ប្រមុខការ​ពារជាតិ​ថៃ​ត្រៀម​ជួបពិភាក្សា​​ការងារ​ជាមួយ​​កម្ពុជា​

 Bang​kok ​Post​បានឲ្យដឹងថាក្រសួង​ការពារ​ជាតិ​ថៃ​កំពុង​រៀបចំ​សំណើ​សម្រាប់​កិច្ចពិភាក្សា​ជាមួយ​កម្ពុជា​ក្នុង​គោលបំណង​លើក​ក​ម្ពស់​សន្តិភាព​តាម​ព្រំដែន​និង​ដោះស្រាយបញ្ហា​ពាក់ព័ន្ធ​នឹង​តំបន់​ព្រំដែន​ត្រួត​ស៊ីគ្នា​រវាង​ប្រជាជាតិ​ទាំងពីរ​។​ថ្លែង​អំពី​ដំណើរ​ទស្សនកិច្ច​ផ្លូវការ​របស់​សម្តេច​នាយករដ្ឋមន្ត្រី​ ​ហ៊ុន​ ​ម៉ា​ណែ​ត​នៅ​ប្រទេស​ថៃ​នា​ថ្ងៃពុធ​ខាងមុខនេះ​ ​រដ្ឋមន្ត្រីការពារជាតិ​លោក​ Su​tin​​K​lung​s​an​g​បាន​និយាយ​ថា​​ក្រសួង​អាច​គាំទ្រ​គោល​នយោបាយ​របស់​រដ្ឋាភិបាល​ក្នុង​ការ​ជំរុញ​សកម្មភាព​សេដ្ឋកិច្ច​នៅ​តាម​ព្រំដែន​កម្ពុជា​-​ថៃ​។​លោក​បាន​បន្ត​ថា​​រដ្ឋាភិបាល​ថៃ​ចង់​ពង្រឹង​ទំនាក់ទំនង​ជាមួយ​កម្ពុជា​និង​លើក​ក​ម្ពស់​ជីវភាពរស់នៅ​របស់​ប្រជាជន​ ​ហើយ​យោធា​មាន​តួនាទី​ក្នុង​ការ​កាត់បន្ថយ​ភាព​តានតឹង​នៅ​តាម​ព្រំដែន​។​

លោក​បាន​បន្ថែម​ថា​ក្រសួង​បាន​ចុះ​កិច្ចព្រមព្រៀង​ជាមួយ​កម្ពុជា​ដើម្បី​លើក​ក​ម្ពស់​សន្តិភាព​នៅ​តាម​ព្រំដែន​ក្នុង​ដំណើរ​បំពេញ​ទស្សនកិច្ចនៅ​កម្ពុជា​នា​ពេលថ្មីៗនេះ​ ​ហើយ​លោក​នឹង​នាំ​យក​សំណើ​នេះ​ ​ជូន​នាយក​រដ្ឋ​ម​ន្រ្តី​ថៃ​និង​កម្ពុជា​នៅពេលដែល​មេដឹកនាំ​ទាំងពីរ​ជួបគ្នា​នៅ​ទីក្រុង​បាងកក​ក្នុង​ស​ប្តាហ៍​នេះ​។​​មេដឹកនាំ​ទាំងពីរ​អាច​នឹង​ពិភាក្សា​អំពី​តំបន់​ព្រំដែន​ត្រួត​ស៊ីគ្នា​ ​ដោយ​លោក​បាន​បន្ថែម​ថា​បញ្ហា​នេះ​កំពុង​ត្រូវ​បាន​ដោះស្រាយ​ដោយ​គណៈកម្មាធិការ​ព្រំដែន​ទូទៅ​ (​G​BC) ​ដែល​ដឹកនាំ​ដោយ​រដ្ឋមន្ត្រីការពារជាតិ​នៃ​ប្រទេស​ទាំងពីរ​។​លោក​បាន​​បញ្ជាក់​ថា​ ​ប្រទេស​ថៃ​នឹង​ប្រឹងប្រែង​ឱ្យ​អស់ពី​សមត្ថភាព​ដើម្បី​ដោះស្រាយ​ជម្លោះ​ព្រំដែន​ ​និង​បញ្ចៀស​បញ្ហា​ដែល​អាច​ធ្វើ​ឱ្យ​មាន​ភាព​តានតឹងឡើង​វិញ​។​ ​ដោយឡែក​ចំពោះ​អនុស្សរណៈ​នៃ​ការយោគយល់​គ្នា​ឆ្នាំ​២​០​២​១​ ​លោក​បាន​និយាយ​ថា​ ​រដ្ឋាភិបាល​នឹង​គោរព​តាម​កិច្ចព្រមព្រៀង​រួម​។ប៉ុន្តែ​បដិសេធ​មិន​ពិភាក្សា​អំពី​ចំណុច​ជាក់លាក់​នោះ​ទេ​។​ ​គណៈកម្មាធិការ​បច្ចេកទេស​ចម្រុះ​កម្ពុជា​-​ថៃ​ ​ចរចា​ជម្លោះ​ ​និង​ធ្វើការ​អភិវឌ្ឍន៍​រួមគ្នា​។​ ​ការងារ​នេះ​ក៏​អាច​ត្រូវ​បាន​យកមក​ពិភាក្សា​ផង​ដែរ​។​ជាមួយគ្នា​នេះ​ ​លោក​នាយករដ្ឋមន្ត្រី​Sr​e​t​thaT​h​a​v​i​sin​កាល​ពីម្សិលមិញ​បាន​និយាយ​ថា​កិច្ច​ខិតខំ​ប្រឹងប្រែង​រួមគ្នា​ដើម្បី​ដោះស្រាយ​ការ​បំពុល​ដោយ​ធូលី​ដី​នឹង​ត្រូវលើ​ក​យកមក​ពិភាក្សា​ក្នុង​អំឡុង​កិច្ចប្រជុំ​ជាមួយ​សម​ភាគី​កម្ពុជា​។​​លោក​បាន​បន្ត​ថា​ ​រដ្ឋាភិបាល​បាន​ត្រៀម​ខ្លួន​ជាស្រេច​ក្នុង​ការ​ផ្តល់​ជំនួយ​ដល់​កម្ពុជា​ក្នុង​ការ​ប្រយុទ្ធ​ប្រឆាំង​នឹង​ការ​បំពុល​ដោយ​អ័ព្ទ​ហើយ​កម្ពុជា​កំពុង​យកចិត្តទុកដាក់​លើ​បញ្ហា​នេះ​។​​កាលពី​ថ្ងៃសុក្រ​ ​អនុ​រដ្ឋមន្ត្រីការបរទេស​ J​a​kk​a​p​on​g​S​an​g​mane​e​បាន​សន្ទនា​តាម​ទូរស័ព្ទ​ជាមួយ​រដ្ឋមន្ត្រី​ក្រសួង​បរិស្ថាន​កម្ពុជា​លោក​ អ៊ា​ង​ សុ​ផ​ល្លែ​ត​ ​ដោយ​បាន​ពិភាក្សា​អំពី​កិច្ច​ខិតខំ​ប្រឹងប្រែង​រួមគ្នា​ដើម្បី​ដោះស្រាយបញ្ហា​ផ្សែង​អ័ព្ទ​។​​យោង​តាម​ទីភ្នាក់ងារ​អភិវឌ្ឍន៍​បច្ចេកវិជ្ជា​អវកាស​​និង​ព័ត៌មាន​វិទ្យា​ (​Gist​d​a​)គិត​ត្រឹម​ម៉ោង​៧​ព្រឹកម្សិល​មិញ​ ​ខេត្ត​ភាគ​ខាងជើង​ចំនួន៦កំពុង​ជួបប្រទះ​នូវ​ក​ម្រិ​ត​នៃ​ធូលី​ដី​ក្រហម​ (​គ្រោះថ្នាក់​ធ្ងន់ធ្ងរ​)៕