កម្ពុជា​ខេត្ត​ចំ​នួន​១​៥​ក្នុងចំណោម​​ខេត្ត​ទាំង​២​​៥​​ក្លាយ​ជា​ខេត្ត​ដែល​​គ្មាន​មីន​

 កម្ពុជា​កាលពី​ថ្ងៃអង្គារ​បាន​ប្រកាស​ខេត្ត​ក្រចេះ​ជា​ខេត្ត​ដែល​គ្មាន​មីន​និង​សំណល់​យុទ្ធ​ភណ្ឌ​ពី​សង្គ្រាម​(​យុទ្ធ​ភណ្ឌ​ពី​សង្គ្រាម​)ធ្វើ​ឱ្យ​ខេត្ត​នេះ​ក្លាយ​ជា​ខេត្ត​គ្មាន​មីន​ទី​១​៥​។​នេះបើតាមការចេញផ្សាយ​X​in​h​u​a។

រូបឯកសារ។សហការី

លោក​ ​លី​ ធុ​ច​ ​ទេសរដ្ឋមន្ត្រី​ ​និង​ជា​អនុប្រធាន​ទី​១​ ​នៃ​អាជ្ញាធរ​សកម្មភាព​ក​ម្ចាត់​មីន​ ​និង​ជំនួយ​ជនរងគ្រោះ​ដោយសារ​មីន​កម្ពុជា​ (C​MA​A​) ​មានប្រសាសន៍ថា​ ​ខេត្ត​ក្រចេះ​ ​គឺជា​អតីត​សមរភូមិ​ដ៏​ក្តៅ​ ​ហើយ​ប្រតិបត្តិការ​បោស​ស​ម្អា​ត​មីន​ក្នុង​ខេត្ត​នេះ​ ​បាន​ចាប់ផ្តើម​តាំងពី​ឆ្នាំ​ ​២​០​០​៣​ ​ដោយ​បាន​បោស​ស​ម្អា​ត​ផ្ទៃដី​ដែល​មាន​មីន​ ​និង​សំណល់​យុទ្ធ​ភណ្ឌ​ពី​សង្គ្រាម​ ​បានជា​ង​ ​១​៣​៣​ ​គីឡូ​ម៉ែត្រការ៉េ​។​លោក​បាន​មានប្រសាសន៍ថា​ ​មន្ត្រី​ដោះ​មីន​បាន​រក​ឃើញ​ ​និង​បំផ្លាញ​គ្រាប់មីន​និង​យុទ្ធ​ភណ្ឌ​ពី​សង្គ្រាម​ ​ប្រមាណ​ ​៦​០​,​០​០​០​ ​គ្រាប់​ ​ដែល​ផ្តល់​ផលប្រយោជន៍​ដល់​ប្រជាជន​ចំនួន​ ​៤​០​០​,​០​០​០​ ​នាក់​។​លោក​បាន​ថ្លែង​ក្នុង​ឱកាស​ពិធី​ប្រកាស​ខេត្ត​ក្រចេះ​ថា​គ្មាន​មីន​ថា​ “​ថ្ងៃនេះ​ជា​ថ្ងៃ​ប្រវត្តិសាស្ត្រ​សម្រាប់​ប្រជាជន​ក្នុង​ខេត្ត​ក្រចេះ​ ​ព្រោះ​ពេលនេះ​ពួកគេ​រួចផុត​ពី​ការ​គំរាមកំហែង​ពី​គ្រាប់មីន​”​។​​លោក​បាន​បន្ថែម​ថា​៖​ ​«​ក្រចេះ​ជា​ខេត្ត​ទី​១​៥​ ​នៅ​ទូទាំង​ប្រទេស​ដែល​ត្រូវ​បាន​ប្រកាស​ថា​គ្មាន​មីន​»​។​​លោក​ ​លី​ ធុ​ច​ ​បាន​មានប្រសាសន៍ថា​ ​ប្រតិបត្តិការ​បោស​ស​ម្អា​ត​មីន​កំពុង​បន្ត​នៅ​ក្នុង​ខេត្ត​ដែល​នៅសល់​ចំនួន​១​០​ ​រួម​មាន​ ​ខេត្ត​សៀមរាប​ ​រតនគិរី​ ​បាត់​ដំបង​ ​កោះ​កុង​ ​ពោធិ៍សាត់​ ​ប៉ៃលិន​ ​បន្ទាយ​មានជ័យ​ ​ឧត្តរមានជ័យ​ ​កំពង់ធំ​ ​និង​ព្រះវិហារ​។​​លោក​ ​លី​ ធុ​ច​ ​បាន​មានប្រសាសន៍ថា​ “​ផ្ទៃដី​ប្រមាណ​ ​១​,​៨​៥​៤​ ​គីឡូ​ម៉ែត្រការ៉េ​ ​ក្នុង​ប្រទេស​កម្ពុជា​ ​នៅ​មាន​គ្រាប់មីន​ ​និង​យុទ្ធ​ភណ្ឌ​ពី​សង្គ្រាម​ ​ដែល​ប៉ះពាល់​ដល់​ប្រជាជន​ជាង​ ​១​,​១​ ​លាន​នាក់​”​។​លោក​បាន​បន្ថែម​ថា​ ​កម្ពុជា​នៅតែ​ប្តេជ្ញា​សម្រេច​ឱ្យ​បាន​គោលដៅ​គ្មាន​មីន​ ​នៅ​ឆ្នាំ​២​០​២​៥​។​កម្ពុជា​ជា​ប្រទេស​មួយ​ក្នុងចំណោម​ប្រទេស​ដែល​រង​ផល​ប៉ះពាល់​ខ្លាំង​ជាងគេ​ដោយ​គ្រាប់មីន​និង​យុទ្ធ​ភណ្ឌ​ពី​សង្គ្រាម​។​ ​គ្រាប់មីន​ប្រមាណ​ពី​ ​៤​លាន​ទៅ​៦​លាន​គ្រាប់​ ​និង​យុទ្ធ​ភណ្ឌ​ផ្សេងទៀត​ ​ត្រូវ​បាន​បន្សល់ទុក​ពី​សង្គ្រាម​រយៈពេល​បី​ទសវត្សរ៍​ ​និង​ជម្លោះ​ផ្ទៃក្នុង​ដែល​បាន​បញ្ចប់​ ​ក្នុង​ឆ្នាំ​១​៩​៩​៨​។​​លោក​ ​លី​ ធុ​ច​ ​បាន​មានប្រសាសន៍ថា​ ​ព្រះរាជាណាចក្រកម្ពុជា​ ​បាន​បោស​ស​ម្អា​ត​មីន​និង​យុទ្ធ​ភណ្ឌ​ពី​សង្គ្រាម​ ​លើ​ផ្ទៃដី​ចំនួន​ ​៣​០​២​៤​ ​គីឡូ​ម៉ែត្រការ៉េ​ ​ពី​ឆ្នាំ​១​៩​៩​២​ ​ដល់​ឆ្នាំ​២​០​២​៣​ ​ដោយ​បាន​រក​ឃើញ​យុទ្ធ​ភណ្ឌ​ជាង​ ​៤​ ​លាន​គ្រាប់​ ​ដោយ​លោក​បាន​បន្ថែម​ថា​មនុស្ស​ប្រហែល​ ​១​២​ ​លាន​នាក់​ ​បាន​ទទួល​អត្ថប្រយោជន៍​ពី​កិច្ចការ​នេះ​។​យោង​តាម​របាយការណ៍​របស់​អាជ្ញាធរ​សកម្មភាព​ក​ម្ចាត់​មីន​ ​និង​ជំនួយ​ជនរងគ្រោះ​ដោយសារ​មីន​កម្ពុជា​ ​បាន​ឱ្យ​ដឹង​ថា​ ​ចាប់ពី​ឆ្នាំ​១​៩​៧​៩​ ​ដល់​ឆ្នាំ​២​០​២​៣​ ​ការ​ផ្ទុះ​មីន​និង​យុទ្ធ​ភណ្ឌ​ពី​សង្គ្រាម​ ​បាន​ឆក់​យកជីវិត​មនុស្ស​ ​១​៩​,​៨​២​២​ ​នាក់​ ​និង​ធ្វើ​ឱ្យ​របួស​ ​ឬ​ពិការ​មនុស្ស​ ​៤​៥​,​២​១​៥​ ​នាក់​ផ្សេងទៀត​៕