តើ​អាវុធ​មួយ​ណា​​ដែល​អ៊ុយក្រែន​បា​ញ់​ទម្លាក់​យ​ន្តហោះ​Su-34រប​ស់​រុស្ស៊ី​៣គ្រឿង?

 អ្នកវិភាគមួយចំនួនបានបញ្ចេញមតិលើប្រភេទអាវុធដែលអ៊ុយក្រែនប្រើដើម្បីបាញ់ទម្លាក់យន្តហោះទម្លាក់Su-34របស់រុស្ស៊ីចំនួន៣ គ្រឿងនាពេលថ្មីៗនេះ។លោក Mykola Oleshchuk មេបញ្ជាការកងទ័ពអាកាសអ៊ុយក្រែនបានសរសេរនៅលើTelegram នៅថ្ងៃទី២២ខែធ្នូថា"នៅថ្ងៃត្រង់ថ្ងៃនេះនៅផ្នែកខាងមុខភាគខាងត្បូង យើងបានបំផ្លាញយន្តហោះទម្លាក់Su-34 របស់រុស្ស៊ីចំនួន៣គ្រឿង"។

យន្តហោះទម្លាក់គ្រាប់បែក Sukhoi Su-34 របស់កងទ័ពអាកាសរុស្ស៊ី (រូបថត៖ Getty)

ទន្ទឹមនឹងនេះ អ្នកនាំពាក្យកងទ័ពអាកាសអ៊ុយក្រែន Yurii Ihnat បានប្រាប់ទូរទស្សន៍អ៊ុយក្រែនថានេះគឺជា"ប្រតិបត្តិការដែលបានគ្រោងទុកដ៏អស្ចារ្យ" ។លោក​បាន​បន្ថែម​ថាជោគជ័យ​បែប​នេះ​គឺ​កម្រ​ណាស់ហើយ​យន្តហោះ​ចម្បាំង​ដូចជាSu-34 "មិន​បាន​ស្ថិត​ក្នុង​ស្ថិតិ​របស់​អ៊ុយក្រែន​ជា​យូរ​មក​ហើយ"។រុស្ស៊ីមិនបានធ្វើអត្ថាធិប្បាយលើព័ត៌មានខាងលើទេ ។ប៉ុន្តែអ្នកសរសេរប្លុកខ្លះបានសារភាពថារុស្ស៊ីបានរងការខាតបង់។ប្រធានាធិបតីអ៊ុយក្រែនលោក Volodymyr Zelensky បានសរសើរអង្គភាពការពារដែនអាកាសនៃតំបន់Odessa សម្រាប់ការបាញ់ទម្លាក់យន្តហោះចម្បាំងរុស្ស៊ីនៅជុំវិញKherson ដែលត្រូវបានគេមើលឃើញថាមានការប្រយុទ្ធគ្នាកាន់តែខ្លាំងនៅក្នុងប៉ុន្មានខែថ្មីៗនេះ។ប្រទេសរុស្ស៊ីនៅតែគ្រប់គ្រងទឹកដីដ៏ធំនៃភាគខាងកើតនៃទន្លេ Dnieprបន្ទាប់ពីបានដកថយយ៉ាងច្រើនពីភាគខាងលិចកាលពីឆ្នាំមុន។ក្រុមអ្នកវិភាគបាននិយាយថាអ៊ុយក្រែនប្រហែលជាបានប្រើប្រាស់ប្រព័ន្ធមីស៊ីលPatriotដែលជាអាវុធផ្គត់ផ្គង់ដោយលោកខាងលិចដែលមានរយៈចម្ងាយរហូតដល់១៦០គីឡូម៉ែត្រដែលកងកម្លាំងអ៊ុយក្រែនប្រហែលជាបានបាញ់ចេញពីភាគខាងលិចនៃទន្លេDniepr។នេះបើយោងតាមសារព័ត៌មានReuters។អ៊ុយក្រែនបានប្រកាសកាលពីខែឧសភាថាខ្លួនបានប្រើប្រាស់ប្រព័ន្ធមីស៊ីលPatriot ដើម្បីទម្លាក់យន្តហោះរុស្ស៊ី៥គ្រឿងក្នុងរយៈពេល៥នាទី ។Su-34 ដែលមានរហស្សនាមថា "រថក្រោះហោះ" គឺជាយន្តហោះទម្លាក់គ្រាប់បែកកំពូលមួយនៅក្នុងឃ្លាំងអាវុធរបស់រុស្ស៊ី។ Su-34 ត្រូវបានគេនិយាយថាមានតម្លៃរាប់លានដុល្លារ។ អ្នកនាំពាក្យកងទ័ពអាកាសអ៊ុយក្រែនYurii Ihnat បានបញ្ជាក់ថាយន្តហោះ Su-34 មានតម្លៃ "យ៉ាងហោចណាស់៥០ លានដុល្លារ"។ក្នុងអំឡុងសង្គ្រាមនៅអ៊ុយក្រែនយន្តហោះ Su-34 បានទទួលបេសកកម្មទម្លាក់គ្រាប់បែកណែនាំប្រឆាំងនឹងគោលដៅរបស់អ៊ុយក្រែន។នេះធ្វើឱ្យ"រថក្រោះហោះ"ងាយរងគ្រោះនៅរយៈកម្ពស់ទាបចំពោះប្រព័ន្ធការពារដែនអាកាសរបស់អ៊ុយក្រែន។ជាពិសេសជាមួយនឹងកាំជ្រួចមីស៊ីលដែលមិនបញ្ចេញសញ្ញារ៉ាដានិងមិនអាចជាប់គាំងបាន។បច្ចុប្បន្នអ៊ុយក្រែនមានប្រព័ន្ធ Patriot ដែលផ្គត់ផ្គង់ដោយសហរដ្ឋអាមេរិក និងអាល្លឺម៉ង់។ ការមកដល់នៃ Patriot ចាប់តាំងពីនិទាឃរដូវ រួមជាមួយនឹងប្រព័ន្ធការពារដែនអាកាសមួយចំនួនទៀតបានបង្ហាញពីការផ្លាស់ប្តូរគួរឱ្យកត់សម្គាល់ ដោយបានជួយកងកម្លាំងអ៊ុយក្រែន ទប់ទល់ការវាយប្រហារតាមអាកាសភាគច្រើនរបស់រុស្ស៊ីលើរដ្ឋធានីគៀវអស់រយៈពេលជាច្រើនខែកន្លងមក។Patriotគឺជាប្រព័ន្ធការពារដែនអាកាសរយៈចម្ងាយឆ្ងាយពហុគោលបំណងដែលមានរយៈចម្ងាយពី៧០-១៦០km ដែលមានសមត្ថភាពអាចប្រតិបត្តិការបានគ្រប់លក្ខខណ្ឌអាកាសធាតុជាមួយនឹងពិដានហោះហើរគោលដៅរហូតដល់២៤km។ Patriot មានសមត្ថភាពស្ទាក់ចាប់គោលដៅជាច្រើនពីអាកាសរួមទាំងយន្តហោះចម្បាំងមីស៊ីលផ្លោង និងCruise ។រ៉ាដារបស់ Patriot គឺជាធាតុផ្សំដ៏សំខាន់បំផុតមួយដោយសារវាអាចចាប់និងតាមដានគោលដៅច្រើនជាង១០០និងមានចម្ងាយឆ្ងាយជាង១០០គីឡូម៉ែត្រ។ កាំជ្រួចមីស៊ីលអាចដំណើរការដាច់ដោយឡែកពីរ៉ាដានិងស្ថានីយ៍បញ្ជា និងមីស៊ីលបាញ់ក្នុងរយៈពេលតិចជាង៩វិនាទី។បន្ទាប់ពីមីស៊ីលត្រូវបានបាញ់បង្ហោះ ប្រព័ន្ធនឹងបញ្ជូនទិន្នន័យត្រឡប់ទៅស្ថានីយរ៉ាដាវិញ ដោយជួយណែនាំមីស៊ីលទៅកាន់គោលដៅ។យោងតាមមជ្ឈមណ្ឌលសម្រាប់ការសិក្សាយុទ្ធសាស្ត្រនិងអន្តរជាតិ(CSIS)ដែលមានមូលដ្ឋាននៅសហរដ្ឋអាមេរិក ប្រព័ន្ធរ៉ាដារបស់ Patriot រួមបញ្ចូលគ្នានូវមុខងារឃ្លាំមើល និងការតាមដានដ៏ទំនើបដែលធ្វើឱ្យវាមានភាពលេចធ្លោជាងអគារការពារដែនអាកាសដទៃទៀត៕

Patriotគឺជាប្រព័ន្ធការពារដែនអាកាស។