លោក​​Xi Jinpingបានទ​ទួលជួបនា​យករដ្ឋមន្ត្រីក​ម្ពុជា

 លោកXiបាននិយាយថាប្រទេសចិនត្រៀមខ្លួនជាស្រេចក្នុងការសម្របសម្រួលជាមួយកម្ពុជាក្នុងការបង្ក្រាបឧក្រិដ្ឋកម្មឆ្លងដែននៅពេលទទួលលោក ហ៊ុន ម៉ាណែត នៅទីក្រុងប៉េកាំង។ប្រធានាធិបតី Xi Jinping ជឿជាក់ថា ដំណើរទស្សនកិច្ចរបស់លោកនាយករដ្ឋមន្ត្រី ហ៊ុន ម៉ាណែត នឹងជួយជំរុញទំនាក់ទំនងរវាងចិននិងកម្ពុជា "ឱ្យកាន់តែស៊ីជម្រៅ និងជាក់ស្តែង" ស្ថានីយទូរទស្សន៍កណ្តាលចិន CCTV បានរាយការណ៍អំពីជំនួបរវាងមេដឹកនាំទាំង២នៅមហាសាលប្រជាជនក្នុងទីក្រុងប៉េកាំងថ្ងៃនេះ។លោក ហ៊ុន ម៉ាណែត បានទៅដល់ទីក្រុងប៉េកាំង កាលពីថ្ងៃទី១៤ខែកញ្ញាដោយបំពេញទស្សនកិច្ចផ្លូវការរយៈពេល៣ថ្ងៃនៅប្រទេសចិន តាមការអញ្ជើញរបស់នាយករដ្ឋមន្ត្រី Li Qiang។

លោក ហ៊ុន ម៉ាណែត នាយករដ្ឋមន្រ្តីកម្ពុជាឆ្វេង ចាប់ដៃជាមួយប្រធានាធិបតីចិន Xi Jinping ស្តាំ ក្នុងពិធីស្វាគមន៍នៅទីក្រុងប៉េកាំង ប្រទេសចិន ថ្ងៃសុក្រ ទី១៥ខែកញ្ញា ឆ្នាំ ២០២៣។ - AP

លោកXiបាននិយាយថាប្រទេសចិនបានត្រៀមខ្លួនជាស្រេចក្នុងការសម្របសម្រួលជាមួយកម្ពុជាក្នុងការអនុវត្តច្បាប់និងបញ្ហាសន្តិសុខ និងក្នុងការបង្ក្រាបឧក្រិដ្ឋកម្មឆ្លងដែនដូចជាការលេងល្បែងស៊ីសងតាមអ៊ីនធឺណិតនិងការលួចបន្លំតាមទូរស័ព្ទជាដើម។ប្រទេសចិនក៏មានឆន្ទៈក្នុងការរក្សាទំនាក់ទំនងជាយុទ្ធសាស្រ្តជាទៀងទាត់និងបង្កើនការផ្លាស់ប្តូរប្រតិបត្តិការជាមួយកម្ពុជា។លោក Xi បានសង្កត់ធ្ងន់ថា អតីតនាយករដ្ឋមន្ត្រី ហ៊ុន សែន បានធ្វើ "ការរួមចំណែកជាប្រវត្តិសាស្ត្រដល់មិត្តភាពចិន-កម្ពុជា" ហើយបានសម្តែងក្តីសង្ឃឹមថាលោកនឹងទៅទស្សនកិច្ចប្រទេសចិនឱ្យបានញឹកញាប់។នេះ​ជា​ដំណើរ​ទស្សនកិច្ច​ផ្លូវការ​លើកដំបូង​របស់​លោកនាយក​រដ្ឋមន្ត្រី ហ៊ុន ម៉ា​ណែ​ត អាយុ៤៥ ឆ្នាំ ចាប់តាំងពី​លោក​ចូលកាន់​តំណែង​កាលពី​ថ្ងៃទី ២២ ខែសីហា​។ ក្រៅពីជួបលោក Xi នាយករដ្ឋមន្ត្រីកម្ពុជាក៏បានជួបពិភាក្សាជាមួយនាយករដ្ឋមន្ត្រី Li Qiang និងជួបជាមួយប្រធានរដ្ឋសភាចិន Zhao Leji ផងដែរ។បន្ទាប់ពីទីក្រុងប៉េកាំង លោកនាយករដ្ឋមន្ត្រី ហ៊ុន ម៉ាណែត នឹងទៅទីក្រុងណាននីងដើម្បីចូលរួមពិព័រណ៍ចិន-អាស៊ានលើកទី២០។ចិន-កម្ពុជា មានទំនាក់ទំនងល្អ ហើយក្នុងប៉ុន្មានឆ្នាំចុងក្រោយនេះ ប្រទេសទាំង២បានពង្រឹងកិច្ចសហប្រតិបត្តិការយោធាលើវិស័យជាច្រើនដូចជាការបណ្តុះបណ្តាលការបណ្តុះបណ្តាលបុគ្គលិកនិងការរក្សាការផ្លាស់ប្តូរកម្រិតខ្ពស់៕ប្រភពCCTV, AFP, Reuters