ប្រទេស​​​ណាតូ​ព្រមាន​ពី​កា​រ​ផ្ទុះ​សង្គ្រាម​ជាមួ​យ​រុស្ស៊ី

 មន្ត្រីការពារជាតិមកពីប្រទេសសមាជិកណាតូបន្តព្រមានអំពីហានិភ័យនៃជម្លោះជាមួយរុស្ស៊ី។រដ្ឋមន្ត្រីការពារជាតិន័រវេសលោកBjorn Arild Gram បានអំពាវនាវឱ្យប្រទេសនេះត្រៀមខ្លួនសម្រាប់ជម្លោះដែលអាចកើតមានជាមួយរុស្ស៊ីសូម្បីតែបន្ទាប់ពីសង្គ្រាមនៅអ៊ុយក្រែនបានបញ្ចប់ក៏ដោយ។លោករដ្ឋមន្ត្រីGramបានប្រកាសនៅថ្ងៃនេះថា"យើងត្រូវតែត្រៀមខ្លួនសម្រាប់ប្រទេសរុស្ស៊ីដើម្បីពិចារណាឡើងវិញនូវផែនការរបស់ខ្លួនក៏ដូចជាកន្លែងដែលខ្លួនដាក់ពង្រាយកងកម្លាំងរបស់ខ្លួនជាការឆ្លើយតបទៅនឹងប្រទេសហ្វាំងឡង់ និងស៊ុយអែតដែលក្លាយជាសមាជិកណាតូ"។ទាក់ទិននឹងបញ្ហានេះ ប្រមុខក្រសួងការពារជាតិន័រវេសបានសង្កត់ធ្ងន់លើសារៈសំខាន់នៃការបង្កើនការវិនិយោគលើវិស័យការពារជាតិការហ្វឹកហ្វឺននិងការកែលម្អចន្លោះប្រហោងនៃកងកម្លាំងប្រដាប់អាវុធន័រវេសជាមួយសម្ព័ន្ធមិត្តក្នុងអង្គការណាតូ។

នាថ្ងៃដដែលរដ្ឋមន្ត្រីការពារជាតិប៉ូឡូញ លោក Wladyslaw Kosiniak-Kamyszបានសម្តែងការព្រួយបារម្ភយ៉ាងខ្លាំងអំពីការគំរាមកំហែងខាងយោធាដែលអាចកើតមានរួមទាំងលទ្ធភាពដែលរុស្ស៊ីវាយប្រហារប៉ូឡូញផងដែរ។នៅក្នុងបទសម្ភាសន៍ជាមួយកាសែតប៉ូឡូញ Super Express លកបានសង្កត់ធ្ងន់លើការយកចិត្តទុកដាក់ចំពោះ"សេណារីយ៉ូករណីអាក្រក់បំផុត"ដែលបង្ហាញពីការត្រៀមខ្លួនសម្រាប់លទ្ធផលណាមួយនៃស្ថានភាពអន្តរជាតិបច្ចុប្បន្ន។រដ្ឋមន្ត្រីក្រសួងការពារជាតិប៉ូឡូញបានយកចិត្តទុកដាក់ជាពិសេសចំពោះស្ថានភាពនៅអ៊ុយក្រែនប៉ុណ្ណោះទេថែមទាំងចំពោះភាពតានតឹងនៅក្នុងតំបន់សមុទ្រខ្មៅនិងប៉ាស៊ីហ្វិកដោយសង្កត់ធ្ងន់លើលក្ខណៈសកលនៃបញ្ហាប្រឈមផ្នែកយោធា។លោក Kosinyak-Kamysh បានប្រកាសពីការពិនិត្យឡើងវិញនិងការកែសម្រួលផែនការការពារ រួមទាំងការផ្តល់សំណងសម្រាប់ការខ្វះខាតសព្វាវុធនិងការកែលម្អឧបករណ៍ផ្ទាល់ខ្លួនរបស់ទាហាន។ លោក​បាន​បន្ត​ថានេះ​គឺ​សំខាន់​ដូច​ជា​ការ​ទិញ​សម្ភារៈ​យោធា​ក្នុង​បរិមាណ​ច្រើន​ដែរ។រដ្ឋមន្ត្រី Kosinyak-Kamysh ក៏បានប្រកាសអំពីផែនការរបស់ប្រទេសប៉ូឡូញក្នុងការចូលរួមក្នុងការបង្កើតកម្លាំងប្រតិកម្មរហ័សរបស់សហភាពអឺរ៉ុបក្នុងរយៈពេល២០២៤-២០២៥ ។ នេះបង្ហាញពីបំណងប្រាថ្នារបស់ប្រទេសក្នុងការចូលរួមយ៉ាងសកម្មក្នុងការពង្រឹងសន្តិសុខនៅទូទាំងតំបន់។ថ្មីៗនេះយោធានៃប្រទេសជាច្រើនរបស់អង្គការណាតូក៏បានចេញការព្រមានអំពីហានិភ័យនៃជម្លោះជាមួយរុស្ស៊ីផងដែរ។រដ្ឋមន្ត្រីការពារជាតិអាល្លឺម៉ង់ លោក Boris Pistorius បាននិយាយថា រុស្ស៊ីអាចវាយប្រហារប្រទេសណាតូក្នុងរយៈពេល៥-៨ឆ្នាំខាងមុខ។លោក Pistoriusបានចង្អុលបង្ហាញថាទោះបីជាប្រទេសអាល្លឺម៉ង់បច្ចុប្បន្នមិនស្ថិតនៅក្រោមការគំរាមកំហែងដោយផ្ទាល់នៃការវាយប្រហារក៏ដោយ ក៏ប្រទេសនេះគួរតែប្រឹងប្រែងឱ្យអស់ពីសមត្ថភាពដើម្បីត្រៀមខ្លួនសម្រាប់វា។យោងតាមលោក Pistorius ក្នុងបរិបទនៃជម្លោះជាមួយអ៊ុយក្រែន វានឹងត្រូវចំណាយពេលយ៉ាងហោចណាស់ជាច្រើនឆ្នាំដើម្បីត្រៀមខ្លួនសម្រាប់ការវាយប្រហារដ៏ធំមួយផ្សេងទៀតហើយបណ្តាប្រទេសលោកខាងលិចគួរតែឆ្លៀតឱកាសនេះដើម្បីបង្កើនគ្រឿងសព្វាវុធរបស់ខ្លួន។កន្លងមក កាសែតអាល្លឺម៉ង់ Bild បានដកស្រង់ឯកសារសម្ងាត់មួយដែលនិយាយថា អាល្លឺម៉ង់កំពុងរៀបចំសម្រាប់សេណារីយ៉ូជម្លោះដែលរុស្ស៊ីធ្វើ "ការវាយប្រហារបើកចំហ"លើអង្គការណាតូនៅពាក់កណ្តាលឆ្នាំ២០២៥បន្ទាប់ពីជ័យជម្នះដ៏ធំនៅអ៊ុយក្រែន។ប្រធានគណៈកម្មាធិការយោធាណាតូ លោកឧត្តមនាវីឯកRobBauerក៏បានព្រមានប្រជាជនឱ្យត្រៀមខ្លួនសម្រាប់សង្គ្រាមសរុបជាមួយរុស្ស៊ីក្នុងរយៈពេល២០ឆ្នាំខាងមុខ។ ទន្ទឹមនឹងនេះ ក្រុមប្រឹក្សាទំនាក់ទំនងបរទេសរបស់ប្រទេសអាល្លឺម៉ង់ក៏បានព្យាករណ៍កាលពីខែវិច្ឆិកាឆ្នាំមុនថាNATOគួរតែរៀបចំសម្រាប់សង្រ្គាមដ៏ធំមួយជាមួយរុស្ស៊ីក្នុងរយៈពេល៥-៩ឆ្នាំខាងមុខ។អគ្គមេបញ្ជាការនៃកងកម្លាំងប្រដាប់អាវុធស៊ុយអែត Micael Byden និងរដ្ឋមន្ត្រីការពារជនស៊ីវិលស៊ុយអែតCarl-Oskar Bohlin បានអំពាវនាវឱ្យពលរដ្ឋស៊ុយអែតទាំងអស់ត្រៀមខ្លួនសម្រាប់សង្គ្រាម។ប្រទេសស៊ុយអែតបានបោះបង់ចោលគោលនយោបាយមិនចូលបក្សសម្ព័ន្ធដែលមានរយៈពេលមួយសតវត្សរបស់ខ្លួនដើម្បីដាក់ពាក្យចូលរួមអង្គការណាតូដោយសារតែមានការព្រួយបារម្ភអំពីយុទ្ធនាការយោធារបស់រុស្ស៊ីនៅអ៊ុយក្រែន។ប្រទេសហ្វាំងឡង់ដែលជាប្រទេសជិតខាងរបស់ប្រទេសស៊ុយអែតក៏បានដាក់ពាក្យចូលរួម និងក្លាយជាសមាជិកណាតូក្នុងខែមេសា ឆ្នាំ ២០២៣៕ប្រភពPravda, Avia Pro