រដ្ឋាភិបាលកម្ពុជា និងគុយបា បន្តកិច្ចសហប្រតិបត្តិការល្អជាមួយគ្នាបន្ថែមដោយផ្អែកលើទំនាក់ទំនងជាប្រវត្តិសាស្ត្រយូរអង្វែងនិងប្ដេជ្ញាបន្តគាំទ្រគ្នាទៅវិញទៅមកនៅក្នុងវេទិកាពហុភាគី ដើម្បីរឹតចំណងមិត្តភាព និងបង្កើនប្រសិទ្ធភាពទំនាក់ទំនងទ្វេភាគី។ការបង្កើនទំនាក់ទំនង និងប្ដេជ្ញាគាំទ្រជួយគ្នាទៅវិញទៅមកនេះ ធ្វើឡើងក្នុងជំនួបពិភាក្សាការងារតាមទូរសព្ទរវាងលោក ហ៊ុន ម៉ាណែតនាយករដ្ឋមន្ត្រីកម្ពុជា និងលោក មីហ្គែល ឌីយ៉ាស-ខាណែល ប័រមូដេស (Miguel Diaz-Canel Bermudez) ប្រធានាធិបតីសាធារណរដ្ឋគុយបា នៅខុទ្ទកាល័យនាយករដ្ឋមន្ត្រី ក្រុងតាខ្មៅ កាលពីថ្ងៃសៅរ៍។
 |
|
ក្នុងជំនួបនេះ ប្រធានាធិបតីគុយបា បានសម្តែងការអបអរសាទរចំពោះលោក ហ៊ុន ម៉ាណែត ដែលត្រូវបានជ្រើសតាំងជានាយករដ្ឋមន្ត្រីកម្ពុជា និងបានផ្តាំផ្ញើសួរសុខទុក្ខ ព្រមទាំងអបអរសាទរដល់លោក ហ៊ុន សែន ប្រធានគណបក្សប្រជាជនកម្ពុជា ដែលទទួលបានជ័យជម្នះក្នុងការបោះឆ្នោតជ្រើសតាំងតំណាងរាស្ត្រ សម្រាប់នីតិកាលទី៧ នៃរដ្ឋសភា កាលពីថ្ងៃទី២៣ ខែកក្កដា ឆ្នាំ២០២៣។លោក មីហ្គែល ឌីយ៉ាស-ខាណែល ប័រមូដេស ក៏បានបញ្ជាក់អំពីការប្តេជ្ញាចិត្តក្នុងការបន្តកិច្ចសហប្រតិបត្តិការល្អជាមួយកម្ពុជា ដោយផ្អែកលើទំនាក់ទំនងជាប្រវត្តិសាស្ត្រដ៏យូរលង់ និងបន្តគាំទ្រគ្នាទៅវិញទៅមក នៅក្នុងវេទិកាពហុភាគីនានា។លោកក៏បានរំឭកនូវអនុស្សាវរីយ៍ល្អៗក្នុងដំណើរទស្សនកិច្ចផ្លូវការរបស់លោក ហ៊ុន សែន នៅសាធារណរដ្ឋគុយបា កាលពីខែកញ្ញា ឆ្នាំ២០២២ ដែលចាត់ទុកថាជាឆ្នាំដ៏សំខាន់នៃការលើកកម្ពស់ទំនាក់ទំនងរវាងប្រទេសទាំងពីរ។ដំណើរទស្សនកិច្ចផ្លូវការកាលពីឆ្នាំ២០២២ កម្ពុជា និងគុយបា ក៏បានបង្កើនកិច្ចប្រតិបត្តិការតាមរយៈចុះអនុស្សរណៈយោគយល់គ្នាលើវិស័យកសិកម្ម សុខាភិបាល អប់រំ និងវិស័យកីឡា ជាដើម។ក្នុងជំនួបខាងលើនេះ លោក ហ៊ុន ម៉ាណែតបានថ្លែងអំណរគុណចំពោះការផ្តួចផ្តើមបង្កើតឱ្យមានកិច្ចភិភាក្សាតាមទូរសព្ទ ដើម្បីកាន់តែមានភាពស្និទ្ធស្នាល និងទំនាក់ទំនងល្អប្រសើរ។លោកនាយករដ្ឋមន្ត្រីកម្ពុជាបញ្ជាក់ថា ក្រៅពីទំនាក់ទំនងរវាងទ្វេភាគីជាប្រវត្តិសាស្ត្រល្អ ក្នុងនាមជារដ្ឋាភិបាលកម្ពុជា បានសម្តែងនូវការអរគុណចំពោះជំនួយឧបត្ថម្ភ និងការគាំទ្ររបស់គុយបា កាលដែលកម្ពុជាជួបប្រទះនូវការលំបាកបំផុតក្នុងប្រវត្តិសាស្ត្រ។ជាពិសេសក្រោយថ្ងៃរំដោះចេញពីរបបកម្ពុជាប្រជាធិបតេយ្យ ឬរបបខ្មែរក្រហម ដែលទាំងអស់នេះពិតជាឆ្លុះបញ្ចាំងឱ្យឃើញកាន់តែច្បាស់អំពីទំនាក់ទំនងប្រកបដោយសាមគ្គីភាព និងមិត្តភាពដ៏រឹងមាំរវាងប្រទេស និងប្រជាជនទាំងពីរ។លោក ហ៊ុន ម៉ាណែត ក៏បានលើកឡើងអំពីស្មារតីនៃការបន្ត និងពង្រឹងកិច្ចសហប្រត្តិការល្អនៅក្នុងវិស័យដែលមានស្រាប់ ជាពិសេសមានទិសដៅពង្រីកបន្ថែមលើវិស័យដែលមានសក្តានុពលផ្សេងៗបន្តទៀត។នៅក្នុងជំនួបនេះ លោកនាយករដ្ឋក៏បានគាំទ្រ និងជំរុញឱ្យមានការរៀបចំកិច្ចពិគ្រោះយោបល់ផ្នែកនយោបាយលើកទី៣ រវាងក្រសួងការបរទេស និងសហប្រតិបត្តិការអន្តរជាតិ នៃប្រទេសទាំងពីរក្នុងពេលឆាប់ៗខាងមុខ ដើម្បីបន្តចុះអនុស្សរណៈយោគយល់គ្នា និងកិច្ចព្រមព្រៀងផ្សេងៗមួយចំនួនទៀត ដើម្បីបង្កើនប្រសិទ្ធភាព និងប្រសិទ្ធផលខ្ពស់៕Khmer Times
/unnamed.png
Post a Comment