រុស្ស៊ី"ឈ្នះធំ"ដោ​យក្រវាត់ប្រាក់ដុល្លារនិ​ងអឺរ៉ូចោល

 អ្នកនាំចូលទំនិញអេឡិចត្រូនិកនៅក្នុងប្រទេសរុស្ស៊ីស្ទើរតែមិនប្រើUSD និងអឺរ៉ូក្នុងប្រតិបត្តិការទូទាត់។ការប្រើប្រាស់រូបិយប័ណ្ណជំនួសUSD បានជួយកាត់បន្ថយថ្លៃដើមនៃទំនិញមួយចំនួននៅក្នុងប្រទេសនេះ។

អ្នកគ្រប់គ្រងក្រុមហ៊ុនផលិតគ្រឿងអេឡិចត្រូនិចនៅប្រទេសរុស្ស៊ីបាននិយាយថាការទិញស្ទើរតែទាំងអស់ក្នុងឆ្នាំ២០២៣នឹងត្រូវបង់ជាប្រាក់យ័ន និងប្រាក់រូពីឥណ្ឌា។លើសពីនេះពួកគេក៏ប្រើប្រាស់រូបិយប័ណ្ណនៃប្រទេសកំពុងអភិវឌ្ឍន៍មួយចំនួនទៀត។អ្នកចែកចាយឧបករណ៍អេឡិចត្រូនិក diHouse បានបោះបង់ចោលប្រាក់អឺរ៉ូនិងដុល្លារក្នុងការទូទាត់ចាប់ពីឆ្នាំ២០២២។ CFOរបស់ក្រុមហ៊ុនបាននិយាយថាបន្ថែមពីលើអត្ថប្រយោជន៍នៃការមិនទទួលរងការដាក់ទណ្ឌកម្មការបម្លែងរូបិយប័ណ្ណក៏កាន់តែងាយស្រួលផងដែរ។ ដែលធ្វើឲ្យទាំងអ្នកទិញនិងអ្នកលក់ទទួលបានអត្ថប្រយោជន៍។ដូច្នេះ ការចំណាយលើតម្លៃផលិតផលក៏ត្រូវបានកាត់បន្ថយផងដែរ។នៅចុងឆ្នាំ ២០២៣ស្ថាប័នហិរញ្ញវត្ថុមួយចំនួនរបស់រុស្ស៊ីក៏បានផ្តល់ជូនឈ្មួញកណ្តាលការទូទាត់រូបិយប័ណ្ណគ្រីបតូក្នុងប្រតិបត្តិការជាមួយអ្នកផ្គត់ផ្គង់បរទេសផងដែរ។យោងតាមលោក Eldar Murtazin អ្នកជំនាញនៅក្រុមហ៊ុនវិភាគ Mobile ResearchGroupវាច្បាស់ណាស់សម្រាប់អ្នកនាំចូលឧបករណ៍ដើម្បីបោះបង់ចោលUSDនិងអឺរ៉ូ។លោកបានពន្យល់ថារូបិយប័ណ្ណលោកខាងលិចបច្ចុប្បន្នពិបាកក្នុងការធ្វើពាណិជ្ជកម្មក្នុងបរិមាណដ៏ច្រើននៅក្នុងប្រទេសរុស្ស៊ី ហើយក៏ពិបាកក្នុងការផ្ទេរទៅឱ្យអ្នកផ្សេងទៀតនៅបរទេសដោយសារការដាក់ទណ្ឌកម្ម។ការផ្លាស់ប្តូររូបិយប័ណ្ណទូទាត់មិនធ្វើឱ្យការចំណាយលើការទិញសម្រាប់អាជីវកម្មរុស្ស៊ីថ្លៃជាងនោះទេ។តាមពិតពួកគេថែមទាំងសន្សំបានប្រហែល១% នៅពេលបង់ជារូបិយប័ណ្ណរបស់ប្រទេសផ្សេងៗ។ចាប់តាំងពីឆ្នាំ ២០១៤ប្រទេសរុស្ស៊ីបានចាប់ផ្តើមកាត់បន្ថយការពឹងផ្អែកលើប្រាក់ដុល្លារ។ នៅឆ្នាំ២០២២ប្រទេសនេះនឹងកាត់បន្ថយការប្រើប្រាស់ប្រាក់អឺរ៉ូជាបណ្តើរៗ។សង្គ្រាមរវាងរុស្ស៊ីនិងអ៊ុយក្រែនបានបណ្តាលឱ្យលោកខាងលិចដាក់ទណ្ឌកម្មជាបន្តបន្ទាប់លើហិរញ្ញវត្ថុរបស់ទីក្រុងម៉ូស្គូចាប់ពីការបង្កកប្រាក់បំរុងបរទេស រហូតដល់ការដកធនាគាររុស្ស៊ីចេញពីប្រព័ន្ធទូទាត់សកលSWIFT ។អ្នកជំនាញនិយាយថារូបិយប័ណ្ណរបស់ចិនអាចផ្លាស់ប្តូរផ្ទេរ ឬបំប្លែងទៅជាប្រាក់ដុល្លារបានយ៉ាងងាយស្រួលនៅខាងក្រៅប្រទេសរុស្ស៊ី ដោយជួយឱ្យអ្នកនាំចូលនិងអ្នកនាំចេញជៀសវាងការខ្វះខាត និងបញ្ហានៅក្នុងប្រព័ន្ធដឹកជញ្ជូនឬការទូទាត់៕ពុតសាម៉ាត់ប្រភពRT, Izvestia