្រែនវានឹងដូចជា"ពួកគេបញ្ជូនមេដឹកនាំបារាំងទៅកាន់guillotine"។លោកMedvedevក៏បានបញ្ជាក់ដែរថានៅពេលដែលបារាំងបញ្ជូនទ័ពទៅអ៊ុយក្រែនការបំផ្លាញពួកគេនឹងក្លាយជាកិច្ចការអាទិភាពនិងសំខាន់បំផុតរបស់កងកម្លាំងប្រដាប់អាវុធរុស្ស៊ី។មួយរយៈមុននេះនាយកសេវាស៊ើបការណ៍បរទេសរុស្ស៊ី (SVR) លោក Sergei Naryshkin បាននិយាយថា ប្រទេសបារាំងកំពុងរៀបចំបញ្ជូនកងទ័ពទៅកាន់អ៊ុយក្រែន។ នៅ​ក្នុង​ដំណាក់​កាល​ដំបូងបុគ្គលិក​យោធា​ប្រហែល​២.០០០​នាក់​នឹង​ត្រូវ​បញ្ជូន​ដោយ​ក្រុង​ប៉ារីស​ទៅ​អ៊ុយក្រែន។កាលពីខែកុម្ភៈកន្លងទៅ ប្រធានាធិបតីបារាំង EmmanuelMacronបានលើកឡើងពីលទ្ធភាពនៃការបញ្ជូនទាហានលោកខាងលិចទៅកាន់អ៊ុយក្រែន។ទោះជាយ៉ាងណាក៏ដោយ ក្រោយមក ប្រទេសជាច្រើននៅអឺរ៉ុប រួមទាំងអាល្លឺម៉ង់ សាធារណរដ្ឋឆែក និងប៉ូឡូញ បាននិយាយថាពួកគេមិនមានគម្រោងបញ្ជូនទាហានទៅអ៊ុយក្រែន ដូចដែលលោក Macron បាននិយាយនោះទេ។ផ្ទុយទៅវិញ កាសែត Politico បាននិយាយថាប្រទេសបាល់ទិកទាំង៣គឺ អេស្តូនីឡាតវីនិងលីទុយអានី(លីទុយអានី)ដែលជាប្រទេសដែលនៅជិតបំផុតជាមួយរុស្ស៊ីនឹងកាន់តែបើកចំហចំពោះគំនិតនៃការចល័តទ័ពពីទីក្រុងប៉ារីស៕ពុតសាម៉ាត់