សេចក្តីថ្លែងការណ៍របស់ក្រសួងការបរទេសកម្ពុជាចេញផ្សាយនៅថ្ងៃអាទិត្យនេះបានឱ្យដឹងថាកម្ពុជាបានថ្កោលទោសយ៉ាងខ្លាំងក្លាចំពោះការវាយប្រហារភេរវកម្មដ៏សាហាវនៅសាលមហោស្រពនៅជាយក្រុងម៉ូស្គូកាលពីល្ងាចថ្ងៃសុក្រ។នេះបើតាមការចេញផ្សាយXinhua។
 |
|
សេចក្តីថ្លែងការណ៍បានបង្ហាញថា “យើងមានក្តីរន្ធត់យ៉ាងខ្លាំងចំពោះការស្លាប់បាត់បង់ជីវិតមនុស្សរាប់សិបនាក់ និងរងរបួសរាប់រយនាក់ នៅក្នុងការវាយប្រហារភេរវកម្មនៅសាលមហោស្រពម៉ូស្គូ (Moscow Crocus) នៅថ្ងៃទី២២ ខែមីនា ឆ្នាំ២០២៤” ។សេចក្តីថ្លែងការណ៍បានបន្ថែមថា៖ «រាជរដ្ឋាភិបាលកម្ពុជាថ្កោលទោសយ៉ាងខ្លាំងក្លាបំផុតចំពោះការវាយប្រហារដ៏សាហាវឃោឃៅនេះ»។សេចក្តីថ្លែងការណ៍ក៏បានឱ្យដឹងថា កម្ពុជាសូមចូលរួមសម្តែងនូវមរណទុក្ខដ៏ក្រៀមក្រំបំផុត និងសមានចិត្តដ៏ជ្រាលជ្រៅជូនចំពោះក្រុមគ្រួសារជនរងគ្រោះ និងរដ្ឋាភិបាលរុស្ស៊ី ហើយសូមជូនពរឱ្យអ្នករងរបួសឆាប់ជាសះស្បើយ។កម្ពុជាសូមបញ្ជាក់ជាថ្មីថា ទង្វើភេរវកម្មណាក៏ដោយគឺជាឧក្រិដ្ឋកម្ម និងមិនអាចលើកលែងបាន ទោះបីជាប្រព្រឹត្តក្នុងគោលបំណងណាមួយនិងដោយបុគ្គលណាក៏ដោយ។ «យើងសូមសម្តែងនូវសាមគ្គីភាពជាមួយរដ្ឋាភិបាល និងប្រជាជនរុស្ស៊ីក្នុងអំឡុងពេលដ៏ក្រៀមក្រំនេះ»។ចំនួនអ្នកស្លាប់បានកើនឡើងដល់ ១៣៣ នាក់នៅក្នុងការវាយប្រហារដែលខ្មាន់កាំភ្លើងបានសម្រុកចូលសាលមហោស្រពមូស្គូ ក្នុងសង្កាត់ Krasnogorsk ភាគពាយព្យនៃទីក្រុងមូស្គូ នេះបើយោងតាមគណៈកម្មាធិការស៊ើបអង្កេតរបស់រុស្ស៊ីកាលពីថ្ងៃសៅរ៍៕
/unnamed.png
Post a Comment