អាល្លឺម៉​ង់រៀបចំ​ផែន​ការសម្រាប់អនា​គតនៃជម្លោះរុស្ស៊ី-ណាតូ

ប្រព័ន្ធ​ផ្សព្វផ្សាយ​អាល្លឺម៉ង់​បាន​លាតត្រដាង​ថារដ្ឋាភិបាល​មាន​ផែនការ​រៀបចំ​សម្រាប់​អនាគត​នៃ​ជម្លោះ​រវាង​រុស្ស៊ី​និង​អង្គការ​ណាតូ​ក្នុង​ដំណាក់កាល​ជាក់លាក់។យោងតាម ​​RT កាលពីថ្ងៃទី២៩ខែកុម្ភៈ កាសែត Bild បានបង្ហាញឯកសារវិភាគហានិភ័យចំនួន១៣ទំព័រពីរដ្ឋាភិបាលអាល្លឺម៉ង់ ដែលបានព្យាករណ៍ថាប្រទេសនេះនឹងក្លាយជាគោលដៅកំពូលមួយ ប្រសិនបើរុស្ស៊ីចូលមកក្នុងជម្លោះផ្ទាល់ជាមួយណាតូ។

ទាហាន​អាល្លឺម៉ង់​អំឡុង​ពេល​ធ្វើ​សម​យុទ្ធ​របស់​ណាតូ។ រូបថត៖ Bundeswehr

ផែនការខាងលើត្រូវបានបែងចែកទៅជា៤ដំណាក់កាលជាក់លាក់ ដែលដំណាក់កាលទី១រួមមានយុទ្ធនាការប្រព័ន្ធផ្សព្វផ្សាយដើម្បីបែងចែកមតិសាធារណៈនៅក្នុងប្រទេសអាល្លឺម៉ង់បន្ថែមពីលើការវាយប្រហារតាមអ៊ីនធឺណិតដែលផ្តោតលើហេដ្ឋារចនាសម្ព័ន្ធសំខាន់ៗ។ក្នុងដំណាក់កាលទី២ទីក្រុងម៉ូស្គូអាចដាក់ពង្រាយកងទ័ពទៅកាន់ព្រំដែនជាមួយអង្គការណាតូដែលជាចំណាត់ការដែលលោកខាងលិចបានព្រមានទុកជាមុន។ក្នុងអំឡុងពេលនេះ ប្រតិបត្តិការយោធានឹងធ្វើឡើងស្របជាមួយនឹងយុទ្ធនាការវាយប្រហារតាមអ៊ីនធឺណិតទ្រង់ទ្រាយធំដែលអាចកំណត់គោលដៅផ្កាយរណប។ដំណាក់កាលទី៣នៃសេណារីយ៉ូជម្លោះពាក់ព័ន្ធនឹងការចូលរួមដោយផ្ទាល់ប្រឆាំងនឹងគោលដៅនៅលើទឹកដីអាល្លឺម៉ង់។នៅក្នុងដំណាក់កាលចុងក្រោយរបស់ខ្លួន ជម្លោះនឹងឈានដល់ទីបញ្ចប់នៅក្នុង"ការភ្ជាប់ផ្លូវគោកសមុទ្រ និងផ្លូវអាកាសក្នុងប្រទេសអាល្លឺម៉ង់"។ លើសពីនេះមន្ត្រី​អាល្លឺម៉ង់​មិន​ច្រានចោល​លទ្ធភាព​ដែល​រុស្ស៊ី​ដាក់ពង្រាយ​អាវុធ​គីមីនិង​នុយក្លេអ៊ែរ​ឡើយ​។កាលពីខែមុន កាសែត Bild បានបោះពុម្ពផ្សាយផែនការស្តីពី "ផែនទីបង្ហាញផ្លូវជម្លោះរុស្ស៊ី-ណាតូ"ដែលព្យាករណ៍ថាទីក្រុងម៉ូស្គូនឹងធ្វើចលនាយោធានៅឆ្នាំ២០២៥ ។ អ្នកនាំពាក្យវិមានក្រឹមឡាំងលោក Dmitry Peskovក្រោយមកបានថ្កោលទោសកាសែតអាល្លឺម៉ង់ដោយបញ្ជាក់ថាព័ត៌មាននេះមិនពិត។កាលពីដើមឆ្នាំនេះ ប្រធានាធិបតីរុស្ស៊ី លោក Vladimir Putinក៏បានសង្កត់ធ្ងន់ថាទីក្រុងម៉ូស្គូ«មិនទទួលបានផលប្រយោជន៍ផ្នែកនយោបាយ សេដ្ឋកិច្ច ឬយោធាពីជម្លោះជាមួយណាតូឡើយ»៕ពុតសាម៉ាត់