មន្ត្រីជាន់ខ្ពស់រដ្ឋាភិបាលកម្ពុជាបានគូសបញ្ជាក់ឲ្យXinhuaដឹងពីអនាគតដ៏ត្រចះត្រចង់សម្រាប់កិច្ចសហប្រតិបត្តិការសេដ្ឋកិច្ចនិងពាណិជ្ជកម្មកម្ពុជា-ចិន នៅឆ្នាំ២០២៤ដោយបានលើកឡើងថាការកើនឡើងជាលំដាប់នៃទំហំពាណិជ្ជកម្មនិងការវិនិយោគទ្វេភាគីបានផ្តល់ផលប្រយោជន៍ដល់ប្រទេស និងប្រជាជនទាំងពីរ។
![](https://blogger.googleusercontent.com/img/b/R29vZ2xl/AVvXsEjWcDWdXm7KHyms5Wv1-cy3WXBJ5YOQFswbg2HMyK7BqnfBKRoDFkGlMTFE2y1EBRacOwpM6e7yyuEYWC_5OFUAXFbNmwCsg3FcOHSnOH0zXmr5_qBYLkvIP1dqN02jR7RtXII7l_WbTUt5YarFa5IVwGuOm4r_JXIJgG7VHU5pVBTj1dnPsY7H9m7ovrGf/w640-h426/cambodia-china2286031ap.jpg) |
AP |
លោក សុខ ស៊ីផាន់ណា ទេសរដ្ឋមន្ត្រី និងជាប្រធានកិត្តិយសនៃក្រុមប្រឹក្សាភិបាលរបស់វិទ្យាស្ថានចក្ខុវិស័យអាស៊ី មានប្រសាសន៍ថា ឆ្នាំ២០២៤ គឺជាឆ្នាំដើម្បីអនុវត្តសហគមន៍ជោគវាសនារួម កម្ពុជា-ចិន ក្នុងយុគសម័យថ្មី និងឆ្នាំផ្លាស់ប្តូរ ប្រជាជននិងប្រជាជន ចិន-កម្ពុជា។លោកបានប្រាប់សារព័ត៌មានXinhuaក្នុងបទសម្ភាសន៍ថ្មីៗនេះថា “កិច្ចសហប្រតិបត្តិការសេដ្ឋកិច្ច និងពាណិជ្ជកម្ម កម្ពុជា-ចិន នឹងបន្តធ្វើឱ្យស៊ីជម្រៅនិងក្លាយជាកម្លាំងចលករសម្រាប់សេដ្ឋកិច្ចកម្ពុជា-ចិន ក៏ដូចជាកម្លាំងចលករដ៏សំខាន់សម្រាប់ការអភិវឌ្ឍសង្គមប្រកបដោយចីរភាព”។លោកបានបន្ថែមថា “សក្ដានុពលនៃកិច្ចសហប្រតិបត្តិការទេសចរណ៍ កម្ពុជា-ចិននឹងបន្តត្រូវបានស្វែងយល់កាន់តែល្អប្រសើរ ហើយការវិនិយោគហេដ្ឋារចនាសម្ព័ន្ធរបស់កម្ពុជានឹងសម្រេចបាននូវកំណើនខ្ពស់ជាងនេះ”។លោក ស៊ីផាន់ណា បានមានប្រសាសន៍ថា ការបង្កើត “ច្រករបៀងអភិវឌ្ឍន៍ឧស្សាហកម្ម” និង “ច្រករបៀងត្រី និងអង្ករ” នឹងសម្រេចបាននូវការអភិវឌ្ឍន៍ថ្មីៗ។លោកបានមានប្រសាសន៍ថា កំណើនសេដ្ឋកិច្ចរបស់កម្ពុជាត្រូវបានគេរំពឹងថា នឹងងើបឡើងវិញដល់ ៥,៨ ភាគរយនៅឆ្នាំ២០២៤ដោយដកស្រង់ពីរបាយការណ៍ថ្មីៗនេះរបស់ធនាគារពិភពលោក។លោកទេសរដ្ឋមន្ត្រីបានមានប្រសាសន៍ថា កម្ពុជា និងចិនទទួលបានលទ្ធផលល្អក្នុងទំនាក់ទំនងពាណិជ្ជកម្ម និងវិនិយោគនៅឆ្នាំ២០២៣ ចំពេលមានការធ្លាក់ចុះនៃតម្រូវការសកល ដោយលោកបានលើកឡើងថាពាណិជ្ជកម្មទ្វេភាគីបានកើនឡើងកាលពីឆ្នាំមុន ខណៈការវិនិយោគរបស់ចិននៅកម្ពុជាមានចំនួន៦៦ ភាគរយនៃប្រភពវិនិយោគបរទេសរបស់ព្រះរាជាណាចក្រកម្ពុជា។លោកបានបន្តថា ប្រទេសចិនជាដៃគូពាណិជ្ជកម្មធំបំផុតរបស់កម្ពុជា រយៈពេល ១ ឆ្នាំជាប់គ្នា ហើយនៅតែជាប្រភពវិនិយោគផ្ទាល់ពីបរទេសធំបំផុតរបស់ប្រទេសកម្ពុជា។លោក ស៊ីផាណា បានមានប្រសាសន៍ថា ការចូលជាធរមានជាផ្លូវការនៃកិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានចាក់បញ្ចូលថាមពលដល់ការបន្តកើនឡើងនៃទំហំពាណិជ្ជកម្មទ្វេភាគី។លោកបានបន្ថែមថា អង្ករ ដំឡូងមី ចេក ស្វាយ មៀន ម្រេច និងប្រភេទផលិតផលកសិកម្មគុណភាពខ្ពស់ផ្សេងទៀតរបស់កម្ពុជា ត្រូវបានអនុញ្ញាតឱ្យនាំចេញទៅប្រទេសចិន។លោកបានមានប្រសាសន៍ថា បច្ចុប្បន្នផ្លែទុរេន និងសំបុកត្រចៀកកាំ កំពុងស្ថិតក្រោមការវាយតម្លៃទីផ្សារ ដោយលោកបានបន្ថែមថា ប្រទេសចិនបានក្លាយជាទីផ្សារនាំចេញផ្លែចេក និងផ្លែមៀនធំបំផុតរបស់កម្ពុជា។លោក ស៊ីផាណាបានមានប្រសាសន៍ថាកម្ពុជាប្តេជ្ញារក្សាទំនាក់ទំនងការទូតកម្រិតខ្ពស់របស់ខ្លួនជាមួយប្រទេសចិន និងគាំទ្រគំនិតផ្តួចផ្តើមខ្សែក្រវ៉ាត់និងផ្លូវ (BRI)។លោកបានបន្តថា៖ « BRI ជាកត្តាសំខាន់ក្នុងការទាក់ទាញការវិនិយោគរបស់ចិនបន្ថែមទៀត»។លោកទេសរដ្ឋមន្ត្រីបានបន្ថែមថា BRI មានភាពស៊ីគ្នាច្រើនទៅនឹងដំណាក់កាលទីមួយនៃយុទ្ធសាស្ត្របញ្ចកោណរបស់កម្ពុជា ដោយពង្រឹងក្របខណ្ឌកិច្ចសហប្រតិបត្តិការ “ត្បូងពេជ្រ” រវាងប្រទេសទាំងពីរក៏ដូចជាដើរតួនាទីយ៉ាងសំខាន់ក្នុងការអភិវឌ្ឍន៍សេដ្ឋកិច្ច និងលើកកម្ពស់ជីវភាពរស់នៅរបស់ប្រជាជនកម្ពុជា។លោកបានលើកឡើងពីគម្រោង BRI សំខាន់ៗនៅក្នុងព្រះរាជាណាចក្រកម្ពុជា រួមមាន អាកាសយានដ្ឋានអន្តរជាតិសៀមរាបអង្គរដែលបើកដំណើរការជាផ្លូវការកាលពីខែវិច្ឆិកាឆ្នាំមុន ផ្លូវល្បឿនលឿនភ្នំពេញ-ព្រះសីហនុ ដែលបានដាក់ឱ្យដំណើរការជាផ្លូវការក្នុងខែវិច្ឆិកា ឆ្នាំ២០២២ និងការបន្តសាងសង់ផ្លូវល្បឿនលឿនទីពីរពីភ្នំពេញទៅបាវិត។លោក ស៊ីផាន់ណា បានមានប្រសាសន៍ថា “គម្រោងហេដ្ឋារចនាសម្ព័ន្ធមួយចំនួនធំ ដូចជាផ្លូវថ្នល់ ស្ពាន អាកាសយានដ្ឋាន និងកំពង់ផែដែលអនុវត្តដោយសហគ្រាសដែលផ្តល់មូលនិធិដោយចិន បានជំរុញការអភិវឌ្ឍន៍និងការតភ្ជាប់សេដ្ឋកិច្ចរបស់កម្ពុជា”។លោកបានបន្ថែមថា ការសាងសង់ស្ថានីយ៍វារីអគ្គិសនី និងបណ្តាញបញ្ជូនដែលវិនិយោគដោយប្រទេសចិន ការសាងសង់សួនឧស្សាហកម្មជាច្រើនដូចជា តំបន់សេដ្ឋកិច្ចពិសេសក្រុងព្រះសីហនុ និងការសាងសង់សំបករោងចក្រផលិតសំបកកង់រថយន្ត និងរោងចក្រស៊ីម៉ងត៍បានធ្វើឱ្យកម្រិតឧស្សាហូបនីយកម្មនៅកម្ពុជាកាន់តែប្រសើរឡើង និងបង្កើតបានការងារ និងចំណូលពន្ធដ៏ច្រើន ដល់ព្រះរាជាណាចក្រកម្ពុជា។លោកបន្តថា៖ «ការវិនិយោគពីក្រុមហ៊ុនបច្ចេកវិទ្យារបស់ចិនក៏បានពង្រីកសេដ្ឋកិច្ចឌីជីថលរបស់ប្រទេសកម្ពុជាផងដែរ»។“កម្ពុជានិងចិនសម្រេចបានលទ្ធផលលេចធ្លោក្នុងការរួមគ្នាកសាងសហគមន៍ជោគវាសនារួម ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់៕
Post a Comment