អតីតនាយករដ្ឋមន្ត្រីថៃលោកThaksinShinawatraនឹងត្រូវចេញពីមន្ទីរពេទ្យ ហើយត្រូវបានដោះលែងជាបណ្តោះអាសន្នចាប់ពីថ្ងៃស្អែក(១៨កុម្ភៈ)។
 |
| អតីតនាយករដ្ឋមន្ត្រីថៃលោកThaksinShinawatra។Reuters |
"លោកThaksinមានសិទ្ធិហើយនឹងត្រូវបានដោះលែងជាបណ្តោះអាសន្ននៅថ្ងៃទី១៨ខែកុម្ភៈ"។នាយករដ្ឋមន្ត្រីថៃលោក Srettha Thavisin បានប្រាប់អ្នកសារព័ត៌មាននៅថ្ងៃនេះ(ថ្ងៃទី១៧ខែកុម្ភៈ)។"ខ្ញុំមិនដឹងព័ត៌មានលម្អិតទេ។ប៉ុន្តែអ្វីៗនឹងគោរពតាមច្បាប់"។លោកThaksinShinawatraបានបម្រើការជានាយករដ្ឋមន្ត្រីថៃពីឆ្នាំ២០០១ ដល់២០០៦។ មហាសេដ្ឋីវ័យ ៧៤ ឆ្នាំរូបនេះបានវិលត្រឡប់មកប្រទេសថៃវិញនៅថ្ងៃទី ២២ ខែសីហា ឆ្នាំ ២០២៣បន្ទាប់ពីនិរទេសខ្លួនអស់រយៈពេល១៥ឆ្នាំដើម្បីប្រឈមមុខនឹងការផ្តន្ទាទោសពីបទពុករលួយនិងការរំលោភបំពានអំណាចខណៈកំពុងនិរទេសខ្លួន។លោកត្រូវបានកាត់ទោសឱ្យជាប់ពន្ធនាគារ៨ឆ្នាំដែលក្រោយមកត្រូវបានកាត់បន្ថយមកត្រឹម១ឆ្នាំដោយរាជវង្សថៃ។អតីតនាយករដ្ឋមន្ត្រីThaksin ត្រូវបានបញ្ជូនពីមន្ទីរឃុំឃាំងក្រុងបាងកកទៅកាន់មន្ទីរពេទ្យប៉ូលីសទូទៅកាលពីយប់ថ្ងៃទី២២ ខែសីហា ដោយសារហេតុផលសុខភាព ហើយបានសម្រាកព្យាបាលនៅមណ្ឌលសុខភាពនេះតាំងពីពេលនោះមក។ពេលវេលាព្យាបាលនៅមន្ទីរពេទ្យក៏ត្រូវបានរាប់ជាពេលវេលាដើម្បីអនុវត្តទោសខាងលើ។ នៅថ្ងៃទី១៨ខែកុម្ភៈលោកនឹងឈានដល់៦ខែហើយតាមច្បាប់ថៃលោកមានសិទ្ធិត្រូវបានដោះលែង។រដ្ឋមន្ត្រីក្រសួងយុត្តិធម៌ថៃ លោក Tawee Sodsongក៏ធ្លាប់បាននិយាយដែរថាលោកThaksinស្ថិតក្នុងបញ្ជីអ្នកទោសចំនួន៩៣០នាក់ដែលមានសិទ្ធិដោះលែង ដោយសារសុខភាពមិនល្អ ឬមានអាយុលើសពី៧០ឆ្នាំ។ទោះបីជាលោកត្រូវបានដោះលែងឲ្យនៅក្រៅឃុំក៏ដោយលោកThaksin អាចនឹងប្រឈមនឹងបញ្ហាផ្លូវច្បាប់ផ្សេងទៀត។ព្រះរាជអាជ្ញាថៃកំពុងពិចារណាចោទប្រកាន់លោកពីបទ "ប្រមាថព្រះមហាក្សត្រ" នៅក្នុងបទសម្ភាសន៍តាមប្រព័ន្ធផ្សព្វផ្សាយឆ្នាំ ២០១៥៕ពុតសាម៉ាត់
/unnamed.png
Post a Comment