កម្ពុជា-អាម៉េរិកប្រកាសបន្តកិច្ចសហប្រតិបត្តិការនៅក្នុងវិស័យផ្សេងៗ
ប្រមុខរាជរដ្ឋាភិបាលកម្ពុជានិងឯកអគ្គរដ្ឋទូតអាម៉េរិកប្រចាំកម្ពុជាបានពិភាក្សានិងបន្តកិច្ចសហប្រតិបត្តិការនៅក្នុងវិស័យផ្សេងៗទៀតដែលប្រទេសទាំង២កំពុងយកចិត្តទុកដាក់បំផុត។ក្នុងជំនួបរវាង រវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង ឯកឧត្តម ផាទី្រក មើហ្វី (W.Patrick Murphy) ឯកអគ្គរដ្ឋទូតសហរដ្ឋអាមេរិក ប្រចាំព្រះរាជាណាចក្រកម្ពុជា នាថ្ងៃទី២៧ ខែកញ្ញា ឆ្នាំ២០២៣នេះ នៅវិមានសន្តិភាព សម្ដេចធិបតី បានកោតសរសើរ និងវាយតម្លៃខ្ពស់ ចំពោះកិច្ចសហប្រតិបត្តិការទ្វេភាគីកម្ពុជា-សហរដ្ឋអាមេរិក នាពេលកន្លងមក។ ភាគីទាំងពីរ ក៏បានប្តេជ្ញាចិត្តផងដែរ ក្នុងការបន្តនូវកិច្ចសហប្រតិបត្តិការជាមួយគ្នាឱ្យកាន់តែជិតស្និទ្ធបន្ថែមទៀតសម្រាប់ជាឧត្តមប្រយោជន៍ នៃប្រទេសទាំង២។សម្ដេចធិបតី បានថ្លែងអំណរគុណចំពោះរដ្ឋាភិបាលសហរដ្ឋអាមេរិក ដែលបានផ្តល់ជូនឡើងវិញនូវជំនួយក្នុងទំហំទឹកប្រាក់ប្រមាណ ១៨លានដុល្លារអាម៉េរិក តាមរយៈទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ(USAID)។ ប្រាក់ជំនួយដែលត្រូវបានផ្តល់ជូនឡើងវិញនេះ នឹងត្រូវយកទៅប្រើប្រាស់នៅក្នុងវិស័យសំខាន់ៗ ដូចជា៖ (១) ការកែលម្អការផ្តល់សេវាសុខាភិបាលទាំងក្នុងផ្នែករដ្ឋ និងផ្នែកឯកជន (២) ការការពារបរិស្ថានប្រកបដោយចីរភាព (៣) ការការពារ និងការប្រយុទ្ធនឹងជំងឺរបេង និង (៤)ការបណ្ដុះបណ្ដាលផ្នែកសហគ្រិនភាពដល់យុវជនកម្ពុជាជាដើម។ពាក់ព័ន្ធនឹងការធ្វើមាតុភូមិនិវត្តន៍ពលរដ្ឋខ្មែរ ភាគីទាំងពីរបានឯកភាពគ្នាក្នុងការបន្តសម្របសម្រួលសហប្រតិបត្តិការយ៉ាងជិតស្និទ្ធនៅគ្រប់ជំហាននៃនីតិវិធី ពោលគឺ៖ (១) ពន្លឿននីតិវិធីក្នុងការកំណត់អត្តសញ្ញាណនិងការរៀបចំបញ្ជូនពលរដ្ឋខ្មែរមកកម្ពុជា (២) ធ្វើសាមញ្ញកម្មនីតិវិធីនៅពេលបញ្ចូន និង (៣)រៀបចំផែនការសកម្មភាពនៃការគាំទ្រ និងការធ្វើសមាហរណកម្មសម្រាប់ឱ្យពលរដ្ឋខ្មែរ អាចបន្សំ និងអាចធ្វើសមាហរណកម្មទៅក្នុងសង្គមកម្ពុជាវិញ សំដៅកសាងជីវិតថ្មីមួយឱ្យបានល្អសមស្របនៅលើទឹកដីកម្ពុជា។
 |
/unnamed.png
Post a Comment