លោកP​utinត្រូវបានអ​នុម័តជាបេក្ខជនស​ម្រាប់កា​របោះឆ្នោតប្រធា​នាធិបតីរុស្ស៊ី

គណៈកម្មាធិការកណ្តាលនៃការបោះឆ្នោត(CEC)របស់រុស្ស៊ីបានអនុម័តជាផ្លូវការនូវបេក្ខភាពប្រធានាធិបតីរុស្ស៊ីបច្ចុប្បន្នលោកVladimirPutinបន្ទាប់ពីពិនិត្យមើលហត្ថលេខានៃការគាំទ្រអ្នកបោះឆ្នោត។

យោងតាមទីភ្នាក់ងារសារព័ត៌មានTASSរបស់រុស្ស៊ីកាលពីថ្ងៃទី២៩ខែមករាCECបានទទួលយកជាផ្លូវការលោកPutinជាបេក្ខជនប្រធានាធិបតីសម្រាប់ការបោះឆ្នោតនៅថ្ងៃទី១៥ដល់ថ្ងៃទី១៧ខែមីនា។ប្រធាន CEC លោកស្រី Ella Pamfilova បានប្រកាសនៅថ្ងៃទី២៩ខែមករាថា"ការសម្រេចចិត្តនេះត្រូវបានអនុម័តជាឯកច្ឆ័ន្ទ" ។ក្រោយមក លេខាធិការ CEC លោកស្រី Natalya Budarina បានបញ្ជាក់ហើយបាននិយាយថាតាមតម្រូវការរបស់ច្បាប់ហត្ថលេខាអ្នកបោះឆ្នោតចំនួន៦០,០០០ត្រូវបានជ្រើសរើសដោយចៃដន្យសម្រាប់ការពិនិត្យមើលហត្ថលេខាចំនួន៣១៥,០០០ដែលគាំទ្រលោកPutin។"លទ្ធផលនៃការផ្ទៀងផ្ទាត់មានហត្ថលេខាចំនួន១ក្នុងចំណោមហត្ថលេខាចំនួន៦០,០០០ត្រូវបានប្រកាសថាមិនមានសុពលភាពដោយសារព័ត៌មានមិនពិតអំពីអ្នកបោះឆ្នោត។ ហត្ថលេខាទាំង៩១នេះស្មើនឹង០.១៥%នៃចំនួនហត្ថលេខាដែលបានផ្ទៀងផ្ទាត់" លោកស្រី Budarina បានផ្តល់ព័ត៌មាន និងបញ្ជាក់ថាមិនមានហត្ថលេខាក្លែងក្លាយទេ។ដូច្នេះហើយ លោកPutin គឺជាបេក្ខជនប្រធានាធិបតីទី៤ ដែលបានចុះបញ្ជីដោយ CEC។កាលពីមុន CEC បានអនុម័តលើបេក្ខភាពបីនាក់គឺលោក Leonid Slutsky នៃគណបក្សសេរីប្រជាធិបតេយ្យរុស្ស៊ី (LDPR) លោក Vladislav Davankov នៃគណបក្សប្រជាជនថ្មី និងលោក Nikolay Kharitonov នៃបក្សកុំម្មុយនីស្តសហព័ន្ធរុស្ស៊ី( KPRF) ។ការ​បោះឆ្នោត​ជ្រើសរើស​ប្រធានាធិបតី​ខាង​មុខ​នឹង​ក្លាយ​ជា​ការ​ប្រកួត​ប្រជែង​ប្រធានាធិបតី​ទី​៥​ក្នុង​អាជីព​នយោបាយ​របស់​លោក​Putin។លោកបានជាប់ឆ្នោតជាប្រធានាធិបតីលើកដំបូងនៅឆ្នាំ២០០០ហើយបានជាប់ឆ្នោតឡើងវិញនៅឆ្នាំ២០០៤។ លោកបានចំណាយពេលមួយអាណត្តិជានាយករដ្ឋមន្ត្រីពីឆ្នាំ២០០៨ដល់ ២០១២។នេះក៏ជារយៈពេលដែលអាណត្តិប្រធានាធិបតីរុស្ស៊ីមានរយៈពេលពី៤ឆ្នាំទៅ៦ឆ្នាំ។ក្នុងឆ្នាំ២០១២លោកPutinបានត្រឡប់មកធ្វើជាប្រធានាធិបតីវិញ បន្ទាប់មកបានបន្តជាប់ឆ្នោតម្តងទៀតនៅក្នុងឆ្នាំ២០១៨។ យោងតាម ​​TASS ក្នុងការបោះឆ្នោតឆ្នាំ២០១៨លោកPutinទទួលបានសម្លេងឆ្នោត ៧៦.៦៩%ក៏ជាលទ្ធផលល្អបំផុតបន្ទាប់ពីរយៈពេល៤ឆ្នាំជាប់ជាប្រធានាធិបតី។ដើម្បីបម្រើការបោះឆ្នោតនាពេលខាងមុខអ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយថា ការិយាល័យបោះឆ្នោតប្រហែល៣០០នឹងត្រូវធ្វើឡើងនៅបរទេស៕