សម្តេច​ហ៊ុន សែនមក​ប្រទេស​​ថៃ​ដើម្បី​សួរ​សុខទុក្ខ​អតីត​នាយ​ក​រដ្ឋមន្ត្រី​Thaksin

អតីតនាយករដ្ឋមន្ត្រីកម្ពុជាសម្តេចហ៊ុនសែនបានទៅសួរសុខទុក្ខមិត្តដ៏យូរលង់របស់សម្តេចគឺលោកThaksin Shinawatraនៅផ្ទះអតីតនាយករដ្ឋមន្ត្រីថៃ ក្នុងទីក្រុងបាងកក។

យោងតាមសារព័ត៌មាន Bangkok Post នៅព្រឹកថ្ងៃទី២១ ខែកុម្ភៈ សម្តេចហ៊ុន សែន បានទៅសួរសុខទុក្ខលោក Thaksin នៅផ្ទះឯកជនរបស់អតីតនាយករដ្ឋមន្ត្រីថៃក្នុងទីក្រុងបាងកក។កិច្ច​ប្រជុំ​នេះ​បាន​ធ្វើ​ឡើង​ចំពេល​មាន​សន្តិសុខ​តឹងរ៉ឹង​ជុំវិញ​គេហដ្ឋាន​របស់​លោក​Thaksin។សម្តេច ហ៊ុន សែន បាន​បង្ហោះ​សារ​លើ​បណ្ដាញ​សង្គម​ជាមួយ​នឹង​រូបថត​នៅ​លើ​យន្តហោះ​ថា៖«ខ្ញុំ​កំពុង​ធ្វើ​ដំណើរ​ទៅ​ទីក្រុង​បាងកក ដើម្បី​សួរ​សុខទុក្ខ​បង​ប្រុស​ខ្ញុំ​Thaksin Shinawatra។ប្រព័ន្ធ​ផ្សព្វផ្សាយ​ថៃ​បាន​ឲ្យ​ដឹង​ថាបន្ទាប់​ពី​ចុះ​ចត​នៅ​អាកាសយានដ្ឋាន​ដនមឿងអតីត​នាយក​រដ្ឋមន្ត្រី​កម្ពុជា​ត្រូវ​បាន​គេ​ដឹក​តាម​រថយន្ត Mercedes ទៅ​ផ្ទះ​ឯកជន​របស់​លោក Thaksin។ សម្តេច ហ៊ុន សែន និង​លោកThaksin នឹង​ទទួលទាន​អាហារ​ថ្ងៃត្រង់​ជាមួយ​គ្នាមុន​ពេល​សម្តេចហ៊ុន សែន ត្រឡប់​មក​ភ្នំពេញ​វិញ។លោកស្រី Paetongtarn Shinawatra កូនស្រីពៅរបស់លោកThaksinក៏មានវត្តមាននៅក្នុងកិច្ចប្រជុំនេះដែរ។ មុនពេលជួបលោកស្រីPaetongtarnបានបង្ហើបថាឪពុករបស់លោកស្រីបានពាក់ខ្សែដៃដើម្បីទ្រទ្រង់ការឈឺឆ្អឹងខ្នងចំណែកដៃជើងគឺដើម្បីព្យាបាលសរសៃពួរ។លោកThaksin (អាយុ ៧៤ ឆ្នាំ) និងសម្តេចហ៊ុន សែន (អាយុ៧១ ឆ្នាំ) បានរក្សាទំនាក់ទំនងជិតស្និទ្ធតាំងពីឆ្នាំ១៩៩២ មុនពេលលោកThaksin ឡើងកាន់តំណែងជានាយករដ្ឋមន្ត្រី។បន្ទាប់ពីរដ្ឋាភិបាលរបស់អតីតនាយករដ្ឋមន្ត្រីថៃត្រូវបានផ្តួលរំលំក្នុងឆ្នាំ២០០៦អ្នកទាំងពីរនៅតែរក្សាទំនាក់ទំនងជិតស្និទ្ធ។ក្នុង​អំឡុង​ពេល​និរទេស​ខ្លួន​ទៅ​ក្រៅ​ប្រទេស លោក​Thaksin ​នៅ​តែ​មក​ជួបសម្តេចហ៊ុន សែននៅ​កម្ពុជា។ កាលពីឆ្នាំមុន លោកThaksin និងលោកស្រីYingluckShinawatraបានចូលរួមពិធីខួបកំណើតរបស់សម្តេច ហ៊ុន សែន៕