ប្រធានា​ធិបតីបេឡារុស្សបានប​ង្ហាញព័ត៌​មានលម្អិតថ្មីនៅ​ក្នុងឧ​ប្បត្តិហេតុ​ភេរវកម្ម​នៅទី​ក្រុងម៉ូស្គូ

 លោកប្រធានាធិបតី Alexander Lukashenko បាននិយាយថា ខ្មាន់កាំភ្លើងដែលបានវាយប្រហារមជ្ឈមណ្ឌលប្រគុំតន្ត្រីនៅជាយក្រុងម៉ូស្គូ បានព្យាយាមរត់ភៀសខ្លួនទៅកាន់ប្រទេសបេឡារុស្សមិនមែនអ៊ុយក្រែន ដូចដែលមន្ត្រីរុស្ស៊ីបានប្រកាសនោះទេ។

យោងតាមទីភ្នាក់ងារព័ត៌មាន BelTA កាលពីថ្ងៃទី២៦ខែមីនា ប្រធានាធិបតី Lukashenko បាននិយាយថាភ្នាក់ងារសន្តិសុខបេឡារុស្សនិងរុស្ស៊ីបានសម្របសម្រួលសកម្មភាពរបស់ពួកគេនៅពេលដែលរថយន្តដឹកជនសង្ស័យភេរវករបានបើកពីទីក្រុងម៉ូស្គូទៅកាន់តំបន់Bryansk ដែលនៅជាប់ព្រំដែនជាមួយទាំងអ៊ុយក្រែន និងបេឡារុស្ស។ទីបំផុតជនសង្ស័យ៤នាក់ត្រូវបានចាប់ខ្លួននៅតំបន់ Bryansk របស់រុស្ស៊ី។លោក Lukashenko បាននិយាយថា បេឡារុស្ស បានបង្កើតប៉ុស្តិ៍ត្រួតពិនិត្យនៅព្រំដែនភ្លាមៗបន្ទាប់ពីទទួលបានព័ត៌មានអំពីឧប្បត្តិហេតុភេរវកម្ម។“នោះហើយជាមូលហេតុដែលពួកគេមិនអាចចូលប្រទេសបេឡារុស្ស។ពួកគេ​បាន​រក​ឃើញ​រឿង​នេះ។ដូច្នេះ​ពួកគេ​បាន​ងាក​ចេញ​ទៅ​តំបន់​ព្រំដែន​អ៊ុយក្រែន-រុស្ស៊ី»មេដឹកនាំ​បេឡារុស្ស​បាន​ចែករំលែក។ការវាយប្រហារភេរវកម្មនៅមជ្ឈមណ្ឌលប្រគុំតន្ត្រីCrocus City Hall ជាយក្រុងម៉ូស្គូកាលពីល្ងាចថ្ងៃទី២២ខែមីនាបានឆក់យកជីវិតមនុស្ស១៣៩នាក់ហើយ។ប្រធានាធិបតីរុស្ស៊ី លោកVladimir Putinបានប្រកាសថា អ៊ុយក្រែនបានរៀបចំនៅតាមព្រំដែនសម្រាប់អ្នកវាយប្រហារឆ្លងកាត់ព្រំដែន។ ទោះបីជាយ៉ាងណាក៏ដោយ ក្រុងគៀវបានបដិសេធម្តងហើយម្តងទៀតថា មានការជាប់ពាក់ព័ន្ធក្នុងការវាយប្រហារបង្ហូរឈាមនៅជាយក្រុងម៉ូស្គូ។នៅថ្ងៃទី២៦ខែមីនាផងដែរ លេខាធិការក្រុមប្រឹក្សាសន្តិសុខរុស្ស៊ី Nikolai Patrushev និងជានាយកសេវាសន្តិសុខសហព័ន្ធរុស្ស៊ី (FSB) Alexander Bortnikovទាំងពីរបានស្តីបន្ទោសអ៊ុយក្រែនដោយផ្ទាល់ចំពោះការវាយប្រហារនេះ។ប៉ុន្តែមិនបានផ្សព្វផ្សាយភស្តុតាងទេ។“ទាំងលោកPutinនិងខ្ញុំមិនបានដេកពេញមួយថ្ងៃទេ។ លោក Bortnikov បានសង្កត់ធ្ងន់ថា មានអន្តរកម្មជាបន្តបន្ទាប់រុស្ស៊ីដឹងថាអ៊ុយក្រែនបានបណ្តុះបណ្តាលក្រុមឧទ្ទាមមូស្លីមនៅមជ្ឈិមបូព៌ា។ទន្ទឹមនឹងនោះ មន្ត្រីអាមេរិកបាននិយាយថា ទីក្រុងវ៉ាស៊ីនតោនមានប្រភពស៊ើបការណ៍បញ្ជាក់ពីការអះអាងរបស់ក្រុមរដ្ឋឥស្លាមស្វ័យប្រកាស(IS)អំពីការក្លាយជាពិរុទ្ធជននៃការវាយប្រហារភេរវកម្មនៅទីក្រុងម៉ូស្គូ។ ប្រធានាធិបតីPutinក៏បានសារភាពថា ខ្មាន់កាំភ្លើងមូស្លីម ជាអ្នកបង្កហេតុការណ៍នេះ។ប៉ុន្តែលោកចង់ដឹងថាអ្នកណាជាអ្នកចេញបញ្ជា៕ពុតសាម៉ាត់